2 कुरिन्थियों 7:2 - लाहौली बाइबिल

² हेंदिंङ केनातु भत्ते सेहमे दाह लंहि। ञेंहच़ी माह अतुआ मदम लाहतंई, माह अतुआ नुकसान लहज़ातंई, माह अतिया हेंदु फायदा ओ थल्जी ठगेकातंई।

2 कुरिन्थियों 7:2 Iomraidhean Croise

मत्ती 10:14

दंङ अच़िया केहतु गप्पा माह रेड्रोर ए केहतु इज्ज़त माह लोहर, दुह घरबारे ए नगरारिंङ हुंज़ा केनातु कोन्ज़ो धुह्‌ड़ ला ठुड़ेके कि च़रतुंई।

मत्ती 10:40

अच़ि केरे ग्रहण लाह दोई गेह ग्रहण दंङ अच़िला गेह ग्रहण दोई परमेश्वरा बि अपनाच़ा।

लूको 10:8

अंऊ ला इलाकंङ केहतु खुशी रंङ स्वागत लोहर दंङ छिला केतिंङ ज़ेइमी थल्जी रमोर दुह खुशी रंङ साते ज़ेईन।

प्रेरित 20:33

गेह अतुआ मुल, ज़ंङ दंङ खमज़े तु लालच माह लहरिगा।

रोमियो 16:18

छना कुचे झांह ठ्रोह मीहरे हेंदु प्रभु मसीहू माह शुरे, पर एनोह फायदा ओ थल्जी सेवा लहज़ातोर; दंङ दिरे मीहरे मीठे-मीठे गप्पा लहज़ी सीधे-साधे सेहमो मीहतिंङ बहकाके चरच़ातोर।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 11:16

गेह यह्च़ा कुट्रातग, अच़िया गिह्बी मुर्ख था समझेक्तुंई; माह ता मुर्ख चेहके गिऊ सहन लंहि, ताकि थोड़े हरे गेह ला घमण्ड ले तरपोग।

2 कुरिन्थियों 11:9

दंङ अंऊ मुक्का गेह केतंङ साते तोईग, दंङ गिह्बी ढबाहो कमी शुई, दंङ गेह अतुला टोईच़ी भार माह केईगा छना कुचे विशवासी न्वारे ज़ि, मकिदुनिया नगरंङ अंज़े गिऊ कमी पूरा लहरिर; दंङ गेह छना ठ्रोह ला केहतु थल्जी छना ठ्रोह ला परेशानी बढ़ेक्पिमी दोरच़ी बचेके इलिगा, दंङ अंजा टेमारिंङ ला केहतु टोईच़ी बोझ माह बणेक्पोग।

2 कुरिन्थियों 4:2

पर हेंज़ी षेह्द अपिमी जोगे ए गुप्तो कम छोड़ेके चरच़ातंई, दंङ माह ए चालाकी रंङ साते ज़ोवातंई, दंङ माह परमेश्वरो बचना रिंङ मिलावट लहज़ातंई, पर हेनर परमेश्वरो तुईज़ी सिर्फ हेले कंड्रातंई। परमेश्वरो तुईज़ी हर इच्च़ा गवाही रंड्री तरपोतो कि दि हेले तोह।

फिलिपियों 2:29

झांह लेह केरे प्रभुरिंङ दोरंङ साते महसे खुशी रंङ साते दोईनि, दंङ केतिंङ दोऊ ए ठ्रोह दोतु आदर लेह जूंशी तोह,

कुलुस्सियों 4:10

अरिस्तखुर्स अंऊ गेरंङ साते कैदी तोद, दंङ बरनबासो भंई मरकुस केतिंङ नमस्ते कुट्रातोर। अतु पाहठी केतिंङ तुहई ए कांहषी तोहई, कि अगर दुह केहतु कछंङ अपतो, ता दोरंङ रूठेरंङ साते व्यवहार लंहि,

1 थिस्सलुनीकियों 2:10

केरे केनर ए गवाह शुई, दंङ परमेश्वर ला गवाह तोह, कि केरे भत्ते विशवासी तंङ साते ञेंहतु व्यवहार छना ठ्रोह सच्चा, धर्मी ए निर्दोष तोहई।

फिलेमोंन 1:12

हालांकि गेह उनेसिमुस रंङ साते महस दाह लहज़ातग, तांला गेह दोबि कनु कछंङ वापिस चरच़ातग।

फिलेमोंन 1:17

अगर केई गिह्बी केहनो साथी न्वा चेहच़ातन, दंङ दोबि झांह ठ्रोह ग्रहण लोहतो छना केहच़ी गिह्बी ग्रहण लहतंई।

2 यूहन्ना 1:10

अगर अरिया केहतु कछंङ अंज़े झांह ठ्रोह शिक्षा रंड्रा तोर अंऊ मसीहू शिक्षा बे शत्‌ह तोह, दोबि माह ता चुंङ अपि रांई दंङ माह ए नमस्कार लहज़ी बढावा रांई।