2 कुरिन्थियों 7:10 - लाहौली बाइबिल

¹⁰ छना कुचे दुह दुख, अंऊ परमेश्वर तरफे हपा, उद्धार रंड्रा पश्चातापो वहज़ा बणेंके यवात, अंऊर अफसोस लहज़िमी छल्ले ठहरि माह केहषा। पर संसारिक दुख मोतो बि पैदा लहज़ा।

2 कुरिन्थियों 7:10 Iomraidhean Croise

मत्ती 26:75

दंङ पतरसबि यीशु कुट्री गप्पा हिद अति; “कुकड़ो झुह्ट फेरा हाऊष रंड्री बे तुई केई षुमु फेरा गिऊ इन्कार लोहुन।” दंङ धह्तेका इलजे हुक्शा, हुक्शा क्रप्चाते।

लूको 15:10

गेह केतंङ साते कुट्रातग पापो दोरच़ी सेहम यह्च़ा इच्च़ा पापीऊ थल्जी परमेश्वरो स्वर्गदूतातु तुईज़ी खुशी शुहबी।”

लूको 18:13

“पर चुंगी लेहपच़ा रे ऊई तार खड़े शुहचे, स्वर्गो हखा माह खांई, पर दुखारंङ एनोह काह कुटेके कुहतो, हे परमेश्वर, गेह इच्च़ा पापी शुगाह। गिऊ टोईच़ी दया लोहू।

प्रेरित 11:18

दिह रेड्रा दोरे यहुदी बिशवासीर चुपे बंङज़िरी, दंङ परमेश्वरो तारीफ लहज़ा कुट्री लेहतिर, “दंङ ता परमेश्वरे ऊईजाति ऊ मीहतिंङ ला अनंत जीवनो थल्जी एनोह पापो दोरच़ी सेहम किरज़िमी ए यीशु मसीहू टोहकठे बिशवास लहज़िमी दान रांहषी ततो।”

प्रेरित 3:19

झांह लेह केनातु मदम कमो दोरच़ी सेहम किर्तुंई दंङ परमेश्वरो हखा यह्च़ा अतंई कि केतिंङ केनातु पापो दोरच़ी माफी खोकसोतो।

2 कुरिन्थियों 12:21

दंङ झांह शुहबी मेस कि अपेहल गेह वापिस अपोग, गिऊ परमेश्वरे गिऊ अपमान लोहतो। दंङ गिह्बी महसे तु थल्जी यह्च़ा शोक लेह लेह्पोतो, अंऊ दोच़ी तुहई पाप लहरिर, दंङ दू झखंजी कमो, दंङ कुकम, ए लुचपन बि, अंऊ दोच़ी लहरिर, सेहम माह किरच़िर।

2 कुरिन्थियों 7:9

पर हेंतेग गेह खुश तोतोग, दिऊ थल्जी मशत कि केतिंङ दुख शुचाह पर दिऊ थल्जी कि केहच़ी दू दुखो वहज़ा ज़ि केहच़ी पाप लहज़ी बंद लेह केहिनी दंङ परमेश्वरो हखा किरच़ा इलांई, छना कुचे दि ध्वांए ठ्रोह दुख तोहई अंऊ परमेश्वरे जुंज़ाते कि ञेंहतु तरफे केतिंङ छल्ले गप्पो नुकसान शुहबी माह जूंस।

इब्रानियों 12:17

केहच़ी ञेंहनि, कि अपेहल दोई थले एनोह बाह इसहाको दोरच़ी आशीष खोकसी जुंज़ाते, दंङ दोबि माह खोकसिरी, दंङ मिक्ति, बहेगी ला दू आशीष बि एनोह हिस्सा रिंङ लेह मरति।