2 कुरिन्थियों 7:1 - लाहौली बाइबिल

¹ हे गिऊ प्यारे साथी विशवासी रे, अपेहल परमेश्वरे हेंदंङ साते वाईदा लोहतो, दंङ अतंई हेनर फुक ए सेहमो भत्ते पाहठी बुराई दोरच़ी हेंदिंङ शत्‌ह तोहनि, दंङ परमेश्वरो बेह्द चेहके हेंदिंङ भत्ते रिति रंङ पवित्र जीवन श्रींङमी कोशिश लंहि।

2 कुरिन्थियों 7:1 Iomraidhean Croise

मत्ती 12:33

अगर बुह्ट रूठे तोह ता दोऊ फल ला रुठे शोतो। अगर बुट खराब तोह ता, दोऊ फल ला खराब शोतो; छना कुचे बुटो पहचान दोऊ फलो दोरच़ी शुबी।

मत्ती 5:48

दिऊ थल्जी केतिंङ झांह ठ्रोह मीहरंङ साते दाह लहज़िमी ज़रूरत तोह अरी केतंङ साते दाह माह लहज़ातोर, छना केहतु स्वर्गो बाह परमेश्वर सिद्ध तोह।”

मत्ती 5:8

धन्य शुहरे दोरे, अतु सेहम शुद्ध तो, छना कुचे दोच़ी परमेश्वर बि खमोर।

प्रेरित 9:31

झांह लेह भत्ते यहुदिया प्रदेश, गलील प्रदेश दङ सामरिया प्रदेशंङ कलीसियाओ मीहतिंङ शांति खोकसिरी, दंङ कलीसियाओ तरक्की शुहवा लहरी; दंङ प्रभु ऊ बेह्द ए पवित्र आत्माओ मदत रंङ साते महसे मीहतिंङ हौंसला खोकसिरी दंङ प्रभु यीशु ऊ टोहकठे बिशवास लहरीर।

रोमियो 5:20

थले मुसाओ कानून दिऊ थल्जी रेंईर ताकि भत्ते मीहरे खंड्री तरपोर कि दोरे अंयों पापी तोईरे। दंङ अपेहल मीहच़ी महसे बे महसे पाप लहज़ी लेहतिर, दंङ परमेश्वरे अंऊ मोह्ड़े दाह कंङाते दुह ला महसे बे महसे बणेंके इलि,

1 कुरिन्थियों 6:20

छना कुचे केरे ढबाह रेंई ते च़ुमसी शुई; झांह लेह केनातु फुको दोरच़ी परमेश्वरो महिमा लंहि।

2 कुरिन्थियों 1:20

परमेश्वरो भत्ते वाईदा मसीह रिंङ “वोई” रंङ साते तोह। दंङ झांह लेह हेंज़ी “अमीन” कुट्रातंई कि, ताकि हेंदु दोरच़ी परमेश्वरो महिमा शोतो।

इफिसियों 2:3

ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

1 थिस्सलुनीकियों 3:13

दंङ ञेंहच़ी प्रार्थना लहज़ातंई कि हेंदु प्रभु यीशु मसीह केहतु सेहम झांह ठ्रोह पक्‍का लोहतो, कि अपेहल दुह एनोह भत्ते पवित्र मीहतंङ साते वापिस अपतो, दंङ दुह हेंदु बाह परमेश्वरो तुईज़ी पवित्रतारिंङ निर्दोष ठहरेसोतो।

1 थिस्सलुनीकियों 4:7

छना कुचे परमेश्वरे हेन्दिंङ अशुद्ध शुहबिमी थल्जी मशत, पर पवित्र ज़िंदगी श्रींङमी थल्जी बुलासी शुई।

1 थिस्सलुनीकियों 5:23

शांति ऊ परमेश्वर एनेह ए केतिंङ भत्ते रीतिरंङ साते पवित्र लोहतो; दंङ केहतु भत्ते आत्मा, प्राण फुक हेंदु प्रभु यीशु मसीहू यह्च़ा वापिस अंजा तचेक दोष मेह बणाके तंही।

इब्रानियों 12:23

केरे परमेश्वरो जेठे दोतु सभा रिंङ अंज़े शुई, अंऊ दोतु मिन स्वर्गारिंङ च़ेहसी तोह। केरे केनर परमेश्वरो कछंङ अंज़े शुई, अंऊ भत्ते मीहतु न्याय लहज़ा। केरे स्वर्गंङ धर्मी मीहतु आत्माओ कछंङ अच़ा अंज़े तोतोंई अंऊ दोतिंङ हेंतेग सिद्ध बणाके केहषी तोह।

इब्रानियों 12:28

हेंदिंङ अंऊ राज खोकसा तोह, दू त्रुलज़िमी जोगे माह, झांह लेह हेनर परमेश्वरा बि धन्यवाद रम्मा लोहनि, दंङ दोऊ हिटी ओ हिसाबे भक्ति ए अराधना लोहनि, अंऊ दिरंङ दू खुश शवाह।

इब्रानियों 4:1

झांह लेह, अपेहल नहच़िमी ठाहरीरिंङ इबिमी वाईदा हेंतेग ला तोह, दंङ हेंदिंङ महस खबरदार बंङज़ी जूंशी तोह; कि केहतु बिचंङ अतिंङ ला दू नह्च़िमी ठाहरीरिंङ इबिमी मौका केट्री माह जूंस।

इब्रानियों 6:9

पर हे गिऊ प्यारे साथी विशवासी रे, केहच़ी रूठे कम लहज़ातंई। छना कुचे परमेश्वरे तुहई ए केतिंङ बचाके चरच़तो। झांह लेह दि खबरदार लहज़ी केहतु थल्जी मशत।

याकूब 4:8

परमेश्वरो कछंङ अतंई, दंङ दुह लाह केहतु कछंङ अपतो: हे पापीरे, केनातु ज़िन्दगीऊ दोरच़ी पाप शत्‌ह लंहि; दंङ हे झुह्ट सेहमा रंङ मीहरे केनातु सेहम पवित्र लंहि।

1 पतरस 1:15

पर हेंतेग केतिंङ भत्ते कम रिंङ अंऊ केहच़ी लहज़ातंई पवित्र शुहबी जूंस, छना कि परमेश्वर पवित्र तोह, अच़ि केतिंङ एनोह कटुरे शुहबिमी थल्जी अंङषी ततो।

1 पतरस 1:17

अपेहल केहच़ी प्रार्थना लहज़ातंई ता दंङ केहच़ी परमेश्वरा बि केनातु बाह कुट्रातंई। पर हिद तंही कि दू भत्ते मीहतु फेंसला इच्च़ा ए ठ्रोह लहज़ा मतलब हर इच्च़ा ए छि-छि लहसी शुह। दिऊ थल्जी कि केरे दि धरती रिंङ इच्च़ा परदेशी शुहचे बंङज़ातंई दंङ केतिंङ परमेश्वरो बेह्द चेहके दोऊ महस आदर लहज़ी जूंशी तोह।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 2:11

हे प्यारे साथी विशवासी रे, गेह केतंङ साते बिनती लहज़ातग कि केरे दि संसारारंङ परदेशी ए यात्री तु ठ्रोह तोतोंई। गेह केतिंङ चेतावनी रंड्रातग कि दू भत्ते मदम फुको हिटी ओ दोरच़ी बचेक्तेंई छना कुचे दू केहतु केनातु आत्माओ खिलाप हमेशा लड़ाई लहज़ा।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

1 यूहन्ना 1:7

अगर हेनर सही तरीका रंङ जीवन श्रींङमोंई, छना परमेश्वर सिद्ध रूपा रिंङ हेले तोह ध्वांए हेनर ला हेलेरिंङ श्रींङमोंई, दंङ इदि-अईदिरंङ साते संगति तहज़ातंई। दंङ परमेश्वरो योह यीशु मसीहू शुहई हेन्दिंङ भत्ते पापो दोरच़ी शुद्ध लहज़ा।

1 यूहन्ना 1:9

अगर हेनर परमेश्वरो तुईज़ी हेंदु पाप मनेके केट्रातंई, दंङ दुह हेंदु भत्ते पाप माफ लहच़ि ए हेन्दिंङ भत्ते अधर्मो दोरच़ी शुद्ध लहच़िमी थल्जी विशवास ओ जोगे ए धर्मी तोह।

1 यूहन्ना 3:3

दंङ अच़िला मसीहू टोईच़ी दि उम्मीद तहच़ा, दोई एनाबि ध्वांए पवित्र लहज़ा, छना दुह पवित्र तोह।