2 कुरिन्थियों 6:3 - लाहौली बाइबिल

³ परमेश्वरो साथी शुहबी रंङ साते हेनर अंऊ ला गप्पारिंङ ठोकर ज़ेइमी छल्ले मोका माह रंड्रातंई, ताकि हेंदु सेवाऊ टोईच़ी छल्ले दोष अपि माह जूंस।

2 कुरिन्थियों 6:3 Iomraidhean Croise

मत्ती 17:27

तांला दिऊ थल्जी कि हेंज़ी दोतिंङ ठोकर मराहई केई झीलो कछंङ इलजे जाल केहऊ दंङ अंऊ मह्छ़ तुहई हुंज़तो दुह लेहप्तु दोऊ आह अल्ज़े कनिंङ इच्च़ा सिक्का खोकसोतो, दुए गिऊ ए केनोह तरफे दोतिंङ रेह च़रतु।”

मत्ती 18:6

पर अच़िला गिऊ टोहकठे विशवास लहज़ा चाहे दुह कवचि ए शोतो अरीला मीह दोबि पापो अमो दोरच़ी लेन्ज़ा दोऊ विशवासो दोरच़ी थलका लोहतो, झांह ठ्रोह मीहबी परमेश्वरो सज़ा खोकसिरी बे रुठे तोह कि दोऊ मुथूरिंङ घहटो रघ छ़ुचे दोबि समुन्द्र छांङे च़रतु छना कुचे परमेश्वर दोबि दिह्बे बेह्द अंज़े सज़ा रमतो।

प्रेरित 19:27

दंङ हेंतेग सिर्फ दिह इच्च़ा गप्पो ए बेह्द माह कि ञेंहतु दिह कमो तरीफ योह्सा योतो; पर दिह कि मोह्ड़े देवी अरतिमिसो मंदिर कवचि चेहपोर दंङ अतु भत्ते आसिया प्रदेशारिंङ रिंङ अराधना शवाह, दुह मंदिर ला नाश शुहचे योतो।

रोमियो 14:13

झांह लेह तुंखा हेनर इदि-अईदि ओ टोईच़ी दोष माह लगाएपोंई, पर केहच़ी दि ञेंई च़रतुंई कि अंऊ ला साथी विशवासी हेंदु वहज़ा ज़ि पापो जाला रिंङ फसके इबि माह जूंस।

1 कुरिन्थियों 9:12

छना कुचे केरे ऊई मीहतु ढबाहो मदत लहज़ातंई (ज़ेइमी तुंङमी बि), अंऊ केहतु बिचंङ प्रचार लहज़ातोर, दंङ बरनबास ए दंङ गेह दिऊ लायक ऊई ला महस तोह छना कुचे ञेंरे केहतु थल्जी प्रेरित तोंई। हालांकि, ञेंहतु बिचंङ अच़िला दि गप्पो टोईच़ी जोर माह रेंईरे कि केरे ञेंहतिंङ दू चीज़ारे रांई अंऊ ञेंतिंङ केहतु दोरच़ी जुन्ज़ातंई, दिऊ वहज़ा, हेनर छिल्ला सहन लहज़िमी तेयार तोईनी ताकि ञेंरे मसीहू पाहठी रूठे खबरो टोईच़ी विशवास लहज़िमी अतिंङ ला रोकेक्च़ी मरपोंई।

1 कुरिन्थियों 9:22

दंङ अपेहल गेह दोतंङ साते शवाहतग अंऊ विशवासा रिंङ कमज़ोर तोतोर, दंङ गेह दोतु ठ्रोह व्यवहार लहज़ातग, ताकि गेह दोतिंङ मसीहू विशवासारिंङ हपिमी कोशिश लेह तरपोग, गेह भत्ते मीहतु थल्जी भत्ते धिर बणेंके इलिग, कि छा तरीका रंङ साते रे मीहतु उद्धार लेह तरपोग।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 8:20

ञेंरे गप्पा रिंङ खबरदार बंङज़ातंई, तीतुसा रंङ साते दू साथी विशवासी चरच़िमी दोरच़ी कि उदारता कमो पाहठी अतु सेवा ञेंहच़ी लहज़ातंई, अच़िला ञेंहतु टोईच़ी दोष लगाएच़ी माह जूंस।