2 कुरिन्थियों 5:1 - लाहौली बाइबिल

¹ छना कुचे हेंज़ी ञेंच़ातंई, कि देर धरतीऊ टोईच़ी हेंदु फुक इच्च़ा तम्बू ठ्रोह तोह अंऊर हेनर बंङज़ातंई। अगर दू नाश शुहचे यवाह दंङ हेंदिंङ परमेश्वरो तरफे स्वर्गंङ इच्च़ा झांह ठ्रोह फुक खोकसोतो, अंऊ गुह्ट्रे बणाषी माह पर हमेशा तचेक बणेंके बंङज़ोतो।

2 कुरिन्थियों 5:1 Iomraidhean Croise

मरकुसो 14:58

ञेंहच़ी दिबी दी कुट्री थाश्ते, “गेह दी मीहतु बणाएष्री मंदिर ठ्रोहआलबी लोहग, दंङ षुमु ध्याड़ो थल ऊई बणापोग, अंऊ मीहतु बनेक्षी मा शोतो।”

प्रेरित 7:48

पर परमप्रधान परमेश्वर गुह्ट्री बणाएषी मंदिरा माह बंङज़ी, छना कि यशायाह भविष्यवक्ताओ कताबंङ च़ेहसी तोह,

1 कुरिन्थियों 3:9

हेनर परमेश्वरो साथी शुई; दंङ केरे कुरिन्थुस ओ विशवासी इच्च़ा रिहो ठ्रोह तोतोंई अंऊ परमेश्वरो तोह। साते ए, गेह केहतु बराबरी इच्च़ा चुंङ ज़ि लेह तरपोग अपि परमेश्वर बणाच़ी लेहकी तोह।

2 कुरिन्थियों 4:7

हेंतेग हेंदु सेहमरिंङ दि छंङी चमकेपी लेहकी तोह, पर हेनर षोह नाजुक नन्देतु ठ्रोह तोतोंई अंऊर दि खज़ाना पिंङषी तोह, ताकि गप्पाऊ दोरच़ी दि गप्पा साफ शुहचे योतो कि दि अद्धभुत सामर्थ हेंदु दोरच़ी मशत, पर परमेश्वरो दोरच़ी शुह।

2 कुरिन्थियों 5:4

हेले दि तोह कि दि तम्बू रिंङ बंङज़ा मुक्का हेनर कुरतु साते तेपचा क्रिम्बातंई, छना कुचे हेनर दि संसारिक फुक छोड़ेके माहरच़ातंई पर हेंज़ी जुंज़ातंई कि परमेश्वर हेंदिंङ स्वर्गीय फुक रमतो, ताकि हेंदु खरकोई फुका अंऊ हमेशा ओ थल्जी बंङज़तो, दि फुक लेहक्सा योतो अंऊ सिए यवात।

कुलुस्सियों 2:11

अपेहल केहच़ी मसीहू टोहकठे विशवास लहतंई, दंङ केहतु खतना मीहतु दोरच़ी माह शुई छना यहुदी मीहच़ी लेह, पर मसीहू दोरच़ी केहतु खतना शुहचे इलि अंऊ केहतु पापी स्वाभाव बि केहतु दोरच़ी शत्‌ह लेह च़रति।

2 तीमुथियुस 1:12

दंङ दिऊ थल्जी गेह देर कैदारिंङ दुख उठाएच़ातग छना कुचे गेह मीहतिंङ यीशु मसीहू पाहठी प्रचार लहज़ातग, पर गेह शर्मिन्दा माह शवाहतग। छना कुचे गेह मसीह बि ञेंहच़ातग, अतु टोईच़ी गेह विशवास लहज़ातग, गिह्बी पक्‍का पता तोह कि मसीह दुह ध्याड़ा तचेक अपेहल तचेक दुह वापिस माह अपतो, रूठे खबरो रक्षा लेह तरपोतो अंऊ दोई गिह्बी रांहषी ततो।

इब्रानियों 11:10

छना कुचे दू स्वर्गंङ इच्च़ा झांह ठ्रोह शहरंङ बंङज़िमी थल्जी रुमज़ा तोहई, अंऊ हमेशा बणेंके बंङज़ोतो, दंङ अतु रचना लहज़ा ए बणाएच़ा परमेश्वर शुह।

इब्रानियों 9:11

पर हेंतेग मसीह यहुदी महापुरोहित बणेंके इलज़ा अंऊ खरकोई वाईदा ओ भत्ते रूठे हिद रंड्रा, अंऊ हेंदु दोर्तिंङ तुहई बेहच़ी तोहई। दोई स्वर्गंङ ऊई ला मोह्ड़े, सिद्ध मिलापो तम्बू रिंङ प्रवेश लहरी, अंऊ मीहतु गुह्ट्र बणेषी माह, गिऊ कुट्रीमी मतलब, अंऊ दि संसारो हिस्सा माह।

इब्रानियों 9:24

दोऊ वहज़ा ज़ि, मसीह दू पवित्र ठहरि मेहलि अतिंङ मीहच़ी बणाषी शुह, अंऊ कि परमपवित्र ठहरि ओ सिर्फ इच्च़ा नमूना तोह। पर दू स्वर्गंङ इलि अंऊर दू हेंदु फायदा ओ थल्जी परमेश्वरो तुईज़ी हाज़िर शुहबी तरपोतो।

1 पतरस 1:4

हेनर दू विरासता बि खोकच़िमी थल्जी रुमज़ा तोतोंई अंऊ परमेश्वरे हेंदु थल्जी तेयार लहसी ततो। अरिला अपेहला दू चीज़ातिंङ नाश लेह मरच़ा। अच़िला ला दू खराब लेह मरच़ि। दू अपेहला युई या दोऊ सलटे रिंङ कमी माह अपतो। परमेश्वरे दू चीज़ स्वर्गंङ तहरि।

2 पतरस 3:11

दि पक्‍का तोह कि परमेश्वर भत्ते चीज़ा तिंङ झांह ठ्रोह नाश लेह च़रपोतो, दंङ केरे पक्‍का रूपा रिंङ ञेंच़ातोंई कि केतिंङ छना ठ्रोह व्यवहार लेह जूंशी तोह दंङ छिल्ला केहच़ी लहज़ातंई दोरिंङ परमेश्वरा बि खुश लंहि।

1 यूहन्ना 3:14

ञेंहतिंङ पता तोह, कि हेनर सिमी शाक्ति ओ दोरच़ी आज़ाद शुहचे इलजी तोतोंई दंङ एंतेग हेंदु कछंङ परमेश्वरो दोरच़ी अनंत जीवन तातंई; छना कुचे ञेंरे विशवासी न्वा तंङ साते दाह लहज़ातंई अच़िला दाह माह तहच़ा दुह सिमी दशारिंङ बंङज़ा।

1 यूहन्ना 3:19

अपेहल हेनर ऊईदि रंङ साते दाह लहज़ातंई; झांह लेह हेनर दि ञेंओनि कि हेनर सच्चाई ऊ शुंई; दंङ अपेहल लाह हेंदु सेहम हेंदिंङ दोषी कंड्रा, दंङ हेनर हेंदु दोऊ सेहमाबि याहब रें तरपोंई; छना कुचे परमेश्वर हेंदु सेहम बे मोह्ड़े तोह, दंङ दोई भत्ते धिर ञेंहच़ा।

1 यूहन्ना 3:2

हे गिऊ प्यारे साथी विशवासी रे, हेंतेग हेनर परमेश्वरो कटुरे शुहचे तोनि, दंङ हेंतेग तचेक दिह प्रगट शुहचे माह कि हेनर छना शोंई! ञेंहच़ी दिह ञेंच़ातंई कि अपेहल यीशु मसीह प्रगट शोतो ता हेनर लाह दोऊ ठ्रोह शुहचे योंई, छना कुचे हेंज़ी दुह ध्वांए ए खमोंई छना दुह तोह।