2 कुरिन्थियों 4:6 - लाहौली बाइबिल

⁶ झांह लेह कि परमेश्वरे कुहते, “हंयारो दोरच़ी छंङी चमकेक्पोतो,” दंङ परमेश्वरे छंङी ठ्रोह हेंदु सेहमरिंङ समझ रें च़रति, ताकि हेनर परमेश्वरो महिमा बि खंड्री तरपोंई अंऊ यीशु मसीह रिंङ प्रगट शवाह।

2 कुरिन्थियों 4:6 Iomraidhean Croise

लूको 10:22

“गिऊ बाहे गिह्बी भत्तेधिर रांहषी ततो, सिर्फ बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।”

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 11:40

यीशु ज़ि दोऊ हखा कुंई, “छि गेह करंङ साते माह कुहतेगा कि अगर केई विशवास लहरीनता परमेश्वरो महिमा खमोंन।”

यहून्नो 12:41

यशायाह ज़ि दिह गप्पारे दिऊ थल्जी कुई, कि दोई यीशु ऊ भविष्य ऊ महिमा तंङरी, दंङ दोई दोऊ पाहठी गप्पा लहरी।

प्रेरित 26:18

कि केरे दोतिंङ दि समझेक्सिमी थल्जी मदत लंहि कि छि सही शुह, कि दोरे हंयारो दोरच़ी छंङीरिंङ किरज़ा योर, दंङ शेतानो अधिकारो अधीन बेहच़ी परमेश्वरो अधिकारो अधीन बंङज़ी शुरू लेह तरपोर; दोहपल परमेश्वर दोतु पाप माफ लेह च़रपोतो, दंङ दुह दोतिंङ दुह भत्ते मीहतंङ विरासत रमतो अंऊ गिऊ टोईच़ी विशवास लहज़ातोर। दिए गप्पा यीशु ज़ि गिऊ हखा कुई।

1 कुरिन्थियों 12:8

छना कुचे परमेश्वरो आत्मा इच्च़ा मीह बि बुद्धिऊ गप्पारे कुट्रीमी वरदान रंड्रा, दंङ दू ए आत्मा ऊईतिंङ ज्ञानो गप्पा कुट्रीमी वरदान रंड्रा।

2 कुरिन्थियों 2:10

पर अतिंङ केहच़ी माफ लहज़ातंई, दोबि गेह ला माफ लहज़ातग, छना कुचे अपेहल गिह्बी माफ लहज़िमी ज़रूरत शवात, दंङ गेह घेंङौ फायदा ओ थल्जी मसीहू अधिकारा रंङ साते झांह लहज़ातग।

2 कुरिन्थियों 3:18

हेनर भत्तेर इच्च़ा अर्शिऊ ठ्रोह तोतोंई, अंऊ परमेश्वरो तेज झांह ठ्रोह मोह्दु खंड्रातंई अंऊ दोतु टोहकठे परदा पड़ेके तोह, दंङ परमेश्वर हेंदिंङ लगातार बढाईक्च़ा तेज रिंङ महस बे महस एनोह ठ्रोह बणाएच़ा। दि तेज प्रभु दोरच़ी खोकसा, अंऊ पवित्र आत्मा तोह।

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

इफिसियों 1:17

गेह प्रार्थना लहज़ातग कि परमेश्वर हेंदु प्रभु यीशु मसीहू महिमामय बाह, केतिंङ पवित्र आत्मा रमतो, अंऊ केतिंङ बुद्धिमान बणाके च़रपोतो दंङ परमेश्वरा बि केहतु टोहकठे प्रगट लोहतो, ताकि केहच़ी दू ञेंई तरपोंई।

इफिसियों 1:18

गेह दि ला प्रार्थना लहज़ातग कि दू सच्चाई बि समझेक्सिमी थल्जी केहतु मदत लोहतो, दंङ दू उम्मीद अंऊ केतिंङ रांहषी ततो अपेहल परमेश्वरे केतिंङ अंङे चरच़ाते। ताकि केहच़ी ञेंई च़रतुंई कि दू आशीष अंयों मोह्ड़े ए महिमामय तोह अतु वाईदा परमेश्वरे एनोह मीहतंङ साते लहसी तहरे।

इफिसियों 5:8

तुहई केरे हंयार बंङज़ा मीहतु ठ्रोह तोईनी, पर हेंतेग केरे छंङीरिंङ बंङज़ा मीह शुई छना कुचे केरे प्रभु मीहरे बणेंके इलजी तोतोंई झांह लेह छंङीरिंङ बंङज़ा मीहतु ठ्रोह कम लंहि।

फिलिपियों 2:6

हालांकि मसीह हेले रि परमेश्वर तोहई, तांला दोई परमेश्वरो बराबरी लहज़िमी जोर माह रांई।

कुलुस्सियों 1:15

अच़िला परमेश्वर बि खंड्री मरपोतो, पर अपेहल दोऊ योह इच्च़ा मीह बणेक्ति, दंङ दोई परमेश्वरा बि मीहतु तुहई ज़ि प्रगट लेह च़रति, अंऊ ला चीज़ा बणेक्पिमी तुहई दुह मौजूद तोहई दंङ भत्ते धरतीऊ टोहकठे भत्ते बे मोह्ड़े दोऊ अधिकार तोह।

1 थिस्सलुनीकियों 2:12

ताकि केहतु चाल चलनो दोरच़ी परमेश्वराबि महस इज्ज़त खोकसोतो, अंऊ केतिंङ एनोह राज ए महिमारिंङ भागीदार शुहबिमी थल्जी बुलाएच़ा।

इब्रानियों 1:3

दू योह ए परमेश्वरो महिमा ओ छंङी दंङ हर तरफे परमेश्वरो ठ्रोह तोह। दंङ भत्ते संसारा बि दंङ एनोह शाक्तिशाली बचनो दोरच़ी, भत्ते संसारा बि खड़े लहज़ी तहज़ा। दोई मीहतिंङ दोतु पापो दोरच़ी शुद्ध लेह च़रति, दंङ दोऊ थल स्वर्गारिंङ महिमामय परमेश्वरो सुचंङ हासी विराजमान शुहचे इलि।

इब्रानियों 6:4

अंऊ मीहरे एनोह विशवास छोड़ेके चरच़ातोर, दोतिंङ यह्च़ा पश्चाताप ओ हालातरिंङ वापिस हपि मरच़ि। दोच़ी इच्च़ा फेरा परमेश्वरो सच्चाई ञेंई चरच़ातोर, अंऊ परमेश्वरे तरफे अपा, दंङ दोतिंङ स्वर्गो दोरच़ी वरदान खोकसा तोह दंङ दोतिंङ ऊईतु दोरच़ी वरदान ला खोकसा तोह।

1 पतरस 1:12

पर परमेश्वरे दि भविष्यवक्ता तिंङ कंड्रिरी कि दोतु खबर दोतु एनातु थल्जी मशत पर केहतु थल्जी तोहई। दू खबर यीशु मसीहू पाहठी रूठे खबर शुह अंऊ केहच़ी हेंतेग रेड्रातंई। परमेश्वरे स्वर्गंङ ज़ि एनोह पवित्र आत्मा चरच़तो कि केतिंङ रूठे खबर प्रचार लहज़िमी थल्जी मीहतु मदत लोहतो। दि भत्ते धोंण अद्धभुत तोह कि देर तचेक कि स्वर्ग दूत कि स्वर्गदूत ला खुशी रंङ दि चीज़ा बि खंड्रातोर।

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।

2 पतरस 1:19

दिऊ थल्जी हेनर भविष्यवक्तातु दोरच़ी च़ेहसी बचनो टोईच़ी ऊई ला महस विशवास लहज़ातंई। अगर केरे दि रूठे खबरो टोईच़ी ध्यान रमोंई, दंङ केहच़ी इच्च़ा रूठे कम लोहनि, छना कुचे दि इच्च़ा संजवा ओ ठ्रोह तोह अंऊ हंयार ठाहरीरिंङ चमकेक्पा, अपेहल तचेक कि ध्याड़ा माह शवात दंङ मसीहू छंङी केहतु सेहम रिंङ चमकेक्पा, छना ठ्रोह मुंजे कि करज़े संसारा रिंङ छंङी हपा।