2 कुरिन्थियों 4:5 - लाहौली बाइबिल

⁵ छना कुचे हेनर हेंदिंङ मशत, पर यीशु मसीह बि प्रचार लहज़ातंई, कि यीशु मसीह ए प्रभु शुह; दंङ हेंदु पाहठी दि कुट्रातंई कि ञेंरे यीशु वहज़ा ज़ि केहतु सेवक शुई।

2 कुरिन्थियों 4:5 Iomraidhean Croise

मत्ती 23:8

पर केरे गुरु थशुंहई, छना कुचे केहतु इच्चे गुरु तोह, केरे भत्ते न्वारे-रिंङरे शुई।

मत्ती 3:11

गेह केतिंङ ती ज़ि बपतिस्मा रंड्रातग अच़ि एनोह पापो दोरच़ी सेहम यहच़ातोर दंङ परमेश्वरो कछंङ अपातोर। गिऊ थल दुह अंजा शुह, अंऊ गिह्बी ला महस शक्तिशाली तोह, गेह दोऊ बूठ कुर्चिमी जोगे ला माह तोग। दंङ दुह केतिंङ पवित्र आत्मा रंङ बपतिस्मा रमतो।

यहून्नो 7:18

अच़ि एनोहो दोरच़ी छा कुट्रा, दोई एनोहो ए तारीफ जुंज़ा, पर अच़ि एनोहो च़रच़ा दोऊ तारीफ जुंज़ा दुह ए ईमानदार शुह, दंङ दोऊ अंद्रेग बेईमानी माह।

प्रेरित 10:36

केतिंङ दुह रूठे खबरो पाहठी पता तोह, अंऊ परमेश्वरे ञेंहतु थल्जी मतलब इस्राएल देशो मीहतिंङ रंदे। दोई शांति ऊ पाहठी रूठे खबर सुनाएती अंऊ मीहतिंङ यीशु मसीहू टोहकठे बिशवास लहज़िमी दोरच़ी खोकसी तरपोतो। दि मीह यीशु सिर्फ इस्राएली मीहतु प्रभु माह शुह पर दुह भत्ते मीहतु प्रभु शुह।

प्रेरित 2:36

दिऊ थल्जी इस्राएल देशो भत्ते मीहतिंङ दि ञेंई च़रतुंई कि परमेश्वरे दिह ए यीशु बि अतिंङ केहच़ी क्रूसो टोईच़ी चढ़ाएकातेंई, “प्रभु ला ठहराएति दंङ मसीह ला ठहराएति।”

प्रेरित 5:31

परमेश्वरे दोबि स्वर्गो हखा रेंज़ा शिलि दंङ दोऊ महसे आदर लहरी। दंङ दोबि प्रभु ए उद्धार लहज़ा ठहराएति, ताकि इस्राएल ओ मीहरे एनातु मदम सोच बिचार ए अमतु दोरच़ी परमेश्वरो हखा किर्ज़ोर दंङ दोऊ दोरच़ी एनातु पापो थल्जी माफी खोक्पोर।

1 कुरिन्थियों 1:23

पर हेनर दि प्रचार लहज़ातंई कि मसीह हेंदिंङ हेंदु पापो दोरच़ी छुड़ाएच़िमी थल्जी क्रूसो टोईच़ी सिए इलि। अंऊ यहुदी तु कछंङ ठोकरो वहज़ा, दंङ ऊईजाति तु कछंङ मुर्खता तोह।

1 कुरिन्थियों 12:3

झांह लेह गेह जुंज़ातग कि केरे ञेंई च़रतुंई, कि अंऊ ला परमेश्वरो आत्माओ अगुवाईरंङ साते कुट्रा, दोई म कुट्रा कि यीशु शापित तोह; दंङ माह अरिया पवित्र आत्मा बे कुट्री तरपोतो कि, “यीशु ए प्रभु शुह।”

1 कुरिन्थियों 15:47

मुण्डो मीह अंऊ आदम तोहई धरतीऊ दोरच़ी मतलब श्रोह रें बणाषी तोहई मसीह अंऊ कि दूसरा मीह शुह, स्वर्गंङ ज़ि अंज़े शुह।

1 कुरिन्थियों 2:2

छना कुचे केहतु बिचंङ गेह दि ठानेगी अतिगा कि गेह यीशु मसीह ए दोऊ क्रूसो मौतो अलावा ऊई अंऊ ला गप्पा माह ञेंहरिगा।

1 कुरिन्थियों 4:15

छना कुचे चाहे केहतु कछंङ मसीहरिंङ शिक्षा रंड्रा हज़ार शोर, पर गेह ए केहतु बाह ओ बराबर शुगाह अंऊ केहतु कछंङ रूठे खबर रैंज़ा हंदेग, अतु नतीज़ा केरे यीशु मसीह रिंङ विशवास लहज़ी लेहती।

2 कुरिन्थियों 1:19

छना कुचे परमेश्वरो योह यीशु मसीह अतु हेंदु दोरच़ी मतलब गिऊ ए सिलवानुस, ए तीमुथियुसो दोरच़ी केहतु बिचंङ प्रचार शुई, दोर्तिंङ, “वोई” ए “माह” झुल्ला माह तोहई; पर देहर तिंङ “वोई” ओ “वोई” शुहचे तोह।

2 कुरिन्थियों 1:24

दिऊ मतलब दि माह शुह कि ञेंरे केहतु विशवास ओ टोहकठे घेंङौ अधिकार जताएपोग, छना कुचे केरे केनातु विशवासरिंङ पक्‍का बणेंके बंङज़ातंई। पर ञेंरे ता केहतु खुशी रिंङ भागीदार तोतोंई।

गलातियों 5:13

हे गिऊ प्यारे साथी विशवासी रे, केतिंङ परमेश्वरो केतिंङ आज़ाद शुहबिमी अंङे चरच़ाते, झांह लेह केतिंङ मूसा ओ कानूनो भाषे लहज़िमी ज़रूरत माह। केनोह दि आज़ादी बि केनोह फुको हिटी पूरा लहज़िमी ज़रिया थाबणेएक्तुं, पर इदि-अई दिरंङ साते दाह लंहि दंङ इदि-अई दिऊ सेवा लंहि।

फिलिपियों 1:15

दिह हेले शुह कि रेह मीहरे जलन ए लड़ाई झगड़ा ऊ वहज़ा ज़ि मसीहू प्रचार लहज़ा तोरे पर रेह मीहरे दि रूठे हिटीरंङ साते प्रचार लहज़ातोर।

फिलिपियों 2:11

दंङ बाह परमेश्वरो महिमाऊ थल्जी भत्ते एनोह आहच़ि अंगीकार लेह कि यीशु मसीह प्रभु शुह।

2 तीमुथियुस 2:10

दिऊ थल्जी गेह दुह मीहतु थल्जी भत्ते दुख सहन लहज़ातग, अतिंङ परमेश्वरे अंङषी ततो, ताकि दोरे ला यीशु मसीहू टोहकठे विशवास लोहर दंङ उद्धार ए अनंत कालो महिमा खोक्पोर।

तीतुस 1:11

झांह ठ्रोह मीहतिंङ शिक्षा रंड्रीमी इजाज़त थारांई, छना कुचे अपेहल दोरे दि गप्पा सिखाएच़ातोर अंऊ दोतिंङ सिखाएसी माह जूंस, दंङ दोरे भत्ते टबरातु विशवास नाश लेह च़रच़ा। दोरे झांह लेह ढबाह कमाच़ी जुंज़ातोर।

2 पतरस 2:3

दि उपदेश रंड्रा दिरे लालची शोर, दंङ दोरे बणाएषी ठ्रोह कथा कुचे केतिंङ धोखा रमोर ताकि केहतु दोरच़ी ढबाह कमाके तरपोर। परमेश्वरे महसे टेम तुहई ए दि फेंसला लेह चरच़ाते कि दुह दोतिंङ सज़ा रमतो दंङ दुह झांह लहज़िमी थल्जी तेयार तोह। दुह हेले रिंङ दोतिंङ नाश लेह च़रपोतो।