2 कुरिन्थियों 4:11 - लाहौली बाइबिल

¹¹ झांह लेह हेनर श्रींङे बंङज़ा यीशु मसीहू दोरच़ी लगातार सच़ी केट्रिमी खतरा रिंङ बंङज़ातंई, अंऊ दोरच़ी यीशु मसीहू जीवन हेंदु नाश शुहच़ा फुकारिंङ प्रगट शोतो।

2 कुरिन्थियों 4:11 Iomraidhean Croise

रोमियो 8:11

दंङ अगर परमेश्वरो आत्मा अच़ि यीशु मसीह बि सिऊ दोरच़ी श्रींङमी लहरी, दोई केहतु सिए फुक ला एनोह आत्मा दोरच़ी अंऊ केहतु अंदरेग बसेगी तोह श्रींङमी लोहतो।

रोमियो 8:36

छना पवित्र शास्त्रारिंङ च़ेहसी तोह, “कांह वहज़ा ज़ि ञेंतिंङ हर टेम मौतो खतरा बंङज़ा; ञेंरे सिब्ज़ा त्रैंईतु ठ्रोह समझेक्च़ातोर।”

1 कुरिन्थियों 15:31

हे गिऊ प्यारे साथी विशवासी रे, गेह रोज मोतो सामना लहज़ातग गेह छि कुट्रातग दि हेले रिंङ सच्चाई शुह छना कि दि ला सच्चाई शुह कि गेह हेले रिंङ खुश तोतोग छना कुचे केरे ञेंह्तु प्रभु यीशु मसीहू टोईच़ी विशवास लहज़ातंई।

1 कुरिन्थियों 15:49

दंङ छना ठ्रोह परमेश्वरे हेंदिंङ ध्वांए ठ्रोह फुक रांहषी ततो छना धरतीऊ मुण्डो मीहू तोहई, ध्वांए ठ्रोह हेनर विशवासी तु कछंङ मसीहू ठ्रोह फुक शोतो, अंऊ हेंतेग स्वर्गारिंङ तोह।

2 कुरिन्थियों 4:10

हेनर यीशु ठ्रोह भत्ते टेम लगातार सच़ी केट्रिमी खतरा रिंङ बंङज़ातंई, ताकि मीहरे यीशु जीवना बि दू चीज़ा रिंङ खमोर अंऊ हेंज़ी लहज़ातंई।

2 कुरिन्थियों 4:12

दंङ दिऊ मतलब दि तोह कि हेनर लगातार मौतो सामना लहज़ी लेहकी तोतोंई पर दिऊ नतीज़ा दि तोह कि केतिंङ अनंत जीवन खोकसा तोह।

2 कुरिन्थियों 5:4

हेले दि तोह कि दि तम्बू रिंङ बंङज़ा मुक्का हेनर कुरतु साते तेपचा क्रिम्बातंई, छना कुचे हेनर दि संसारिक फुक छोड़ेके माहरच़ातंई पर हेंज़ी जुंज़ातंई कि परमेश्वर हेंदिंङ स्वर्गीय फुक रमतो, ताकि हेंदु खरकोई फुका अंऊ हमेशा ओ थल्जी बंङज़तो, दि फुक लेहक्सा योतो अंऊ सिए यवात।

2 कुरिन्थियों 6:9

रें मीहच़ी हेनर खास ञेंहच़ातोर, पर रें मीहरे हेंदिंङ अंजान ए सिए दोतु बराबर समझेक्च़ातोर दंङ यह्च़ा खंई, हेनर श्रींङे तोतोंई; हेंदिंङ सज़ा ता खोकसी पर हेंदु जहान लेहपच़ी मरच़ि।