2 कुरिन्थियों 4:10 - लाहौली बाइबिल

¹⁰ हेनर यीशु ठ्रोह भत्ते टेम लगातार सच़ी केट्रिमी खतरा रिंङ बंङज़ातंई, ताकि मीहरे यीशु जीवना बि दू चीज़ा रिंङ खमोर अंऊ हेंज़ी लहज़ातंई।

2 कुरिन्थियों 4:10 Iomraidhean Croise

यहून्नो 14:19

दंङ थोड़े अरे टेम केहषा इल्जी तोह कि संसारो मीहरेर गिह्बी माह खमोर, केहच़ी गेह खमोंई छना कुचे गेह यच़ाह श्रींङी योह्ग, दंङ दिऊ थल्जी केहरे लाह श्रींङी बंङज़ोई।

रोमियो 6:5

छना कुचे अगर हेनर दोऊ बपतिस्मा दोरच़ी दोऊ सिमी बराबर दोरंङ साते ठ्रोहका शुहचे योंई, दंङ पक्‍का ए दोऊ श्रींङमी मुक्का ला इच्च़ा ए शुहचे योंई।

रोमियो 6:8

झांह लेह अगर हेनर मसीह रंङ साते सिए इलांई, दंङ हेंदु विशवास दि ला तोह कि हेनर दोरंङ साते श्रींङी ला योंई।

रोमियो 8:36

छना पवित्र शास्त्रारिंङ च़ेहसी तोह, “कांह वहज़ा ज़ि ञेंतिंङ हर टेम मौतो खतरा बंङज़ा; ञेंरे सिब्ज़ा त्रैंईतु ठ्रोह समझेक्च़ातोर।”

2 कुरिन्थियों 1:5

छना कुचे मसीहू दुखारिंङ हेनर भागीदार शवातंई, ध्वांए हेंदु तसल्ली ओ थल्जी मसीहू दोरच़ी महस भागीदार शवातंई।

2 कुरिन्थियों 1:9

यानि कि ञेंहतिंङ झांह चेहसाते, कि ञेंरे सिमी ए तातंई दि दिऊ थल्जी शुई कि हेनर हेंदु थल्जी मशत पर परमेश्वरो टोईच़ी विशवास पक्‍का तोहनि, अच़ि सिमी दोई ला श्रींङमी लहज़ा।

2 कुरिन्थियों 13:4

हेले रिंङ दोरे कमज़ोरी ओ हालातो वहज़ा ज़ि क्रूसो टोईच़ी चढ़ाइगी ता केहरिर, तांला परमेश्वरो सामर्थ रंङ साते श्रींङे तोह, हेनर ला फुका रूपारिंङ ध्वांए कमज़ोर तोतोंई; पर परमेश्वरो सामर्थ रंङ साते केतंङ साते व्यवहार लहज़िमी थल्जी दोरंङ साते श्रींङी बंङज़ोंई।

2 कुरिन्थियों 4:11

झांह लेह हेनर श्रींङे बंङज़ा यीशु मसीहू दोरच़ी लगातार सच़ी केट्रिमी खतरा रिंङ बंङज़ातंई, अंऊ दोरच़ी यीशु मसीहू जीवन हेंदु नाश शुहच़ा फुकारिंङ प्रगट शोतो।

गलातियों 6:17

तुंखा अच़िला गिह्बी दुख था रांही, छना कुचे गिऊ फुकारिंङ अंऊ दाग तोतोर दोच़ी कंड्रातोर कि गेह यीशु मसीहू इच्च़ा प्रेरित शुगाह।

कुलुस्सियों 1:24

दंङ हेंतेग गेह केहतु थल्जी अंऊ दुख सहन लहज़ातग दोऊ वहज़ा ज़ि खुश तोतोग। दंङ गेह लगातार घेंङौ फुको दुख सहन लहज़ातग, छना मसीह सहन लाहते, दंङ दि दुख गेह मसीहू कलीसियाओ थल्जी सहन लहज़ातग अंऊ मसीहू फुक शुह।

2 तीमुथियुस 2:11

दि गप्पा कि अगर ञेंरे मसीह रंङ साते सिए इलजी तोतोंई दंङ दोरंङ साते श्रींङमोंई ला।

1 पतरस 4:13

बस दिऊ पाहठी खुश तोईनी, कि केरे मसीहू दुखारिंङ सहभागी शुहचे तोईनी। झांह लेह, अपेहल मसीह भत्ते मीहतिंङ एनोह महिमा प्रगट लहज़िमी थल्जी यह्च़ा अपतो दंङ केहतु खुशी हेले रिंङ बणेंके योतो।

1 पतरस 4:14

दंङ अगर मसीहू मिन्दु थल्जी केहतु निन्दा शवाह, दंङ केरे धन्य शुई; छना कुचे परमेश्वरो महिमा ओ आत्मा केहतु अंदरेग बंङज़ा।

प्रकाशित वाक्य 1:17

अपेहल गेह दोबि खंड्रातग ता दंङ गेह दोऊ कोंज़ो टोईच़ी दह्चे इलिगा। गेह इच्च़ा सिए मीहू ठ्रोह शुहचे इलिगा। दंङ दोई गिऊ टोईच़ी एनोह सुचंङ गुह्ट्र केहच़ी कुहतो, “बेऊ था; गेह मुण्डो ए थल मुखङ तचेक शुगाह, दंङ गेह दुह शुगाह अंऊ जहानो जुंशी शुगाह।”