2 कुरिन्थियों 4:1 - लाहौली बाइबिल

¹ झांह लेह अपेहल हेंदु टोहकठे झांह ठ्रोह दया शुई, कि हेंदिंङ परमेश्वरो रूठे खबर प्रचार लहज़िमी सेवकाई खोकसिरी, दंङ हेंज़ी अपेहल ला हार माह खोकपोंई।

2 कुरिन्थियों 4:1 Iomraidhean Croise

लूको 18:1

यीशु ज़ि एनोह चेला तिंङ दिऊ पाहठी इच्च़ा कथारिंङ कुंहई कि, रोज प्रार्थना लोहवा लांही दंङ निराश थाह शुई;

1 कुरिन्थियों 3:5

दंङ अरि शुह अपुल्लोस ए दंङ अरि शुह पोलुस? छि सिर्फ सेवक, अतु दोरच़ी केहच़ी विशवास लहरिन। हर इच्चे प्रभु दोरच़ी रांहषी ज़िम्मेवारी निभाके च़रतिर।

1 कुरिन्थियों 7:25

कुंवारे ए ब्याह माह लहसी तु पाहठी प्रभु छल्ले हुकुम गिह्बी माह खोकसिरी, पर परमेश्वरे एनोह दया जोगे गिह्बी ज्ञान रांहषी ततो अतु टोईच़ी विशवास लेह तरपोंई दंङ गेह दोऊ हिसाबे घेंङौ सलाह रें तरपोग।

2 कुरिन्थियों 3:12

झांह लेह दिए उम्मीदा रंङ साते हेनर याहब रंङ साते कुट्रातंई।

2 कुरिन्थियों 3:6

अच़ि हेंदिंङ खरकोई वाईदाऊ सेवक शुहबिमी जोगे, बणाकतो। दि मूसा ओ च़ेहसी कानून माह शुह बल्कि पवित्र आत्माओ वाईदा शुह, छना कुचे मूसा ओ नियम ओ भाषे माह लहज़िमी परिणाम मौत तोह, पर पवित्र आत्माज़ि अनंत जीवन रंड्री।

2 कुरिन्थियों 4:16

झांह लेह हेनर याहब माह छोड़ेक्च़ातंई; हेंदु धकते कि इन्सानी रूप कमज़ोर शुहचे यवात पर हेंदु तोंखी अन्तरात्मा हर ध्याड़ा खरकोई शुहचे यवाह।

2 कुरिन्थियों 5:18

दि भत्ते गप्पारे परमेश्वरो दोरच़ी शुह, अच़ि मसीहू दोरच़ी ऐनारंङ साते मेल-मिलाप लेह केहरी, दंङ दोई हेंदिंङ दोऊ ए ऊईतु बिचंङ शांति कायम लहज़िमी कम रांहषी ततो।

गलातियों 6:9

हेनर रूठे कम लहज़िमी रंङ साते परेशान शुहबी माह जूंस, छना कुचे अगर हेनर परेशान माह शोंई, दंङ परमेश्वरो ठीक टेमारिंङ ईनाम खोकपोंई।

इफिसियों 3:13

झांह लेह गेह विनती लहज़ातग कि अंऊ दुख केहतु थल्जी गिह्बी शुहबी लेहकी तोह, दोतु वहज़ा ज़ि परेशान शुहबी मेस, छना कुचे दि भत्ते केहतु महिमा ओ थल्जी तोह।

फिलिपियों 4:13

मसीहू दोरच़ी अंऊ गिह्बी दोई सामर्थ रंड्रा दोऊ मदते गेह भत्ते धिर ले तरच़ातग।

2 थिस्सलुनीकियों 3:13

हे गिऊ प्यारे साथी विशवासी रे, केरे भलाई लहज़िमी थल्जी हिम्मत था छोडे़क्तेंई।

1 तीमुथियुस 1:13

गेह विशवासी बणेक्पिमी तुहई, मसीहू पाहठी मदम कुट्रा ए विशवासीतिंङ तंग लहज़ा ठ्रोह ए झखंजी मीह तोहई, तांला परमेश्वरे गिऊ टोहकठे दाह लहरी छना कुचे गेह अयता तचेक मसीहू टोहकठे विशवास माह लहज़ातेग दंङ झांह लेह गेह समझेके मरतिगा कि छि गेह लहच़ी लेहकी तोईग दुह गलत शुह।

इब्रानियों 12:3

यीशु उदाहरणो पाहठी सोचेक्तुंई, कि दोई दू पापी तु थल्जी अंयों सहन लहरी अंऊ दोरंङ धोंण नफरत लहज़ातेर। दोई दिऊ थल्जी दुख सहन लहरी, ताकि केरे निराश शुहचे हिम्मत छोड़ेके माह केईनि।

1 पतरस 2:10

भविष्यवक्ता होशे ज़ि केहतु पाहठी छि च़ेहसी तोह दुह केहतु पाहठी हेले तोह तुहई केरे परमेश्वरो मीहरे माह तोईनी, पर हेंतेग केरे परमेश्वरो मीह शुई। तुहई केरे परमेश्वरो दया माह सेहच़ाते पर हेंतेग केहच़ी दि ञेंच़ातंई छना कुचे दोई तुहई बेहच़ी केहतु टोईच़ी एनोह दया कांहषी ततो।

प्रकाशित वाक्य 2:3

केई धीरज़ रंङ दुख सहन लहज़ातन, छना कुचे काह गिऊ टोईच़ी विशवास लहज़ातन, दंङ केई अपेहल ला सेवा लहज़ी बंद माह लहज़ातन।