2 कुरिन्थियों 3:7 - लाहौली बाइबिल

^7-8 अपेहल मूसा ओ कानून अंऊ रघटु पट्टी ओ टोहकठे च़ेहसी तोहई, दू मुक्का परमेश्वरो तेज तंङाफाते। इस्राएलो मीहरे महस ध्याड़ा तचेक मूसाऊ मोह्तु हखा खंड्री माहरच़ातेर छना कुचे दू चमकेक्पते, हालांकि दि चमक लम्हें टेम तचेक माह केहषीरि। झांह लेह मूसा बि रांहषी कानूनो टोहकठे आधारित सेवकाई मौत हपा, अतु झांह ठ्रोह तेज तोहई। दंङ पवित्र आत्माओ मार्गदर्शनो खरकोई वाचा ओ अधीन सेवा ओ कम ऊई ला तेज रंङ साते पिंङे शोतो।

2 कुरिन्थियों 3:7 Iomraidhean Croise

प्रेरित 6:15

दंङ भत्ते मीहज़ी अंऊ यहुदी सभो रिंङ बंङज़ा तोईरे, दोऊ हखा रूठे रंङ खंईर ता दोऊ मोह्द स्वर्गदूता तु मोह्दु ठ्रोह चमकेपी लेहकी तोहई।

रोमियो 10:4

कानूनो मकसद हेंतेग मसीहू अपिमी रंङ साते पूरा शुहचे इलि। दिऊ नतीज़ा दि तोह कि हर इच्च़ा अंऊ मसीहू टोहकठे विशवास लहज़ा, दू परमेश्वरो नज़रारिंङ धर्मी घोषित शुहचे यवाह।

रोमियो 4:15

परमेश्वरे दोऊ टोहकठे रोहषेक्च़ी, अंऊ मुसाओ कानून बि पूरी तरह माह मनेक्च़ातेर। दंङ छा कानून तोह ए माह ता दोऊ छल्ले उल्लंघन ला माह।

रोमियो 5:20

थले मुसाओ कानून दिऊ थल्जी रेंईर ताकि भत्ते मीहरे खंड्री तरपोर कि दोरे अंयों पापी तोईरे। दंङ अपेहल मीहच़ी महसे बे महसे पाप लहज़ी लेहतिर, दंङ परमेश्वरे अंऊ मोह्ड़े दाह कंङाते दुह ला महसे बे महसे बणेंके इलि,

रोमियो 7:10

दंङ दू ए हुकुमे अंऊ परमेश्वरे गिऊ श्रींङमी बि वहज़ा बणाकते, गिह्बी परमेश्वरो दोरच़ी शत्‌ह लेह च़रति।

रोमियो 7:22

छना कुचे गेह घेंङौ सेहमे ता परमेश्वरो कानूनो दोरच़ी महस खुश बंङज़ातग।

रोमियो 7:5

छना कुचे अपेहल हेनर हेंदु पापी स्वाभावो वशा रिंङ तोईनी, दंङ पापो हिटी हेंदु अंदरेग कम लहज़ी लेहकी तोहई, दंङ कानूने दि मदम हिटी चेहक्पी लेह च़रति, दंङ मौतो फल पैदा लहज़िमी थल्जी हेंदु फुका रिंङ कम लहज़ाते।

1 कुरिन्थियों 13:10

पर अपेहल दू भत्ते ज्ञानो ञेंहच़ा अपतो, दंङ अंऊ अधूरे तोह, दू योह्सा योतो।

2 कुरिन्थियों 3:3

दि प्रगट तोह, कि केहतु लेहक्सा जीवन इच्च़ा डाको ठ्रोह तोह, दोई दि डाक हेंदु सेवकाई दोरच़ी या रघटु पट्टी टोहकठे मशत, पर श्रींङे परमेश्वरो आत्माओ दोरच़ी मीहतु सेहमो पट्टी रिंङ च़ेहसी तोह।

2 कुरिन्थियों 3:6

अच़ि हेंदिंङ खरकोई वाईदाऊ सेवक शुहबिमी जोगे, बणाकतो। दि मूसा ओ च़ेहसी कानून माह शुह बल्कि पवित्र आत्माओ वाईदा शुह, छना कुचे मूसा ओ नियम ओ भाषे माह लहज़िमी परिणाम मौत तोह, पर पवित्र आत्माज़ि अनंत जीवन रंड्री।

गलातियों 3:10

झांह लेह अंयों मीहरे मूसा ओ कानूनो कमो टोईच़ी विशवास तहच़ातेर, दोरे परमेश्वरो शापो अधीन तोतोर, छना कुचे पवित्र शास्त्रारिंङ च़ेहसी तोह, “अंऊ मूसा ओ कानूनारिंङ च़ेहसी भत्ते गप्पो भाषे माह लहज़ातोर, दोरे परमेश्वरो शापो अधीन तोतोर।”

गलातियों 3:21

दंङ छि दिऊ मतलब दि तोह कि मूसा कानून परमेश्वरो वाईदाओ खिलाप तोह? माह! बिल्कुल ला माह! छना कुचे झांह ठ्रोह कानून अंऊ जीवन रें तरपोर, दंङ मूसा ओ कानूनो भाषे लहज़िमी रंङ साते अनंत जीवन खोकच़ी तरपोंई।

इब्रानियों 12:18

केरे सीने गोह कछंङ माह अतिन, अपि खंड्री ए थोक्च़ी तरच़ी तोहई, देर माह महस मेह या रोहकी डुह या लन्न माह तोहई, दंङ मीहरे झांह ठ्रोह ठाहरीरिंङ तोईरे अंऊर परमेश्वरे एनोह कानून रांई।

इब्रानियों 3:3

छना ठ्रोह चुम बणाएच़ा मालिका बि चुंङ ज़ि महस आदर खोकसी। ध्वांए ठ्रोह यीशु मूसा ओ बराबरी रिंङ महस आदरो जोगे तोह।

इब्रानियों 9:4

दि कमरारिंङ इच्च़ा ज़ङों वेदी तोहई, अतु इस्तेमाल धूप जलाच़िमी थल्जी शवाते। दंङ दोर्तिंङ इच्च़ा बक्सा ला तोहई अंऊ तोंङ ए धकते ज़ङों ए तोहई। दू बक्सो बि वाईदा बक्सा कुट्रातेर। बक्सो अंदरेग षुमु चीज़ारे तोईरे। भत्ते बे मुण्डा इच्च़ा ज़ङों नंदे तोहई अंऊर इच्च़ा खास बगत तोहई अपि “मन्ना” कुट्रातेर। देर्तिंङ हारूनो लट्टी ला तोहई, दंङ अंकुरित लपतेर ला तोईरे, अतु टोईच़ी परमेश्वरे दू सा हुकुम च़ेहसी तहरे, अंऊ दोई मूसा बि रंदे।