2 कुरिन्थियों 3:6 - लाहौली बाइबिल6 अच़ि हेंदिंङ खरकोई वाईदाऊ सेवक शुहबिमी जोगे, बणाकतो। दि मूसा ओ च़ेहसी कानून माह शुह बल्कि पवित्र आत्माओ वाईदा शुह, छना कुचे मूसा ओ नियम ओ भाषे माह लहज़िमी परिणाम मौत तोह, पर पवित्र आत्माज़ि अनंत जीवन रंड्री। Faic an caibideil |
2 कुरिन्थियों 3:6
45 Iomraidhean Croise
अपेहल मूसा ओ कानून अंऊ रघटु पट्टी ओ टोहकठे च़ेहसी तोहई, दू मुक्का परमेश्वरो तेज तंङाफाते। इस्राएलो मीहरे महस ध्याड़ा तचेक मूसाऊ मोह्तु हखा खंड्री माहरच़ातेर छना कुचे दू चमकेक्पते, हालांकि दि चमक लम्हें टेम तचेक माह केहषीरि। झांह लेह मूसा बि रांहषी कानूनो टोहकठे आधारित सेवकाई मौत हपा, अतु झांह ठ्रोह तेज तोहई। दंङ पवित्र आत्माओ मार्गदर्शनो खरकोई वाचा ओ अधीन सेवा ओ कम ऊई ला तेज रंङ साते पिंङे शोतो।
शांति रंड्रा परमेश्वरे, हेंदु प्रभु यीशु बि सिए दोतंङ बिचंङ ज़ि यह्च़ा श्रींङमी लेह च़रति, केतिंङ दू भत्ते चीज़ातंङ साते भरपूर लोहतो अतु केतिंङ दोऊ हिटी पूरे लहज़िमी ज़रूरत तोह। यीशु मसीहू सामर्थो दोरच़ी दू केतिंङ दू भत्ते धिर उत्पन्न लोहतो अंऊ दोबि खुश लहज़ा। यीशु मोह्ड़े वाईदा रंङ साते त्रैंईतु मोह्ड़े रखवाला बणेंके इलज़ा, अंऊ त्रैंईतु तु झुण्डो टोईच़ी दोऊ शुहई दोरच़ी हमेशा ओ थल्जी वाईदा ओ स्थापना ओ छाप लगाएसी तोह। दोऊ महिमा हमेशा तचेक शुहवा लोहतो। अमीन।
गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।
Sanasan