2 कुरिन्थियों 3:5 - लाहौली बाइबिल

⁵ हेंज़ी दि माह कुट्रातंई कि हेंदु कछंङ हेंदु दोरच़ी छा लहज़िमी काबलियत तोह; पर परमेश्वर हेंदिंङ दि काबलियत रंड्रा।

2 कुरिन्थियों 3:5 Iomraidhean Croise

लूको 21:15

छना कुचे गेह केतिंङ झांह ठ्रोह गप्पा ए समझ रमोर कि केहतु भत्ते बैरीर केहतु सामना लेह मरपोर।

लूको 24:49

दंङ गेह घेंङा ए केहतु टोईच़ी पवित्र आत्माबि च़रपोग, अतु वाईदा गिऊ बाह ज़ि लहसी ततो। पर केतिंङ दोहपल तचेक यरूशलेम शहरंङ रुमज़ी लेह्पोतो अपेहल तचेक केतिंङ स्वर्गो दोरच़ी सामर्थ माह खोकसोतो।”

यहून्नो 15:5

गेह दाखो ब्रन्ज़ शुगाह: केहरे डाड़ीर शुई; अरी गेरंङ बणेंके बंङज़ा दंङ गेह दोरंङ, दोई महसे फल हपि, छना कुचे गेरंङ शता शुहचे, केहरे छले लेह मरपोंन।

रोमियो 15:18

छना कुचे मसीह गिऊ वहज़ा ज़ि छि लहसी ततो गिह्बी दि गप्पा कुट्रीमी हिम्मत तोह, कि गेह ऊईजाति तु मीहतिंङ परमेश्वरो कछंङ हपिमी काबिल तोतोग। अपेहल दोच़ी गिऊ सग थाषातेर दंङ गिऊ कम तंङातेर दंङ दोच़ी परमेश्वरो टोहकठे विशवास लहरिर।

1 कुरिन्थियों 15:10

पर अगर तोग गेह प्रेरित शुगाह दंङ दुह परमेश्वरो मोह्ड़े दाह शुह। दंङ दोऊ मोह्ड़े दाह अंऊ गिऊ टोईच़ी शुई, दुह शुह्के माह शुई पर गेह ऊई अरिला प्रेरित बे महस मेहनत ला लहरिगा ता दि गिऊ दोरच़ी मशत पर परमेश्वरो मोह्ड़े दाह गिऊ दोरच़ी कम लहज़ाते।

1 कुरिन्थियों 3:10

परमेश्वरे अंऊ वरदान गिह्बी रांहषी ततो, दोऊ इस्तेमाल लहज़ी गेह दू चुंङो मुयांद इच्च़ा बुद्धिमान राजमिस्त्री ठ्रोह केईगा, दंङ ऊई मीहरे दू मुयांदो टोईच़ी कम लहज़ी लेहकी तोतोर, पर भत्ते मीहतिंङ खबरदार बंङज़ी जूंशी तोह कि दोरे दिऊ टोहकठे छना कम लहज़ी लेहकी तोतोर।

1 कुरिन्थियों 3:6

केतिंङ परमेश्वरो खबर कंड्रा गेह मुण्डो मीह तोईगा झांह लेह गेह दू मीहू ठ्रोह शुगाह अच़ि रीहरिंङ बेईज़ा एच़ी च़रति। दोऊ थल अपुल्लोस ए केहतु विशवासा रिंङ पक्‍का शुहबिमी थल्जी मदत लहरी, ठीक ध्वांए छना ऊई मीह दूह पौधा रिंङ ती रंड्रा अंऊ मोह्ड़े शवाहतोर। पर परमेश्वरे केतिंङ खरकोई जीवन रांई दंङ केतिंङ आत्मिक तरीका रंङ साते बणेक्पिमी मदत लहज़ा, छना परमेश्वरे पौधार मोह्ड़े लहज़ा।

2 कुरिन्थियों 12:9

दंङ दोई गेरंङ साते कुई, “गिऊ मोह्ड़े दाह कनु थल्जी झोबड़ी तोह; छना कुचे गिऊ सामर्थ कमज़ोरी रिंङ प्रगट शवाह।” झांह लेह गेह मोह्ड़े खुशी साते घेंङौ कमज़ोरी टोईच़ी घमण्ड लोहग, कि मसीहू सामर्थ गिऊ टोईच़ी सिल्मोग लोहवा लोहतो।

2 कुरिन्थियों 2:16

पर दोतु थल्जी अंऊ विनाशो अमरिंङ तोतोर, दोरे सिमी झांह ठ्रोह झखंजी बासो ठ्रोह तोतोर अंऊ दोतिंङ मौतो हखा रैंज़ा शिलज़ा; पर दोतु थल्जी अंऊ उद्धारो अमरिंङ तुंखा शवाहतोर, दि जीवनो झांह ठ्रोह रूठे बास तोह अंऊ जीवनो हखा रैंज़ा शिलज़ा। हेले रिंङ, अरिला एनोह दोरच़ी दिऊ जोगे माह अंऊ मसीहू ज्ञानो रूठे बास फैलाके तरपोतो।

2 कुरिन्थियों 4:7

हेंतेग हेंदु सेहमरिंङ दि छंङी चमकेपी लेहकी तोह, पर हेनर षोह नाजुक नन्देतु ठ्रोह तोतोंई अंऊर दि खज़ाना पिंङषी तोह, ताकि गप्पाऊ दोरच़ी दि गप्पा साफ शुहचे योतो कि दि अद्धभुत सामर्थ हेंदु दोरच़ी मशत, पर परमेश्वरो दोरच़ी शुह।

फिलिपियों 2:13

छना कुचे परमेश्वर ए तोह, अच़ि केहतु अंदरेग कम लहज़ा दंङ दोई ए केतिंङ कम लहज़िमी हिटी ए शाक्ति रंड्रा अंऊ दोई दोबि खुश लहज़ा।

फिलिपियों 4:13

मसीहू दोरच़ी अंऊ गिह्बी दोई सामर्थ रंड्रा दोऊ मदते गेह भत्ते धिर ले तरच़ातग।

2 तीमुथियुस 2:2

केई गिह्बी महस मीहतु तुहई ज़ि मसीहू पाहठी खबर सिखासी तंङातेन, झांह लेह, गेह जुंज़ातग कि केई ला ऊई विशवासी तिंङ दिए खबर सिखाएतु। अंऊ विशवासो जोगे मीहरे तोतोर, दंङ अंऊ ऊईतिंङ ला दिए सिखाएच़िमी जोगे शोर।

याकूब 1:17

छना कुचे हर इच्च़ा रूठे वरदान दंङ हर इच्च़ा रूठे दान परमेश्वरो दोरच़ी खोकसा, अच़ि सर्गंङ भत्ते छंङी तिंङ बणाएक्तो। परमेश्वर हमेशा इच्च़ा ठ्रोह तोह दंङ दुह सिलमो ठ्रोह लेहक्सा माह।