2 कुरिन्थियों 3:3 - लाहौली बाइबिल

³ दि प्रगट तोह, कि केहतु लेहक्सा जीवन इच्च़ा डाको ठ्रोह तोह, दोई दि डाक हेंदु सेवकाई दोरच़ी या रघटु पट्टी टोहकठे मशत, पर श्रींङे परमेश्वरो आत्माओ दोरच़ी मीहतु सेहमो पट्टी रिंङ च़ेहसी तोह।

2 कुरिन्थियों 3:3 Iomraidhean Croise

मत्ती 16:16

शमौन पतरसे दोबि जुबाब रेंहई, “कांह श्रींङी परमेश्वरो योह मसीह शुनाह।”

1 कुरिन्थियों 3:5

दंङ अरि शुह अपुल्लोस ए दंङ अरि शुह पोलुस? छि सिर्फ सेवक, अतु दोरच़ी केहच़ी विशवास लहरिन। हर इच्चे प्रभु दोरच़ी रांहषी ज़िम्मेवारी निभाके च़रतिर।

2 कुरिन्थियों 3:6

अच़ि हेंदिंङ खरकोई वाईदाऊ सेवक शुहबिमी जोगे, बणाकतो। दि मूसा ओ च़ेहसी कानून माह शुह बल्कि पवित्र आत्माओ वाईदा शुह, छना कुचे मूसा ओ नियम ओ भाषे माह लहज़िमी परिणाम मौत तोह, पर पवित्र आत्माज़ि अनंत जीवन रंड्री।

2 कुरिन्थियों 3:7

अपेहल मूसा ओ कानून अंऊ रघटु पट्टी ओ टोहकठे च़ेहसी तोहई, दू मुक्का परमेश्वरो तेज तंङाफाते। इस्राएलो मीहरे महस ध्याड़ा तचेक मूसाऊ मोह्तु हखा खंड्री माहरच़ातेर छना कुचे दू चमकेक्पते, हालांकि दि चमक लम्हें टेम तचेक माह केहषीरि। झांह लेह मूसा बि रांहषी कानूनो टोहकठे आधारित सेवकाई मौत हपा, अतु झांह ठ्रोह तेज तोहई। दंङ पवित्र आत्माओ मार्गदर्शनो खरकोई वाचा ओ अधीन सेवा ओ कम ऊई ला तेज रंङ साते पिंङे शोतो।

2 कुरिन्थियों 6:16

परमेश्वरो मन्दिरंङ मुर्तितु थल्जी छल्ले ठहरि माह। छना कुचे हेनर ता श्रींङे परमेश्वरो मन्दिर शुई; छना परमेश्वरे पवित्रशास्त्रा रिंङ च़ेहसी तोह, “गेह दि मीहतंङ साते बंङज़ोग दंङ दोतु बिचंङ ज़ोज़ा लोहग; दंङ गेह दोतु परमेश्वर शोहग, दंङ दोरे गिऊ मीहरे शोर।”

1 थिस्सलुनीकियों 1:9

छना कुचे दोच़ी ऊईतिंङ कंड्रातोर कि अपेहल ञेंरे केहतु कछंङ अंदेंई, दंङ केहच़ी छना ठ्रोह ञेंहतु स्वागत लहज़ातंई। दंङ केरे छना मुर्ति पूजा ओ दोरच़ी शत्‌ह शुहचे परमेश्वरो हखा किरच़ातंई, ताकि श्रींङे ए सच्चे परमेश्वरो सेवा लोंहई,

इब्रानियों 10:16

“यह्च़ा प्रभु ज़ि कुट्रा कि” “अंऊ खरकोई वाईदा गेह दू ध्याड़ो थल इस्राएलो मीहतंङ साते लोहग, दू दि तोह कि गेह घेंङौ कानून दोतु सेहमो टोईच़ी च़ेओग, दंङ गेह दोतु अन्तरात्मा रिंङ केहऊ।”

इब्रानियों 8:10

यह्च़ा प्रभु ज़ि कुट्रा, कि अंऊ खरकोई वाईदा दू मुक्का अपेहल गेह अपोग दोहपल इस्राएलो मीहतंङ साते लोहग। दू दि तोह कि, गेह दोतिंङ घेंङौ कानूनो पाहठी सोच़ेक्सी लोहग, दंङ दोरे दोबि एनोह सेहम तोहर अतु दोच़ी अराधना लोहर।

इब्रानियों 9:14

दंङ सोचेक्तुंई कि मसीहू शुहई हेंदु सेहमा बि दू कमो दोरच़ी अंयों शुद्ध लोहतो अंऊ मौतो हखा शिलज़ातोर, ताकि हेनर श्रींङे परमेश्वरो सेवा लोहनि। छना कुचे अनंत आत्माओ सामर्थो दोरच़ी, मसीह ज़ि हेंदु पापो थल्जी एनाबि बलिदान लेह परमेश्वर बि भेंटो रूपारिंङ रें च़रति।

प्रकाशित वाक्य 2:1

दोई गिऊ हखा दि ला कुई, “इफिसुस शहरो कलीसिया ओ स्वर्गदूता बि दि ला खबर चेहई च़रतु: गेह दुह ए शुगाह अंऊ एनोह सुचंङ गुहड़रिंङ निह्ज कर लेहपसी ततो, दंङ अंऊ ज़ङों निह्जो दिवटो बिचंङ ज़ोजा।” गेह केतंङ साते दि कुट्रातग,

प्रकाशित वाक्य 2:12

पिरगमुन शहरो कलीसिया ओ स्वर्गदूता तिंङ दि चेहओ: “अतु कछंङ तेज झुह्ट धारी तलवार तोह”, दोई दि कुट्रा:

प्रकाशित वाक्य 2:18

“थुआतीरो शहरो कलीसिया ओ स्वर्गदूताबि चेऊ” “परमेश्वरो योह अतु टिरा मेहू ठ्रोह तोह, दंङ अतु कोंज़ा रूठे रिओह ठ्रोह चमकदार तोह, दोई दि कुट्रा।”

प्रकाशित वाक्य 2:8

स्मुरना शहरो विशवासी तु मंडली ओ स्वर्ग दूताबि दि चेऊ: “बेऊ था; गेह मुण्डो ए थल मुखंङ तचेक शुगाह, दंङ गेह दुह शुगाह अंऊ जहानो जुंशी शुगाह।” गेह इच्च़ा फेरा सिए इलजी तोईगा पर एंतेग गेह श्रींङे तोतोग दंङ हमेशा श्रींङे बंङज़ोग, अंऊ गेह कुट्रातग दुह रेड्रुंई।

प्रकाशित वाक्य 3:1

“दोई गिऊ हखा दि ला कुई कि” सरदीस शहरो कलीसिया ओ स्वर्गदूता बि दि चेऊ, “कि अतु दोर परमेश्वरो निह्ज़ी आत्मा ए निह्ज़ी कर तोह, दोई कुट्रा, कि गेह कनु कम ञेंच़ातग, कि काह श्रींङे ता तोतोन”, पर सिए इलजी तोतोन।

प्रकाशित वाक्य 3:14

लौदीकिया शहरो कलीसिया ओ स्वर्गदूता बि दि चेऊ: “कि दि खबर दोऊ तरफे तोह अंऊ अमीन तोह। दुह विशवासो जोगे ए परमेश्वरो पाहठी सच्चाई बि प्रगट लहज़ा, दंङ गेह दुह तोतोग अतु दोरच़ी परमेश्वरे भत्ते चीज़ा तु रचना लहरी।”

प्रकाशित वाक्य 3:22

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा।

प्रकाशित वाक्य 3:7

फिलेदिलफिया शहरो कलीसियाओ स्वर्ग दूताबि दि डाक च़ेऊ, कि दि खबर दोऊ दोरच़ी शुह अंऊ पवित्र ए सत्य तोह, दुह अतु कछंङ दाऊदो राजो अधिकार तोह। अगर दोई पेतंङ अलज़ा, दंङ अच़िला दुह बंद लेह मरच़ि। दंङ अगर दोई दुह बंद लेह केई, दंङ अच़िला दुह अल्ज़े मरपोतो। दोई दिए कुट्रा कि,