2 कुरिन्थियों 3:2 - लाहौली बाइबिल

² केरे केनार ए इच्च़ा डाको ठ्रोह तोतोंई अंऊ भत्ते तु तुईज़ी परमेश्वरो थल्जी गिऊ कमो सिफारिश लहज़ा, अंऊ हेंदु सेहमरिंङ च़ेहसी तोह, दंङ केहतु लेहक्सी जीवन केहतु बिचंङ हेंदु कमो वहज़ा ज़ि तोह, अंऊ इच्च़ा डाको ठ्रोह तोह अतिंङ हर इच्च़ा पढेक्पि तरपोतो ए सेहषी तरपोतो।

2 कुरिन्थियों 3:2 Iomraidhean Croise

रोमियो 1:8

भत्ते बे तुहई गेह केहतु भत्ते तु थल्जी यीशु मसीहू दोरच़ी घेंङौ बाह परमेश्वरो धन्यवाद लहज़ातग, छना कुचे यीशु मसीहू टोहकठे केहतु विशवासो पाहठी महस ठाहरीरिंङ मीहच़ी गप्पा लहज़ी लेहकी तोतोर।

1 कुरिन्थियों 3:10

परमेश्वरे अंऊ वरदान गिह्बी रांहषी ततो, दोऊ इस्तेमाल लहज़ी गेह दू चुंङो मुयांद इच्च़ा बुद्धिमान राजमिस्त्री ठ्रोह केईगा, दंङ ऊई मीहरे दू मुयांदो टोईच़ी कम लहज़ी लेहकी तोतोर, पर भत्ते मीहतिंङ खबरदार बंङज़ी जूंशी तोह कि दोरे दिऊ टोहकठे छना कम लहज़ी लेहकी तोतोर।

2 कुरिन्थियों 11:11

गेह केहतु ढबाह छिल्ले माह लेहपच़ातग? छि गेह दि दिऊ थल्जी लहरिगा छना कुचे गेह केतंङ साते दाह माह लहज़ातग? परमेश्वरे दि ञेंहच़ा कि गेह केतंङ साते दाह लहज़ातग।

2 कुरिन्थियों 12:15

छिल्ला धिर गिऊ कछंङ तोह दू भत्ते धिरो ओ इस्तेमाल गेह केहतु थल्जी लेह च़रपोग ताकि पवित्र आत्माओ थले जोज़िमी थल्जी केहतु मदत लेह तरपोग। गेह केतंङ साते महस दाह लहज़ातग, पर झांह च़ेहसा कि केरे गेरंङ साते थोड़े दाह लहज़ातंई।

2 कुरिन्थियों 3:1

छि हेंज़ी यह्च़ा हेंदु तारीफ लहज़ी शुरू लेह लेहतिन? या रें मीहतु ठ्रोह हेंदिंङ ला केनातिंङ ला केहतु थल्जी सिफारिशो डाको ज़रूरत तोह आ?

2 कुरिन्थियों 7:3

गेह केतिंङ दोषी ठहराच़िमी थल्जी माह कुट्रातग। छना कुचे गेह तुहई ए कुहषी ताहरेग, कि ञेंरे हेंदु भत्ते सेहमे दाह लहज़ातंई “ञेंरे केतंङ साते दाह लहज़ातंई दंङ लोहवा लोहनि, चाहे छिल्ला शुहचे योतो।”

फिलिपियों 1:7

चाहे गेह जेलारिंङ तोतोग या गेह दि साबित लहज़ातग कि रूठे खबर हेले शुह। ठीक तोह कि गेह केहतु थल्जी झांह ठ्रोह विचार लोहग, छना कुचे गेह केतंङ साते महस दाह लहज़ातग चाहे गेह जेलारिंङ तोतोग या गेह रूठे खबरो बचाब लहज़ी लेहकी तोतोग दि साबित लहज़िमी थल्जी कि रूठे खबर हेले शुह, झांह लेह केरे भत्तेर गेरंङ साते परमेश्वरो मोह्ड़े दाह रिंङ सहभागी शोंई।

1 थिस्सलुनीकियों 1:8

छना कुचे केहतु दोरच़ी माह सिर्फ मकिदुनिया ए अखयारिंङ प्रभु वचन सुनाई केहरी पर केहतु विशवास अंऊ परमेश्वरो टोईच़ी तोह भत्ते ठाहरीरिंङ दोऊ गप्पा फेलेगी इलजी तोद कि ञेंतिंङ कुट्रीमी ज़रूरत माह।