2 कुरिन्थियों 3:1 - लाहौली बाइबिल

¹ छि हेंज़ी यह्च़ा हेंदु तारीफ लहज़ी शुरू लेह लेहतिन? या रें मीहतु ठ्रोह हेंदिंङ ला केनातिंङ ला केहतु थल्जी सिफारिशो डाको ज़रूरत तोह आ?

2 कुरिन्थियों 3:1 Iomraidhean Croise

प्रेरित 18:27

अपेहल अपुल्लोस दिह पक्‍का लेह च़रति कि दुह अखाया प्रदेशो हखा योतो दंङ इफिसुसा रिंङ विशवासी ज़ि कुईर कि झांह लेह दोतु थल्जी रूठे शोतो। दिऊ थल्जी दोच़ी अखाया रिंङ विशवासी तिंङ डाक चेई कुईरे कि दोतिंङ अपुल्लोस स्वागत लेह जुंशी तोह। दंङ अपुल्लोस इच्च़ा जहाज़ो टोईच़ी अच़ा इलि कुरिंथ इबिमी थल्जी। दंङ दोर पिचे परमेश्वरो मोह्ड़े दाह ओ दोरच़ी दुह मीहतु महस मदत लहरी अंऊ दोच़ी विशवास लहरिर।

रोमियो 16:1

गेह जुंज़ातग कि, केरे फिबेऊ आदर लंहि, अंऊ ञेंहतु विशवासी रिंङ ए किंख्रिया शहरो कलीसिया ओ सेविका तोह,

1 कुरिन्थियों 16:3

दंङ अपेहल गेह दोर्तिंङ बंङज़ोग दंङ गेह दुह मीहबी च़रपोग, अतिंङ केहच़ी विशवासो मीह चेहके अंङे चरच़ातेंई कि दोरे ढबाह यरूशलेम शहरो हखा रेंज़ा शोर। गेह दोतंङ साते इच्च़ा डाक ला च़रपोग कि दोर कि विशवासी तंङ साते दोतु जान-पहचान लेह तरपोग।

1 कुरिन्थियों 3:10

परमेश्वरे अंऊ वरदान गिह्बी रांहषी ततो, दोऊ इस्तेमाल लहज़ी गेह दू चुंङो मुयांद इच्च़ा बुद्धिमान राजमिस्त्री ठ्रोह केईगा, दंङ ऊई मीहरे दू मुयांदो टोईच़ी कम लहज़ी लेहकी तोतोर, पर भत्ते मीहतिंङ खबरदार बंङज़ी जूंशी तोह कि दोरे दिऊ टोहकठे छना कम लहज़ी लेहकी तोतोर।

1 कुरिन्थियों 4:15

छना कुचे चाहे केहतु कछंङ मसीहरिंङ शिक्षा रंड्रा हज़ार शोर, पर गेह ए केहतु बाह ओ बराबर शुगाह अंऊ केहतु कछंङ रूठे खबर रैंज़ा हंदेग, अतु नतीज़ा केरे यीशु मसीह रिंङ विशवास लहज़ी लेहती।

2 कुरिन्थियों 10:12

छना कुचे ञेंतिंङ दि याहब माह कि ञेंरे हेंदु तुलना दोतंङ साते गिनती लोहनि, या दोतंङ साते हेनर ठ्रोहका शोनि, अंऊ एनोह षटणा लहज़ातोर, दंङ एनाबि एनातु ए बिचंङ नाप तोल लहज़ा इदि-अई दिरंङ साते तुलना लहज़ा मुर्ख शोर।

2 कुरिन्थियों 10:18

छना कुचे अंऊ दोई एनोह षटणा लहज़ा, दू मशत, पर अतु बढ़ाई प्रभु ज़ि लहज़ा, दू ए प्रभु नज़रा रिंङ रूठे तोह।

2 कुरिन्थियों 10:8

छना कुचे अगर गेह दू अधिकारो पाहठी ऊई ला महस घमण्ड लोहग, अंऊ प्रभु ज़ि केहतु विशवास नाश लहज़िमी थल्जी मशत पर केहतु विशवास बढ़ाएच़िमी थल्जी मदत लहज़िमी थल्जी हेंदिंङ रांहषी तोह, दंङ गेह षेहपोग माह।

2 कुरिन्थियों 12:11

गेह मुर्ख बणेंके इलिग, पर दि केरे ए शुई अच़ि गिह्बी झांह लहच़िमी थल्जी मज़बूर लहरिन। केतिंङ ता गिऊ षटणा लहज़ी जूंशी तोहई, छना कुचे अगर गेह छोह् ला जोगे माह तोग, तांला गेह दोतंङ बे छल्ले धिरा रिंङ कम माह तोग, अंऊ झांह ठ्रोह कंड्रातोर कि दोरे भत्ते प्रेरित बे मोह्ड़े तोतोर।

2 कुरिन्थियों 12:19

हे गिऊ प्यारे साथी विशवासी रे, केरे हेंतेग तचेक समझेक्सी लेहकी शोंई कि ञेंरे केहतु तुईज़ी हेंदु सफाई रंड्रातंई, ञेंरे ता परमेश्वरा बि हेंदु तुईज़ी ञेंई ते मसीहरिंङ दि कुट्रातंई, दंङ दि भत्ते गप्पार केतिंङ विशवासा रिंङ बडेकेक्पिमी थल्जी कुट्रातंई।

2 कुरिन्थियों 2:17

छना कुचे हेनर दू महसे तु बराबर माह तोंई, अंऊ परमेश्वरो बचन एनोह फायदा ओ थल्जी प्रचार लहज़ा; पर हेनर परमेश्वरो बचनो प्रचार सच्चाई ए मसीहू अधिकारारंङ साते लहज़ातंई, दि ञेंई कि परमेश्वर हेंदिंङ खंड्रा बंङज़ा तोह।

2 कुरिन्थियों 5:12

हेनर तांला हेंदु षटणा केहतु तुईज़ी माह लहज़ातंई बल्कि ञेंरे केतिंङ मोका रंड्रातंई कि केरे ञेंहतु टोहकठे घमण्ड लंहि ताकि केरे दोतिंङ दिऊ जुबाब रें तरपोंई, अंऊ एनोह सेहमो टोईच़ी मशत पर दिखावटी गप्पो टोईच़ी घमण्ड लहज़ातोरे