2 कुरिन्थियों 2:7 - लाहौली बाइबिल

⁷ झांह लेह दिऊ थल दि रूठे तोह कि दोऊ अपराध माफ लंहि, अगर केरे दोबि माफ माह लहज़ातंई दंङ शायद दू धोंण दुखी शोतो कि निराशा रिंङ एनोह हार मनेकी च़रपोतो।

2 कुरिन्थियों 2:7 Iomraidhean Croise

1 कुरिन्थियों 15:54

अपेहल हेंदु दि फुक अंऊ योहच़े रंङ साते सिए यवात या सुह्षी यवात, दोबि इच्च़ा झांह ठ्रोह फुका रिंङ लेहक्सा इबि जूंस अंऊ माह अपेहला सिए दंङ माह ए अपेहला सुह्पी। दंङ दुह लेख पूरा शुहचे योतो अंऊ परमेश्वरे पवित्रशास्त्रा रिंङ च़ेहसी ततो, अंऊ दोई कुट्रा, “मौताबि पूरी तरह यहरच़े च़रपोतो दंङ दोऊ भत्ते धिर योह्सा योतो,”

2 कुरिन्थियों 2:8

झांह लेह गेह केतंङ साते बिनती लहज़ातग, कि दोबि विशवास रंड्रातंई कि केरे हेले रिंङ दोरंङ साते दाह लहज़ातंई।

2 कुरिन्थियों 5:4

हेले दि तोह कि दि तम्बू रिंङ बंङज़ा मुक्का हेनर कुरतु साते तेपचा क्रिम्बातंई, छना कुचे हेनर दि संसारिक फुक छोड़ेके माहरच़ातंई पर हेंज़ी जुंज़ातंई कि परमेश्वर हेंदिंङ स्वर्गीय फुक रमतो, ताकि हेंदु खरकोई फुका अंऊ हमेशा ओ थल्जी बंङज़तो, दि फुक लेहक्सा योतो अंऊ सिए यवात।

2 कुरिन्थियों 7:10

छना कुचे दुह दुख, अंऊ परमेश्वर तरफे हपा, उद्धार रंड्रा पश्चातापो वहज़ा बणेंके यवात, अंऊर अफसोस लहज़िमी छल्ले ठहरि माह केहषा। पर संसारिक दुख मोतो बि पैदा लहज़ा।

इफिसियों 4:32

इदि-अई दिऊ टोईच़ी दया, ए करुणामय शुहचे इलांई, दंङ छना परमेश्वरे मसीह रिंङ केहतु गुनाह माफ लहरी, ध्वांए केरे ला इदि-अई दिऊ गुनाह माफ लंहि।

फिलिपियों 2:27

दंङ हेले दुह टेहची ता इलजी तोहई, देर तचेक कि सिमी जोगे तोहई, पर परमेश्वरे दोऊ टोईच़ी दया लहच़ी दोबि ठीक लहरी; सिर्फ दोऊ ए टोईच़ी मशत, पर गिऊ टोईच़ी ला लहरी कि गिह्बी महस दुख शुहबी मेस।

कुलुस्सियों 3:13

दंङ अतिंङ ला अतुआ टोईच़ी दोष लगाच़िमी छा कारण शुई ता, दंङ इदिऊ अईदिऊ सहन लंहि; दंङ इदिऊ ए अई दिऊ गुनाह माफ लंहि: छना परमेश्वरे केहतु गुनाह माफ लहतो, ध्वांए केहच़ी ला लंहि।

1 थिस्सलुनीकियों 4:13

हे गिऊ प्यारे साथी विशवासी रे, ञेंहच़ी दि ञेंच़ातंई कि केहच़ी दि ञेंई च़रतेंई कि दुह विशवासी तंङ साते छि शोतो अंऊ तुहई ए सिए इलोर। झांह शुहबी मेस, कि केरे ऊईतु ठ्रोह शोक लंहि अंऊ दोतिंङ उम्मीद ए माह, कि सिमी थल दोरे यह्च़ा श्रींङी योर।

2 थिस्सलुनीकियों 3:6

हे गिऊ प्यारे साथी विशवासी रे, ञेंहच़ी केतिंङ दुह अधिकारे हुकुम रंड्रातंई अंऊ हेंदिंङ प्रभु यीशु मसीह रांहषी ततो, कि हर इच्च़ा झांह ठ्रोह साथी विशवासी ओ दोरच़ी शत्‌ह बंङज़ुंई, अंऊ सुस्तीरिंङ बंङज़ातोर, दंङ अंऊ दुह, दुह हुकुमो भाषे माह लहज़ा अंऊ दुह ञेंहच़ी केतिंङ सिखाएकातेंई।