2 कुरिन्थियों 2:4 - लाहौली बाइबिल

⁴ मोह्ड़े मुसीबत, दंङ सेहमो दुखारंङ साते, गेह महसे मिक्ति बहाके-बहाके केतिंङ डाक चेआतेग झांह लेह माशुह, कि केरे दुखी शुई, पर झांह लेह कि केरे दुह मोह्ड़े दाह ञेंई च़रतुंई, अंऊ गिह्बी केतंङ साते तोह।

2 कुरिन्थियों 2:4 Iomraidhean Croise

2 कुरिन्थियों 11:2

छना कुचे गेह केतंङ ध्वांए दाह लहज़ातग दंङ केहतु चिंद लहज़ातग छना परमेश्वरे लहज़ा। झांह लेह गेह केतिंङ मसीह रिंङ ए सिर्फ दोबि ए रंड्रीमी वाईदा लहसी तातग, कि केतिंङ पवित्र कुंवारीऊ ठ्रोह मसीहू हवाले लेह च़रपोग।

2 कुरिन्थियों 12:15

छिल्ला धिर गिऊ कछंङ तोह दू भत्ते धिरो ओ इस्तेमाल गेह केहतु थल्जी लेह च़रपोग ताकि पवित्र आत्माओ थले जोज़िमी थल्जी केहतु मदत लेह तरपोग। गेह केतंङ साते महस दाह लहज़ातग, पर झांह च़ेहसा कि केरे गेरंङ साते थोड़े दाह लहज़ातंई।

2 कुरिन्थियों 2:9

छना कुचे गेह केतिंङ दिऊ थल्जी ला चेआतग, कि केतिंङ परखेकी च़रपोग, कि केरे गिऊ हुकुमो भाषे लहज़िमी थल्जी तेयार तोतोंई या माह तोंईया।

2 कुरिन्थियों 7:12

हालांकि गेह दि गंभीर डाक माह ता केतिंङ दिऊ थल्जी चेआतेग कि गिह्बी दोऊ चिंद तोहई, अच़ि अन्याय लाहते, दंङ माह ए दोऊ वहज़ा ज़ि अतु टोईच़ी अन्याय लहसी तातंई, पर दिऊ थल्जी कि परमेश्वरो तुईज़ी केरे दि ञेंई च़रतेंई कि केरे ञेंहतु थल्जी अंयों सच्चा तोतोंई।

फिलिपियों 3:18

छना कुचे महसे मीहरे मांजी चाल ज़ोवातोर, अतु चर्चा गेह केतंङ साते घड़ी-घड़ी लहसी तरेग, दंङ हेंतेग ला क्रप्चे ते कुट्रा तोग कि केनातु व्यवहारो दोरच़ी मसीहू बलिदानो बैरी तोईनी।