2 कुरिन्थियों 2:3 - लाहौली बाइबिल

³ दंङ गेह दि गप्पा केतिंङ झांह लेह चेहरिगा, कि झांह शुहबी मेस, कि गिऊ अपिमी मुका, अतु दोरच़ी गिह्बी खुशी खोकसी जूंस, गेह दोतंङ साते दुखी शोहग; छना कुचे गिह्बी केहतु भत्ते तु टोईच़ी दि गप्पाऊ विशवास तोह, कि अंऊ गिऊ खुशी तोह, दुह ए केहतु भत्ते तु ला तोह।

2 कुरिन्थियों 2:3 Iomraidhean Croise

1 कुरिन्थियों 4:21

केहच़ी छि जुन्ज़ातंई कि गेह अंज़े केतंङ साते छि लोहग? अगर केहच़ी हेंतेग ला केनातु मदम तरीका ब्याड़ा माह लहज़ातंई दंङ गेह महस कठोर शुहचे केतिंङ रैहच़ोग। पर अगर केहच़ी केनातु मदम तरीका ब्याड़ा लेह केहतंई, दंङ गेह केहतु साते नम्रता ए दाह रंङ साते व्यवहार लोहग।

2 कुरिन्थियों 1:15

गिह्बी उम्मीद तोहई कि काह गिह्बी समझेगी तरपोन दंङ दिऊ थल्जी गेह कनिंङ भत्ते बे मुण्डा दोईमी सकिम लहतेग। झांह ठ्रोह केतिंङ गिऊ दोरच़ी झुह्ट पाहठी सफरो आशीष खोकच़ातंई।

2 कुरिन्थियों 1:23

परमेश्वर गिऊ दि सच्चाई गेह गवाह तोह कि गेह यह्च़ा कुरिन्थुस शहरंङ दिऊ थल्जी माह अतिगा कि गेह केतिंङ दुख रंड्री माह जुंज़ातेग।

2 कुरिन्थियों 12:11

गेह मुर्ख बणेंके इलिग, पर दि केरे ए शुई अच़ि गिह्बी झांह लहच़िमी थल्जी मज़बूर लहरिन। केतिंङ ता गिऊ षटणा लहज़ी जूंशी तोहई, छना कुचे अगर गेह छोह् ला जोगे माह तोग, तांला गेह दोतंङ बे छल्ले धिरा रिंङ कम माह तोग, अंऊ झांह ठ्रोह कंड्रातोर कि दोरे भत्ते प्रेरित बे मोह्ड़े तोतोर।

2 कुरिन्थियों 12:21

दंङ झांह शुहबी मेस कि अपेहल गेह वापिस अपोग, गिऊ परमेश्वरे गिऊ अपमान लोहतो। दंङ गिह्बी महसे तु थल्जी यह्च़ा शोक लेह लेह्पोतो, अंऊ दोच़ी तुहई पाप लहरिर, दंङ दू झखंजी कमो, दंङ कुकम, ए लुचपन बि, अंऊ दोच़ी लहरिर, सेहम माह किरच़िर।

2 कुरिन्थियों 13:10

झांह लेह गेह केतिंङ दि गप्पा चेहच़ातग, दिबे तुहई कि गेह केहतु कछंङ अपोग ताकि गिह्बी केतिंङ सज़ा रें घेंङौ अधिकारो इस्तेमाल लहज़िमी ज़रूरत माह पढ़ेक्पोतो अंऊ प्रभु ज़ि गिह्बी रांहषी ततो। छना कुचे गेह केहतु अधिकारो इस्तेमाल केहतु विशवास पक्‍का लहज़िमी थल्जी लहज़ातग माह कि नाश शुहबिमी थल्जी।

2 कुरिन्थियों 2:9

छना कुचे गेह केतिंङ दिऊ थल्जी ला चेआतग, कि केतिंङ परखेकी च़रपोग, कि केरे गिऊ हुकुमो भाषे लहज़िमी थल्जी तेयार तोतोंई या माह तोंईया।

2 कुरिन्थियों 7:12

हालांकि गेह दि गंभीर डाक माह ता केतिंङ दिऊ थल्जी चेआतेग कि गिह्बी दोऊ चिंद तोहई, अच़ि अन्याय लाहते, दंङ माह ए दोऊ वहज़ा ज़ि अतु टोईच़ी अन्याय लहसी तातंई, पर दिऊ थल्जी कि परमेश्वरो तुईज़ी केरे दि ञेंई च़रतेंई कि केरे ञेंहतु थल्जी अंयों सच्चा तोतोंई।

2 कुरिन्थियों 7:16

गेह महसे खुश तोतोग, कि केहतु तरफे गिह्बी हर गप्पारंङ विशवास शवात।

2 कुरिन्थियों 7:6

तांला दुखी मीहतिंङ शांति रंड्रा परमेश्वरे तीतुसा बि देर चरच़े ञेंतिंङ याहब रेंई।

2 कुरिन्थियों 7:8

गेह दि गप्पो दोरच़ी पछताप माह लहज़ातग कि गेह केतिंङ डाक चेआतेग, चाहे दोई केतिंङ दुखी लहरी, हालांकि तुहई गिह्बी पछताप शुह्ते अपेहल गेह खंदेग कि दि केरे थोड़े टेमो थल्जी दुखी लहज़ी चरच़तो।

2 कुरिन्थियों 8:22

दंङ दि झुल्लाकु तंङ साते ञेंहच़ी अई इच्च़ा विशवासी न्वा चरच़ातंई। अपि ञेंहच़ी घड़ी-घड़ी परखेगी महस गप्पारिंङ खुश खोकशातंई; पर हेंतेग केहतु टोईच़ी दोऊ महस विशवास तोह, झांह लेह दू ऊई ला महस खुश तोह।

गलातियों 5:10

पर गेह परमेश्वरो टोहकठे भरोसा लहज़ातोग कि दोई केतिंङ ऊई मीहतु हप्सी शिक्षा ओ टोईच़ी विशवास लहज़िमी दोरच़ी बचाके च़रपोतो। बल्कि केरे गिऊ शिक्षाओ भाषे लोहनि। छना कुचे अंऊ केहतु थल्जी परेशानी पैदा लहज़ा दू अरिला छारिंङ माह शोतो, परमेश्वरो दोरच़ी सज़ा खोकपोतो।

2 थिस्सलुनीकियों 3:4

दंङ ञेंतिंङ प्रभुरिंङ केहतु टोहकठे भरोसा तोह, कि अंऊ-अंऊ आज्ञा ञेंहच़ी केतिंङ रंड्रातंई, दोतिंङ केहच़ी मनेक्च़ातंई, दंङ मनेक्च़ा ला लोहनि।

फिलेमोंन 1:21

गेह कनु आज्ञाकारी शुहबिमी भरोसा तहच़ि ते, कनिंङ चेहच़ातग, दंङ दि ञेंच़ातग, कि छिल्ला धिर गेह कुट्रतग केई दोबि लाह बढ़ के लोहन।