2 कुरिन्थियों 2:16 - लाहौली बाइबिल

¹⁶ पर दोतु थल्जी अंऊ विनाशो अमरिंङ तोतोर, दोरे सिमी झांह ठ्रोह झखंजी बासो ठ्रोह तोतोर अंऊ दोतिंङ मौतो हखा रैंज़ा शिलज़ा; पर दोतु थल्जी अंऊ उद्धारो अमरिंङ तुंखा शवाहतोर, दि जीवनो झांह ठ्रोह रूठे बास तोह अंऊ जीवनो हखा रैंज़ा शिलज़ा। हेले रिंङ, अरिला एनोह दोरच़ी दिऊ जोगे माह अंऊ मसीहू ज्ञानो रूठे बास फैलाके तरपोतो।

2 कुरिन्थियों 2:16 Iomraidhean Croise

लूको 2:34

दंङ शमौने दोतिंङ आशीष रेह, दोऊ याह मरियम रंङ साते कुतोह, “खंणु, दिह ता इस्राएल शहरंङ महस मीहतु उद्धार ए नाश शुहबिमी बजह शोतो, दंङ दिह इच्च़ा चेतावनीऊ निशानी ठ्रोह शोतो, अतु खिलाप मीहरेर गप्पा लोहर।

यहून्नो 9:39

दंङ यीशु ज़ि कुंई, “गेह दिह संसारारंङ मीहतु न्याय लहज़िमी थल्जी अंज़े शुगाह। दंङ गेह दिऊ थल्जी अंज़े शुगाह कि कांणे दोरे खमोर दंङ दुह मीहतिंङ कंड्रिमी थल्जी अच़ि चेहच़ातोर कि दोरे खंड्रातोर पर दोरे कांणे तोतोर।”

1 कुरिन्थियों 15:10

पर अगर तोग गेह प्रेरित शुगाह दंङ दुह परमेश्वरो मोह्ड़े दाह शुह। दंङ दोऊ मोह्ड़े दाह अंऊ गिऊ टोईच़ी शुई, दुह शुह्के माह शुई पर गेह ऊई अरिला प्रेरित बे महस मेहनत ला लहरिगा ता दि गिऊ दोरच़ी मशत पर परमेश्वरो मोह्ड़े दाह गिऊ दोरच़ी कम लहज़ाते।

2 कुरिन्थियों 12:11

गेह मुर्ख बणेंके इलिग, पर दि केरे ए शुई अच़ि गिह्बी झांह लहच़िमी थल्जी मज़बूर लहरिन। केतिंङ ता गिऊ षटणा लहज़ी जूंशी तोहई, छना कुचे अगर गेह छोह् ला जोगे माह तोग, तांला गेह दोतंङ बे छल्ले धिरा रिंङ कम माह तोग, अंऊ झांह ठ्रोह कंड्रातोर कि दोरे भत्ते प्रेरित बे मोह्ड़े तोतोर।