2 कुरिन्थियों 2:12 - लाहौली बाइबिल

¹² अपेहल गेह त्रोआस शहरा रिंङ मसीहू रूठे खबरो प्रचार लहज़ी अति, दंङ दोहर परमेश्वरे गिह्बी रूठे खबर प्रचार लहज़िमी मोह्ड़े मोका प्रदान लहरी।

2 कुरिन्थियों 2:12 Iomraidhean Croise

प्रेरित 14:27

अन्ताकिया शहरंङ पिचे, दोच़ी कलीसिया ओ मीहरे ठ्रोहका लहरिर दंङ कुईर, कि परमेश्वरे ञेंतंङ साते शुहचे छना मोह्ड़े-मोह्ड़े कम लहरी! दंङ छना परमेश्वरे ऊईजाति ऊ मीहतिंङ यीशु मसीहू टोहकठे बिशवास लहज़िमी जोगे लहरी।

प्रेरित 16:11

दिऊ थल्जी त्रोआसो बंदरगाहो थल्जी ञेंरे इच्च़ा जहाज़ो टोईच़ी अच़ा इलांई दंङ सुमत्राके टापू इलांई दंङ दोर्तिंङ पूरा राता रिंङ बंङज़ा इलांई, दंङ ऊईरग बंदरगाह नियापुलिस शहर इबिमी थल्जी जहाज़ो टोईच़ी बंङज़िनि।

प्रेरित 16:8

दंङ दोरे मुसिया प्रदेशो दोरच़ी जोज़ा त्रोआस बंदरगाह पिचे इलिर।

प्रेरित 20:8

अंऊ अटारीरिंङ ञेंहरे ठ्रोहका तोहनि, दोर्तिंङ महसे छंङी तुपसी तोईरे।

रोमियो 1:1

गेह पोलुस दि डाक च़ेहसी लेहकी तोतोग, अंऊ यीशु मसीहू परगर शुगाह, परमेश्वरे गेह प्रेरित शुहबिमी थल्जी अंङषी शुगाह, दंङ परमेश्वरो तरफे दुह रूठे खबरो प्रचार लहज़िमी थल्जी शत्‌ह लेह च़रति।

1 कुरिन्थियों 16:9

छना कुचे हेंतेग ला देर महस मीहरे तोतोर अंऊ परमेश्वरो बचन रेड्री तातोर, दंङ गिऊ देहर बंङज़ी महस फायदा तोह। हालांकि देर परमेश्वरो महस विरोधी ला तोतोर।

1 कुरिन्थियों 9:12

छना कुचे केरे ऊई मीहतु ढबाहो मदत लहज़ातंई (ज़ेइमी तुंङमी बि), अंऊ केहतु बिचंङ प्रचार लहज़ातोर, दंङ बरनबास ए दंङ गेह दिऊ लायक ऊई ला महस तोह छना कुचे ञेंरे केहतु थल्जी प्रेरित तोंई। हालांकि, ञेंहतु बिचंङ अच़िला दि गप्पो टोईच़ी जोर माह रेंईरे कि केरे ञेंहतिंङ दू चीज़ारे रांई अंऊ ञेंतिंङ केहतु दोरच़ी जुन्ज़ातंई, दिऊ वहज़ा, हेनर छिल्ला सहन लहज़िमी तेयार तोईनी ताकि ञेंरे मसीहू पाहठी रूठे खबरो टोईच़ी विशवास लहज़िमी अतिंङ ला रोकेक्च़ी मरपोंई।

1 कुरिन्थियों 9:14

दि रीतिरंङ प्रभु ज़ि ला हुकुम रांहषी ततो कि अंऊ मीहरे रूठे खबरो प्रचार लहज़ातोर दोतु खर्चा ला दू ए मीहतु दोरच़ी खोकसी जूंस अंऊ दोच़ी रूठे खबर रेड्रातोर।

1 कुरिन्थियों 9:16

अगर गेह रूठे खबर सुनाएच़ातग, दंङ दिरंङ गिह्बी घमण्ड लहज़िमी छल्ले वहज़ा माह; छना कुचे दि ता गिह्बी रांहषी ज़िम्मेवारी शुह; दंङ अगर गेह रूठे खबरो प्रचार माह लहज़ातग दंङ दि गिऊ थल्जी अंयों मदम शोतो।

2 कुरिन्थियों 10:14

छना कुचे ञेंरे दोऊ सीमा बे धहकते हेंदिंङ बड़ाएच़ी माह जुंज़ातंई, छना कि केहतु कछंङ पिपिमी मेह हालातरिंङ शवाह, पर केतिंङ मसीहू रूठे खबर सुनाएच़िमी थल्जी कुरिन्थुस शहर तचेक सफर लहज़ा ञेंरे मुण्डो मीहरे तोईनी।

2 कुरिन्थियों 11:4

अगर अरिया केहतु कछंङ अंज़े ते, ऊई अरिया यीशु प्रचार लोहतो, अतु प्रचार ञेंहच़ी माह लोहनि या ऊई छा आत्मा केतिंङ खोकसिरी; अंऊ तुहई खोकसी माह तोहई; या ऊई छा रूठे खबर अतिंङ केहच़ी तुहई मनेक्च़ी तातंई, केरे दू शिक्षा ग्रहण लहज़िमी थल्जी गलत तोतोंई।

2 कुरिन्थियों 11:7

गेह केहतु बिचंङ परमेश्वरो रूठे खबर मुफ्ता रिंङ प्रचार लहज़ा घेंङा बि नम्र लहरिगा ताकि केहतु आदर शुहबी जूंस। छि गेह झांह लहच़ी छा पाप लाहतगा।

2 कुरिन्थियों 4:3

अंऊ रूठे खबर हेंज़ी प्रचार लहज़ातंई अगर दू बयाके तोह, दंङ दि नाश शुहच़ा दोतु दोरच़ी ए बयाके तोह।

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

2 कुरिन्थियों 8:18

दंङ ञेंहच़ी दोरंङ साते दू विशवासी न्वा ला च़रतिन, अतु मिन रूठे खबरो प्रचारो पाहठी भत्ते कलीसिया ओ विशवासी तु बिचंङ फेलेके तोह।

2 कुरिन्थियों 9:13

छना कुचे ऊईतु मदत लहज़िमी थल्जी ढबाह रंड्रीमी सेवा दि साबित लोहतो कि केरे सच्चा शुई। महस मीहरे परमेश्वरो महिमा प्रगट लहज़ातोर, कि अपेहल केहच़ी कुट्रातंई कि रूठे खबर हेले तोहई दंङ केरे दिबी मनेक्पोंई दंङ केहच़ी केनाच़ि केनातु शब्दा तु भाषे लहज़ातंई। दंङ गरीब विशवासी तु ए भत्ते तु मदत लहज़िमी उदारता प्रगट लोहवा लाहतंई।

कुलुस्सियों 4:3

दंङ दिरंङ साते ए ञेंहतु थल्जी प्रार्थना लोहवा लंहि कि परमेश्वर हेंदु थल्जी प्रचार लहज़िमी मोका रमतो, कि हेनरे मसीहऊ दुह भेदो पाहठी समझाके तरपोंई, अतु वहज़ा ज़ि गेह कैदारिंङ तोतोग,

1 थिस्सलुनीकियों 3:2

दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।