2 कुरिन्थियों 2:11 - लाहौली बाइबिल

¹¹ ताकि शेतान हेंदु हालातो फायदा उठाएच़ी माह जूंस; छना कुचे हेनर दोऊ मदम योजना रूठे रंङ ञेंहच़ातंई।

2 कुरिन्थियों 2:11 Iomraidhean Croise

मत्ती 4:10

दंङ यीशुज़ि दोबि कुहते, “ए शेतान, दोखा अच्च़ा इला, छना कुचे पवित्र शास्त्रा रिंङ च़ेहसी तोह: केई प्रभु केनोह परमेश्वर बि फ्यग लोहू, दंङ दोऊ ए अराधना लोहू।”

लूको 22:31

शमौन, “हे शमौन, शेताने परमेश्वरो दोरच़ी केतिंङ भत्ते तिंङ परखेक्च़िमी आज्ञा लेहपच़ी ततो कि रुठे तिंङ मदमो दोरच़ी शता लोहतो, छना इच्च़ा ज़िमदारे छ्वा बि भूसो दोरच़ी शता लेह चरच़ि।

यहून्नो 13:2

यीशु ए दोऊ चेलार यग ज़ेह लेहकी तोईरे। शेताने तुहई ए यीशु बि धोखा रंड्रीमी थल्जी शमौन ओ योह यहूदा इस्करियोति ओ सेहमंङ दिह हति, कि यीशु बि च़ुमज़ि लोह।

प्रेरित 1:25

ताकि दि सेवा ओ कमारिंङ कम ए प्रेरित ओ ठहरि लेह्पोतो, अंऊ सेवकाई केट्रा यहूदा हेंदु दोरच़ी ऊईतार अच्च़ा इलि। अंऊर दोबि शुहबी जुंशी तोहई।

1 कुरिन्थियों 7:5

केरे इदि-अई दिरंङ साते शत्‌ह था बंङज़ुंई; पर सिर्फ रें टेम तचेक केनातु बिचंङ सहमति रंङ साते प्रार्थना लहज़िमी थल्जी, दंङ यह्च़ा मेच़ा ए गगसो ठ्रोह केरे यह्च़ा इच्च़ा साते बंङज़ुंई; झांह शुहबी मेस कि केरे केनातु हिटी काबू लहज़ी मरछ़ी रंङ, शेताने मदम जीवन श्रींङमी थल्जी केहतु परीक्षा लोहतो।

2 कुरिन्थियों 11:14

दंङ दि हेरानी ओ गप्पा माह छना कुचे शेतान ऐनाह ला परमेश्वरो महिमा ओ इच्च़ा स्वर्गदूत शुहबिमी दिखावा लहज़ा।

2 कुरिन्थियों 11:3

पर गिह्बी हमेशा दि बेह्द लेहकी बंङज़ा कि शेतान केहतु सेहम मसीहू थल्जी केहतु निष्कपट, पवित्रता रंङ साते शत्‌ह लहज़ी माह जूंस, छना शेताने ओमड्रो रूपारिंङ हव्वा बि एनोह चालाकी रंङ साते बहकाएकि च़रते।

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

2 तीमुथियुस 2:25

हेंदिंङ दुह मीहतिंङ नम्रतारंङ साते समझाएक्ची जूंशी तोह अंऊ दोच़ी विरोध लहज़ातोर, झांह शुहबी तरपोतो कि परमेश्वर ए दोतिंङ सच्चाई ञेंहच़ी ए दोऊ हखा किरच़िमी मौका रमतो।

1 पतरस 5:8

हमेशा खबरदार ए दंङ चेहके बंङज़ुंई, छना कुचे शेतान, केहतु विरोधी केहतु टोईच़ी हमला लहज़ी ततो ताकि केरे परमेश्वरो हुकुमो भाषे माह लोहनि। दुह फ्रक्शे ज़ज़ा ब्राघो ठ्रोह तोह, अंऊ तुंखा थलका खंड्रा कि अपि ज़ोओग।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।

प्रकाशित वाक्य 2:24

पर थुआतीरा शहरा रिंङ केरे ऊई मीहच़ी दुह हप्सी शिक्षा ओ भाषे माह लोहनि, केहच़ी दोरिंङ हिस्सा माह लेहपच़ातंई अंऊ दोऊ चेला “शेतानो डुह्गे गप्पा कुट्रातोर।” गेह करंङ साते कुट्रातग कि गेह केहतु टोईच़ी ऊई छल्ले खास हुकुम माह रमोग, सिवाय दिऊ कि अपेहल तचेक गेह अपोग माह धोंण तचेक गिऊ टोईच़ी पक्‍का रंङ साते विशवास लहज़ी जारी तंही।