2 कुरिन्थियों 13:9 - लाहौली बाइबिल

⁹ अपेहल हेनर कमज़ोर तोतोंई, दंङ केरे विशवासरिंङ पक्‍का तोतोंई, दंङ ञेंरे खुश शवातंई, दंङ दि प्रार्थना ला लहज़ातंई, कि केरे विशवासरिंङ सिद्ध शुहचे योंई।

2 कुरिन्थियों 13:9 Iomraidhean Croise

रोमियो 15:2

हेंदु बिचंङज़ि हर इच्च़ा बि हेंदु साथी विशवासी ओ थल्जी कम लेह जूंशी तोह, अंऊ दोऊ थल्जी रूठे तोह दंङ दोबि खुश लोहतो ए दोबि विशवासा रिंङ पक्‍का लोहतो।

1 कुरिन्थियों 1:10

हे गिऊ प्यारे साथी विशवासी रे, गेह केतंङ साते हेंदु प्रभु यीशु मसीहू मिंदंङ साते दि बिनती लहज़ातग, केरे भत्तेर इदि-अई दिरंङ साते सहमत शुहबी जूंस दंङ केहतु बिचंङ फूट इबि मेस पर केरे इच्च़ा ठ्रोह विचार तहज़िमी दोरच़ी दंङ इच्च़ा मकसद रंङ साते इदि-अई दिरंङ साते मिलेकी बंङज़ुंई।

1 कुरिन्थियों 2:3

दंङ गेह कमज़ोरी ए बेह्दरंङ साते, दंङ महसे डगेकी ते केतंङ साते बंङज़िरी।

1 कुरिन्थियों 4:10

मीहरे हेंदिंङ मुर्ख चेहच़ातोर, छना कुचे हेनर मसीहू पाहठी प्रचार लहज़ातंई, पर गलती रंङ साते केहच़ी सोचेक्च़ातंई कि केरे महस बुद्धिमान विशवासी शुई! महसे मीहरे सोचेक्च़ातोर कि ञेंहतु कछंङ छल्ले अधिकार माह। केहतु कछंङ परमेश्वरो शाक्ति तोह। मीहच़ी ञेंहतु आदर माह लहज़ातोर पर दोरे केहतु आदर लहज़ातोर।

2 कुरिन्थियों 11:30

अगर घमण्ड लहज़ी ज़रूरी तोह, ता गेह घेंङौ कमज़ोर गप्पो टोईच़ी घमण्ड लोहग।

2 कुरिन्थियों 13:11

झांह लेह हे गिऊ विशवासी न्वा रे, गेह दि शब्दा रंङ साते डाक बन्द लहज़ातग; सिद्ध शुहचे इलांई; इदि-अईदि बि उत्साहित लंहि; इच्च़ा ए सेहम तंही; केनातु बिचंङ मेल-मिलापा रंङ साते बंङज़ुंई, दंङ दाह ए शांति ओ दाता परमेश्वरे केतंङ साते शोतो।

2 कुरिन्थियों 13:4

हेले रिंङ दोरे कमज़ोरी ओ हालातो वहज़ा ज़ि क्रूसो टोईच़ी चढ़ाइगी ता केहरिर, तांला परमेश्वरो सामर्थ रंङ साते श्रींङे तोह, हेनर ला फुका रूपारिंङ ध्वांए कमज़ोर तोतोंई; पर परमेश्वरो सामर्थ रंङ साते केतंङ साते व्यवहार लहज़िमी थल्जी दोरंङ साते श्रींङी बंङज़ोंई।

2 कुरिन्थियों 4:12

दंङ दिऊ मतलब दि तोह कि हेनर लगातार मौतो सामना लहज़ी लेहकी तोतोंई पर दिऊ नतीज़ा दि तोह कि केतिंङ अनंत जीवन खोकसा तोह।

2 कुरिन्थियों 7:1

हे गिऊ प्यारे साथी विशवासी रे, अपेहल परमेश्वरे हेंदंङ साते वाईदा लोहतो, दंङ अतंई हेनर फुक ए सेहमो भत्ते पाहठी बुराई दोरच़ी हेंदिंङ शत्‌ह तोहनि, दंङ परमेश्वरो बेह्द चेहके हेंदिंङ भत्ते रिति रंङ पवित्र जीवन श्रींङमी कोशिश लंहि।

कुलुस्सियों 1:28

ञेंरे मसीहू पाहठी प्रचार लहज़ा हर इच्च़ा मीहबी परमेश्वरो दोरच़ी रांहषी बुद्धि रंङ साते शिक्षा रंड्रा हिद दिलाएच़ा तंई ताकि हर इच्च़ा मसीह रिंङ सिद्ध विशवासी शुहबी जूंस अपेहल दोरे परमेश्वरो तुईज़ी खड़े शवाहतोर।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

1 थिस्सलुनीकियों 3:10

ञेंरे लगातार महस प्रार्थना लोहवा लहज़ातंई, कि केतंङ साते यह्च़ा दोई तरपोंई, अंऊ ज़रूरी तोह दू केतिंङ सिखाके तरपोंई, ताकि केरे भत्ते रिति रंङ साते प्रभु यीशु मसीहू टोहकठे विशवास लेह तरपोंई।

2 तीमुथियुस 3:17

ताकि परमेश्वरो मीह सिद्ध बड़ेक्पोतो, दंङ हर इच्च़ा रूठे कमो थल्जी तेयार ए काबिल शुहचे बंङज़ोतो।

इब्रानियों 12:23

केरे परमेश्वरो जेठे दोतु सभा रिंङ अंज़े शुई, अंऊ दोतु मिन स्वर्गारिंङ च़ेहसी तोह। केरे केनर परमेश्वरो कछंङ अंज़े शुई, अंऊ भत्ते मीहतु न्याय लहज़ा। केरे स्वर्गंङ धर्मी मीहतु आत्माओ कछंङ अच़ा अंज़े तोतोंई अंऊ दोतिंङ हेंतेग सिद्ध बणाके केहषी तोह।

इब्रानियों 6:1

झांह लेह हेंज़ी अंऊ भत्ते बे तुहई मसीहू पाहठी सिखेक्तेंई दू ए मुयांदो शिक्षा दोहरगी माह तोहनि; झांह लेह अतंई हेनर दू मुयांदी शिक्षा बे तुंखा शुहचे शिक्षा ओ पाहठी विचार लोहनि। हेंदिंङ यह्च़ा दि गप्पा शुरू लहज़िमी ज़रूरत माह, कि हेंदु मदम कमो दोरच़ी पश्चाताप छना लहज़ी जूंशी तोह, दंङ परमेश्वरो टोईच़ी छना विशवास लहज़ी जूंशी तोह।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।