2 कुरिन्थियों 13:5 - लाहौली बाइबिल

⁵ केनातिंङ परखेक्तुंई, कि विशवासा रिंङ तोतोंई आ माह तोंई; केनातिंङ परखेक्तुंई, दि खंड्रिमी थल्जी कि छि केहतु विशवास सच्चा तोह आ माह, दंङ यीशु मसीह केहतु अंदरेग तोह आ माह? माह ता केरे निकम्मा हुंच़ा इलांई।

2 कुरिन्थियों 13:5 Iomraidhean Croise

1 कुरिन्थियों 11:28

झांह लेह मीह एनोह जांच लेह च़रतु छि दोऊ एनोह विचार सही तोह दंङ दि रोटी ऊ दोरच़ी ज़ैंई, दंङ दि कोली ओ दोरच़ी रस तुंङरेंई।

1 कुरिन्थियों 9:27

गेह घेंङौ फुका बि काबू लहज़ातग ताकि गेह घेंङौ मदम हिटी काबू लेह तरपोग, कि झांह शुहबी मेस कि अंऊ गेह ऊईतंङ रूठे खबरो प्रचार लहज़ातग, गेह घेंङौ इनाम माह खोकपोग।

प्रकाशित वाक्य 2:5

झांह लेह हिद लोह कि द्हपिमी बे तुहई काह अंऊर तोईन। कनिंङ पाप लेह बंद लहज़ी जूंशी तोह दंङ केनोह जीवन ध्वांए ठ्रोह श्रींङमी जूंशी तोह छना काह गिऊ टोईच़ी विशवास लहज़िमी तुहईबे श्रींङमातेंई। दंङ अगर काह सेहम माह किर्ज़ोंन दंङ गेह कनु कछंङ अपोग दंङ अंऊर कांह दिवट केहषी तोह दोबि दोरच़ी ऐखा लहज़ी ते कनिंङ सज़ा रमोग।

गलातियों 6:4

पर हर इच्च़ा मीह एनोह कम खमतो छि दू रूठे तोह आ, दंङ दू एनोह कमरिंङ घमण्ड लेह तरपोतो। पर दोबि एनोह कमो बराबरी ऊई मीहतंङ साते लेह माह जूंस।

इब्रानियों 12:15

खबरदार बंङज़ुंई, झांह शुहबी मेस कि अरिला मीह परमेश्वरो मोह्ड़े दाह मेह केहषा योतो। दंङ ध्यान रांई कि अंऊला मीहबी अविशवासारिंङ कडगी ब्रन्ज़ ठ्रोह बणेक्पी थारांई अंऊ दोऊ ज़हर रंङ साते महस परेशानी वहज़ा बणेंके यवाह, अंऊ दोरच़ी दू मीह परमेश्वरो दोरच़ी शत्‌ह शुहचे योतो।

1 कुरिन्थियों 11:31

झांह लेह तुहई हेनर हेंदु व्यवहारो जांच लेह तरपोंई, दंङ परमेश्वर हेंदिंङ सज़ा माह रमतो।

तीतुस 1:16

दोरे हप्सी शिक्षा रंड्रा कुट्रातोरे कि हेनर परमेश्वरा बि ञेंच़ातंई, पर दोतु कम दिबी गलत सबित लहच़ी केट्रा। छना कुचे दोरे महस झखंजी (घिनौने) ए हुकुम माह मनेक्च़ा तोतोर, दंङ दोरे अंऊ ला रूठे कम लहज़िमी जोगे माह तोहर।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

यहून्नो 14:23

यीशु ज़ि दोबि जुबाब रेंई, “गेह घेंङा बि झांह ठ्रोह मीहतिंङ कमोग अच़ि गेरंङ साते दाह लहज़ातोर दंङ अच़ि गिऊ शिक्षा ओ भाषे लहज़ातोर। दुह गिऊ पिता परमेश्वरो प्यारे मीह शोतो दंङ हेनर दोऊ कछंङ अंज़े दोरंङ साते बंङज़ोई।”

रोमियो 8:10

एंतेग दिऊ थल्जी कि केहतु अंदरेग मसीह वास लहज़ा, पापो थल्जी फुको सिला धर्मिकताओ वहज़ा ज़ि केहतु आत्मा श्रींङे तोह।

इब्रानियों 4:1

झांह लेह, अपेहल नहच़िमी ठाहरीरिंङ इबिमी वाईदा हेंतेग ला तोह, दंङ हेंदिंङ महस खबरदार बंङज़ी जूंशी तोह; कि केहतु बिचंङ अतिंङ ला दू नह्च़िमी ठाहरीरिंङ इबिमी मौका केट्री माह जूंस।

1 कुरिन्थियों 9:24

छना कि ज़रका ता भत्ते ज़ि रंड्री, पर इनाम इदि ए रेंज़ा शिलज़ी? केरे ध्वांए ए ज़रका रांही, कि केरे द्रक्शे योंई।

1 कुरिन्थियों 3:16

केतिंङ पक्‍का पता तोह, कि केरे परमेश्वरो मन्दिर शुई, दंङ परमेश्वरो रांहषी आत्मा केहतु अंदरेग बास लहज़ा।

यहून्नो 15:4

केहरे गेरंङ बणेंकी तोईन, दंङ गेह केतंङ छना डाड़ी अगर ब्रन्ज़ारिंङ साते माह शोतो ता ऐनाह ए फल माह रंड्री, ध्वांए ठ्रोह, केहरे ला छले रुठे लेह मरपोंन अगर केहरे गेरंङ बणेंक माह बंङज़ोन ता।

तीतुस 2:2

कलीसिया ओ सेंहणा बि एनोह टोहकठे काबू लहच़ी जूंशी तोह, दंङ झांह ठ्रोह व्यवहार लेह जूंशी तोह ताकि मीहच़ी दोऊ आदर लोहर, दंङ समझदार शुहबी जूंस। दोतिंङ परमेश्वरो टोहकठे पक्‍का रंङ विशवास लेह जूंशी तोह, दंङ ऊई मीहतंङ साते सच्चाई रंङ साते दाह लेह जूंशी तोह दंङ सहन लहज़ार शुहबी जूंस।

इफिसियों 3:17

दोऊ टोहकठे विशवासो लहज़िमी दोरच़ी मसीह केहतु अंदरेग हमेशा बसेकी बंङज़ोतो। दंङ गेह प्रार्थना लहज़ातग कि परमेश्वरो दाह रिंङ केरे पक्‍का शुचि,

यहून्नो 17:26

गेह कनिंङ दोतु टोईच़ी प्रगट लहतग दंङ लोहवा लोहग कि अंऊ दाह कनिंङ गेरंङ साते तोहई, कि दुह दोतंङ शुबी जूंस दंङ गेह दोतंङ बंङज़ोग।

यहून्नो 17:23

गेह दोतंङ दंङ कांह गेरंङ तोतोन कि दोरे पवित्र शुहचे इच्च़ा शुहबी जूंस, दंङ संसारो मीहरे ञेंहपोर कि केई ए गेह चरच़ि शुगाह, दंङ छना केई गेरंङ साते दाह लहरिन, ध्वांए दोतंङ साते ला लहरिन।

याकूब 4:4

हे विशवास घाती रे, छि केहच़ी दि माह ञेंच़ातंई आ कि संसार रंङ साते मित्रता लहच़ी परमेश्वरारंङ साते बैर लहज़ी शुह? झांह लेह अंऊ संसारो मित्रता रिंङ शोतो, दोई एनाबि परमेश्वरो बैरी बणाके चरच़तो।

कुलुस्सियों 2:7

दंङ दोरिंङ ए जड़ चुमज़ा ए तुंखा शुहवा लंहि; दंङ छना केतिंङ सिखासी तरेह ध्वांए विशवास रिंङ पक्‍का शुवाह लंहि, दंङ महसे धन्यवाद लोहवा लंहि।

कुलुस्सियों 1:27

छना कुचे परमेश्वरे जुंज़ाते कि दोऊ मीहच़ी दिह ञेंओर कि मसीहू टंगा ढबाह ए दोऊ महिमा केरे ऊईजाति तु थल्जी ला शुह। दंङ भेद दिह तोह कि: मसीह केहतु बिचंङ बंङज़ा। दि केतिंङ दोऊ महिमा रिंङ शामिल शुहबिमी उम्मीद रंड्रा।

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।

गलातियों 4:19

हे गिऊ प्यारे कटुरे, छना ठ्रोह इच्च़ा मेच़िमी लिहक्पिमी मुक्का टेहषी सहन लहज़ा, ध्वांए ठ्रोह गेह यह्च़ा अई इच्च़ा फेरा केहतु थल्जी टेहषी सहन लहज़ी लेहकी तोतोग। गेह दि टेहषीरिंङ दू मुक्का तचेक बंङज़ोग अपेहल तचेक केरे मसीह रिंङ पक्‍का शुहचे माह य्वातंई।

2 कुरिन्थियों 6:16

परमेश्वरो मन्दिरंङ मुर्तितु थल्जी छल्ले ठहरि माह। छना कुचे हेनर ता श्रींङे परमेश्वरो मन्दिर शुई; छना परमेश्वरे पवित्रशास्त्रा रिंङ च़ेहसी तोह, “गेह दि मीहतंङ साते बंङज़ोग दंङ दोतु बिचंङ ज़ोज़ा लोहग; दंङ गेह दोतु परमेश्वर शोहग, दंङ दोरे गिऊ मीहरे शोर।”

1 कुरिन्थियों 6:19

छि केहच़ी माह ञेंच़ातंई आ, कि केहतु फुक मन्दिर शुह अंऊर पवित्र आत्मा बंङज़ा, दंङ पवित्र आत्मा अंऊ केतिंङ परमेश्वरो तरफे खोकसा तोह, अंऊ केहतु अंदरेग बसेकी तोह, दंङ केरे परमेश्वरो शुई।

1 कुरिन्थियों 6:2

पक्‍का रूपारिंङ केहच़ी ञेंहच़ातंई कि भविष्य रिंङ परमेश्वरो मीहरे दि संसारारंङ मीहतु फेंसला लोहर। झांह लेह, अपेहल केतिंङ दि संसारो मीहतु फेंसला लहज़ी तोह दंङ केतिंङ कवचि-कवचि झगड़ा तु फेंसला लहज़िमी जोगे शुहबी जूंस।

यहून्नो 6:56

अच़ि गिऊ फुक ज़ोवा, दंङ गिऊ शुहई तुंङमा, दुह पक्‍का ए गेरंङ साते तोह दंङ गेह दोरंङ साते।

यहून्नो 6:6

पर यीशु ज़ि दिह गप्पा दोबि परखेक्च़िमी थल्जी कुंई; छना कुचे दोई ऐनाहे ञेंहच़ाते कि दोई छि लोहतो।

1 पतरस 5:9

केतिंङ केनातु पक्‍का विशवासा रंङ साते दोतु विरोध लेह जूंशी तोह। हिद तंही कि विशवासी अंऊ भत्‍ते संसारारिंङ तोतोर, ध्यांए ठ्रोह दुख सहन लहज़ा तोर छना केहच़ी सहन लहज़ातंई।

इब्रानियों 6:8

ऊई मीहरे ज़मीनो ठ्रोह तोतोर अंऊ छ्वक ए पोंड्रातंई, अंऊ दोतु छल्ले लस माह। दि परमेश्वरो दोरच़ी शापित शुहबिमी खतरा रिंङ तोतोर दंङ दि मेह रंङ साते योह्सा योतो।

1 कुरिन्थियों 6:15

छि केहच़ी माह ञेंच़ातंई आ कि केहतु फुक मसीहू अंङ शुह? छि इच्च़ा मीह एनोह फुक रेंज़ा, अंऊ मसीहू शुह, दंङ छि दिबी कुकम लहज़ार रंङ साते जोड़ेक्सी जूंस?

रोमियो 1:28

दंङ दोच़ी परमेश्वरा बि ञेंच़िमी कोशिश मलाहरिरे दंङ परमेश्वरे ला दोतिंङ दोतु निकम्मे सेहमो टोईच़ी छोड़ेके केहरी दोच़ी अनुचित कम लोहर।

तीतुस 1:13

दि मीहतु पाहठी दि गप्पा हेंतेग ला हेले तोह। झांह लेह दोतिंङ पक्‍का खबरदार लोहवा लोह, कि दोरे विशवासरिंङ पक्‍का शुहबी जूंस।

2 तीमुथियुस 3:8

दिरे हप्सी शिक्षा रंड्रा सच्चा खबरो विरोध लहज़ातोर, छना यन्नेस ए यम्ब्रेसे मूसा ओ विरोध लहज़ातेर, दितु बुद्धि भ्रष्ट शुहचे इलजी तोह, दंङ दोरे हेले रिंङ मसीहू टोहकठे विशवास माह लहज़ातोर।

1 तीमुथियुस 2:15

तांला मेच़िमीर अगर ज़हके ते विशवास, दाह ए पवित्रता रंङ साते पक्‍का शुहचे बंङज़ोर, दंङ परमेश्वर मेच़िमी बि कटु जेह्कपिमी दोरच़ी बचाके च़रपोतो।

कुलुस्सियों 2:19

दंङ दोरे मीहरे मसीह रंङ साते ठ्रोहका शुहचे माह बंङज़ा तोर अंऊ भत्ते फुको पुंज़ा शुह। छना पुंज़ा भत्ते फुक काबू लहज़ा ध्वांए यीशु मसीह एनोह मीहतिंङ चलाच़ा, ताकि दोरे एनातु बिचंङ ठ्रोहका शुहचे बंङज़ोर दंङ दोरे मसीह रिंङ बणेक्पा लोहर छना फुको भत्ते जोड़ ए नसर भत्ते फुका बि चुमज़ा बंङज़ा तोर दंङ परमेश्वरो दोरच़ी बणेक्पा तोर।