2 कुरिन्थियों 13:4 - लाहौली बाइबिल

⁴ हेले रिंङ दोरे कमज़ोरी ओ हालातो वहज़ा ज़ि क्रूसो टोईच़ी चढ़ाइगी ता केहरिर, तांला परमेश्वरो सामर्थ रंङ साते श्रींङे तोह, हेनर ला फुका रूपारिंङ ध्वांए कमज़ोर तोतोंई; पर परमेश्वरो सामर्थ रंङ साते केतंङ साते व्यवहार लहज़िमी थल्जी दोरंङ साते श्रींङी बंङज़ोंई।

2 कुरिन्थियों 13:4 Iomraidhean Croise

यहून्नो 10:18

अच़िला गिऊ जहानो गिऊ दोरच़ी खुल्जे मरपोर। दुह गेह घेंङौ हिटी रंङ रंड्री। गिह्बी दुह प्राण रड्रीमी ए यह्च़ा वापिस लेहप्च़िमी ला हक तोह। गिह्बी घेंङौ पिता परमेश्वरो दोरच़ी हुकुम खोकसी तोह।”

प्रेरित 2:36

दिऊ थल्जी इस्राएल देशो भत्ते मीहतिंङ दि ञेंई च़रतुंई कि परमेश्वरे दिह ए यीशु बि अतिंङ केहच़ी क्रूसो टोईच़ी चढ़ाएकातेंई, “प्रभु ला ठहराएति दंङ मसीह ला ठहराएति।”

प्रेरित 3:16

मसीहू मिंदंङ बिशवास लहज़िमी दोरच़ी दिह मीह बि अतिंङ केहच़ी खंड्रातंई ए ञेंहच़ातंई ताकत रांहषी ततो। दिह मीह यीशु ऊ मिंदंङ ए यीशु ऊ टोहकठे बिशवास लहज़िमी रंङ साते बिल्कुल अईन शुहचे इलि।

रोमियो 1:4

दंङ पवित्र आत्माओ शाक्ति रंङ साते दुह सिमी दोरच़ी श्रींङे इबिमी सामर्थ रंङ साते परमेश्वरो योह साबित शुहचे इलि। दुह यीशु मसीह हेंदु प्रभु शुह।

रोमियो 14:9

छना कुचे मसीह दिऊ थल्जी सिए इलि दंङ यह्च़ा श्रींङे लाह इलि कि दू सि ए श्रींङे झुल्लो प्रभु शोतो।

रोमियो 6:4

अपेहल हेंज़ी बपतिस्मा लेहपच़ी च़रतुंई दि झांह ठ्रोह तोहई छना हेनर यीशु रंङ साते सिए इलजी तोतोंई दंङ दोरंङ साते पथेक्सा इलांई, ताकि छना मसीह बाह परमेश्वरो महिमा ओ दोरच़ी सिमी दोरच़ी श्रींङमी लहरी, ध्वांए हेनर ला खरकोई जीवनो ठ्रोह चाल चलेपोंई।

1 कुरिन्थियों 1:25

छना कुचे अंऊ परमेश्वरो मुर्खता ठ्रोह च़ेहसा दू मीहू ज्ञान बेहच़ी ला महस ज्ञानवान तोह, दंङ अंऊ परमेश्वर कमज़ोर ठ्रोह च़ेहसा दू ला मीहतु बल बे महसे बलवान तोह।

1 कुरिन्थियों 15:43

अपेहल हेंदु फुक पथेक्च़तोर दुह मुक्का हेंदु फुक बेढंघा ए कमज़ोर शवाह। पर अपेहल दोरे यह्च़ा श्रींङे यवातोर, दंङ दोरे सलटे ए पक्‍का शवाहतोर।

1 कुरिन्थियों 2:3

दंङ गेह कमज़ोरी ए बेह्दरंङ साते, दंङ महसे डगेकी ते केतंङ साते बंङज़िरी।

1 कुरिन्थियों 6:14

दिऊ अलावा, हेंदु फुक ज़रूरी तोह, छना कुचे छना ठ्रोह प्रभु यीशु बि सिमी दोरच़ी श्रींङमी लहज़िमी थल्जी एनोह शाक्ति ओ इस्तेमाल लहरी, ध्वांए हेंदिंङ ला सिमी दोरच़ी श्रींङमी लोहतो।

2 कुरिन्थियों 10:10

छना कुचे रें मीहच़ी कुट्रातोर, “दोऊ डाकर ता गंभीर ए प्रभावशाली शवाहतोर; पर अपेहल दू एनेह अपत, दू मुक्का दोऊ फुक कमज़ोर तंङफा दंङ दोऊ गप्पा लहज़िमी शाक्ति ना ओ बराबर तोह।”

2 कुरिन्थियों 12:10

दिऊ थल्जी गेह मसीहू थल्जी कमज़ोरीरिंङ, दंङ निन्दा रिंङ, गरीबी रिंङ, बुराई रिंङ, मुसीबता रिंङ, खुश तोतोग; छना कुचे अंऊ मुक्का गेह कमज़ोर शवाहतग, दोहथर गेह मसीहू ताकतो दोरच़ी बलवन्त शुहचे यवातग।

2 कुरिन्थियों 13:9

अपेहल हेनर कमज़ोर तोतोंई, दंङ केरे विशवासरिंङ पक्‍का तोतोंई, दंङ ञेंरे खुश शवातंई, दंङ दि प्रार्थना ला लहज़ातंई, कि केरे विशवासरिंङ सिद्ध शुहचे योंई।

फिलिपियों 3:10

गेह दि जुंज़ातग कि मसीह बि ञेंए च़रपोग दोऊ सिमी दोरच़ी श्रींङे इबिमी सामर्थ महसूस लेह तरपोग दंङ लगातार दुख सहन लोहग छना दोई लाहतो, दंङ सिमी मुक्का दोऊ ठ्रोह बणेंके योग।

इब्रानियों 5:7

यीशु ज़ि दि धरती ऊ ज़िंदगी रिंङ अंऊ दोबि मौतो दोरच़ी बचाएके तरच़ाते, जोरे हाऊष रें मिक्ति बहाके, परमेश्वरो हखा प्रार्थना ए बिनती लहरी छना कुचे दुह नह्की ए समर्पित तोहई, परमेश्वरे दोऊ प्रार्थना रेड्रीरी।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।

1 पतरस 3:22

दंङ दुह स्वर्गो हखा अच़ा इलज़ा। हेंतेग दू दोर्तिंङ परमेश्वरो सुचंङ हासी भत्ते बे खास ठहरि बंङज़ा तोह, दंङ दू भत्ते स्वर्गदूत ए भत्ते अधिकारी दंङ शाक्ति तु टोईच़ी राज लहज़ा।