2 कुरिन्थियों 13:3 - लाहौली बाइबिल

³ छना कुचे केहच़ी दि सबूत जुंज़ातंई कि अंऊ दोई गिऊ दोरच़ी गप्पा लहज़ातोर, दू मसीह शुह दंङ दू केहतु पाहठी कमज़ोर माह पर केहतु बिचंङ सामर्थी तोह।

2 कुरिन्थियों 13:3 Iomraidhean Croise

मत्ती 10:20

छना कुंई साते ता कुट्रा दुह, केरे माह शुह दंङ पवित्र आत्मा शोतो।

लूको 21:15

छना कुचे गेह केतिंङ झांह ठ्रोह गप्पा ए समझ रमोर कि केहतु भत्ते बैरीर केहतु सामना लेह मरपोर।

1 कुरिन्थियों 7:40

पर अगर दोई यह्च़ा ब्याह माह लहज़ा दंङ गिऊ विचारारिंङ दि ऊई ला महसे रूठे तोह, दंङ गेह समझेक्च़ातग, कि अपेहल गेह केतंङ साते झांह कुट्रातग ता परमेश्वरो आत्माओ तरफे कुट्रातग।

2 कुरिन्थियों 10:1

गेह दू ए पोलुस शुगाह अंऊ केहतु तुईज़ी डरपोक तोतोग, पर थाह्को थले केहतु हखा याहब लहज़ातग; गेह केतंङ साते मसीहू नम्रता, दंङ नगी शुहचे निवेदन लहज़ातग।

2 कुरिन्थियों 10:4

छना कुचे ञेंरे झांह ठ्रोह हथियार तेंङज़ातंई अंऊ दू हथियार बे शत्‌ह तोह, अंऊ दि संसारो मीहरे इस्तेमाल लहज़ातोर। पर दोंङार दह्च़िमी थल्जी परमेश्वरो सामर्थ तोह।

2 कुरिन्थियों 12:12

सच्चा प्रेरिता तु लक्षण ला केहतु बिचंङ भत्ते पाहठी ओ धीरज़ रंङ साते निशानी, दंङ अद्धभुत कम, ए सामर्थो कमो दोरच़ी कंड्रिरी।

2 कुरिन्थियों 2:10

पर अतिंङ केहच़ी माफ लहज़ातंई, दोबि गेह ला माफ लहज़ातग, छना कुचे अपेहल गिह्बी माफ लहज़िमी ज़रूरत शवात, दंङ गेह घेंङौ फायदा ओ थल्जी मसीहू अधिकारा रंङ साते झांह लहज़ातग।

2 कुरिन्थियों 2:6

झांह ठ्रोह मीहबी केहतु बिचंङ ज़ि महसे विशवासी ज़ि सज़ा रैंइर, दू ए झोबड़ी शुह।

2 कुरिन्थियों 9:8

परमेश्वरो भत्ते धिरो मोह्ड़े दाह केतिंङ केहतु ज़रूरत बे महस रें तरपोतो। अंऊ दोरच़ी भत्ते गप्पा रिंङ ए भत्ते टेमारिंङ, भत्ते धिर, अंऊ केतिंङ जूंशी तोह केहतु कछंङ बंङज़ोतो, ताकि केहतु कछंङ रूठे कम लहज़िमी थल्जी ज़रूरत बे महस शोतो।