2 कुरिन्थियों 12:2 - लाहौली बाइबिल

² गेह इच्च़ा झांह ठ्रोह मीहबी, अंऊ मसीहू विशवासी तोह, ञेंएगा सपि साल तुहई दि मीह षुमु स्वर्ग तचेक रैंज़ा शिली फुका रंङ साते या फुक मेह, गिह्बी पता माह दि परमेश्वरे ए ञेंहच़ा।

2 कुरिन्थियों 12:2 Iomraidhean Croise

लूको 24:51

दंङ दोतिंङ आशीष रेंऐ यीशु दोतंङ शत्‌ह शुहचे इलि दंङ स्वर्गो हखा रेंज़ा शीलिरे।

यहून्नो 6:56

अच़ि गिऊ फुक ज़ोवा, दंङ गिऊ शुहई तुंङमा, दुह पक्‍का ए गेरंङ साते तोह दंङ गेह दोरंङ साते।

प्रेरित 14:6

अपेहल प्रेरिता तिंङ दि पता लेहती, दंङ दोरे लुस्त्रा दंङ दिरबे शहरो हखा पोक्शे इलिर, दंङ लुकाऊनिया प्रदेशो देखी-न्वेखी शहरो हखा,

प्रेरित 22:17

“थोड़े ध्याड़ो थल गेह यरूशलेमंङ शहर यह्च़ा अतिगा। इच्च़ा ध्याड़ा अपेहल गेह यहुदी मंदिरंङ प्रार्थना लहज़ी लेह्की तोईगा, दंङ गेह इच्च़ा दर्शन खंणीगा।

रोमियो 16:10

अपिल्लेस बि परखेक्च़िमी थल ला अतु विशवास मसीहरिंङ लगातार बणेंके इलि, दोबि गिऊ नमस्कार। अरिस्तुबुलुस ए दोऊ टबरातिंङ गिऊ नमस्कार।

रोमियो 16:3

रिंङ प्रिस्किल्ला ए दोऊ गगसा अक्किला अंऊ यीशु मसीह रिंङ गिऊ साथी तोतोर, दोतिंङ गिऊ नमस्कार।

रोमियो 16:7

न्वा अन्द्रुनीकुस ए रिंङ यूनियासा बि छना गेह यहुदी तोतोग, ध्वांए दोरे ला तोतोर, दंङ गेरंङ साते जेलारिंङ तोईरे, दंङ प्रेरित दोतिंङ रूठे रंङ ञेंहच़ातोर, दंङ गिहबे ला तुहई मसीहू शिष्य बणेक्तिर दोतिंङ ला गिऊ नमस्कार।

रोमियो 16:9

उरबानुसा बि, अंऊ मसीहरिंङ गिऊ साथी तोह, दंङ गिऊ प्यारे इस्तखुसबि ला गिऊ नमस्कार।

रोमियो 8:1

झांह लेह, एंतेग अंऊ यीशु मसीह रिंङ तोतोर, दोतु टोईच़ी सज़ाओ हुकुम माह। (छना कुचे दोरे फुको हिसाबे माह पर आत्माओ हिसाबे जोज़ातोर।)

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

2 कुरिन्थियों 11:11

गेह केहतु ढबाह छिल्ले माह लेहपच़ातग? छि गेह दि दिऊ थल्जी लहरिगा छना कुचे गेह केतंङ साते दाह माह लहज़ातग? परमेश्वरे दि ञेंहच़ा कि गेह केतंङ साते दाह लहज़ातग।

2 कुरिन्थियों 13:5

केनातिंङ परखेक्तुंई, कि विशवासा रिंङ तोतोंई आ माह तोंई; केनातिंङ परखेक्तुंई, दि खंड्रिमी थल्जी कि छि केहतु विशवास सच्चा तोह आ माह, दंङ यीशु मसीह केहतु अंदरेग तोह आ माह? माह ता केरे निकम्मा हुंच़ा इलांई।

2 कुरिन्थियों 5:17

झांह लेह अगर अरिया मसीहू टोहकठे विशवास लहज़ा ता दंङ दोई इच्च़ा खरकोई स्वाभाव खोक्शातो, युई गप्पा बीतेगी इलजी तोह दंङ हेंतेग खरकोई गप्पा अच़ा अंज़े तोह।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

गलातियों 1:22

पर दू मुक्का यहुदिया प्रदेशो कलीसिया, अंऊ मसीह रिंङ तोईरे, दोरे गेरंङ साते दोइरे माह।

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

इफिसियों 4:10

मसीह अंऊ योंखा अति, दू, दुह ए शुह अंऊ सर्ग बेहच़ी ला खेका इलि, ताकि दू भत्ते ठाहरिरिंङ शुहबी जूंस।

1 थिस्सलुनीकियों 4:17

दोऊ थल अंऊ श्रींङे ए बचेकी तोतोर, दोतंङ साते डुह रिंङ अच़ा योंई कि स्वर्गारिंङ प्रभु यीशुरंङ साते दोओनि, दंङ दुह मुक्का बे हेनर हमेशा प्रभु रंङ साते बंङज़ोंई।

इब्रानियों 4:14

यीशु अंऊ स्वर्गो हखा इलज़ा, दू परमेश्वरो योह शुह। दू हेंदु भत्ते तु यहुदी महापुरोहित शुह। झांह लेह अतंई हेनर दू विशवासा बि छोड़ेके पक्‍का रंङ साते बंङज़ोंई अपि हेंज़ी भत्ते तु तुईज़ी स्वीकार लाहतंई।

इब्रानियों 9:24

दोऊ वहज़ा ज़ि, मसीह दू पवित्र ठहरि मेहलि अतिंङ मीहच़ी बणाषी शुह, अंऊ कि परमपवित्र ठहरि ओ सिर्फ इच्च़ा नमूना तोह। पर दू स्वर्गंङ इलि अंऊर दू हेंदु फायदा ओ थल्जी परमेश्वरो तुईज़ी हाज़िर शुहबी तरपोतो।

प्रकाशित वाक्य 1:10

गिह्बी आरामो ध्याड़ारिंङ अईतवारे अंऊ परमेश्वरो ध्याड़ा तोह गेह परमेश्वरो आत्मा च़ि एनोह वशारिंङ लहरी, दंङ गेह घेंङौ थल्जी ऊईतिंङ दि कुट्री रेड्रीगा, अंऊ सुरमेऊ ठ्रोह जोरे संङा सगरंङ साते दि कुट्राते,

प्रकाशित वाक्य 12:5

दंङ दोहथर दोई इच्च़ा योह बि जन्म रांई पर दोबि अजगर ए ज़ेई मरति छना कुचे दोबि ध्वांए खुल्जे च़रति दंङ परमेश्वर ए दोऊ सिंहासनो कछंङ रैंज़ा हति। दुह गंङकटु इच्च़ा नीह्लामो डंडा रंङ साते मतलब भत्ते अधिकारंङ साते भत्ते जाति मीहतु टोईच़ी राज लोहतो।

प्रकाशित वाक्य 4:2

ध्वांए परमेश्वरो आत्माज़ि गिह्बी एनोह वशारिंङ लेह च़रति; दंङ “गेह स्वर्गा रिंङ इच्च़ा सिंहासन ए सिंहासनो टोईच़ी अरिया बंङज़ी तंङरिगा।”