2 कुरिन्थियों 12:1 - लाहौली बाइबिल

¹ हालांकि घमण्ड लहज़ी गिऊ थल्जी ठीक माह, तांला लेह लेहपा; पर गेह प्रभु रांहषी दर्शन ए प्रकाशनो चर्चा लोहग।

2 कुरिन्थियों 12:1 Iomraidhean Croise

यहून्नो 16:7

तांला गेह केतंङ साते हेले कुट्रातग, कि गिऊ इबि केहतु थल्जी रुठे तोह, छना कुचे अगर गेह य्वातग माह, ता दुह मदतगार केहतु कछंङ माह अपतो, पर अगर गेह योग, ता दोबि केहतु कछंङ च़रपोग।

यहून्नो 18:14

दीह दुह ए काईफा तोहई, अच़ि यहुदी मीहतिंङ सलाह रंदे कि ञेंहतु थल्जी इच्च़ा मीहू सी रुठे शुह।

प्रेरित 18:9

दंङ प्रभु ज़ि इच्च़ा रातारिंङ दर्शन रेह पोलुस ओ हखा कुई, थाह बेऊ, पर कुडू दंङ चुपे था बंङज़ु।

प्रेरित 23:11

दू ए रातारिंङ प्रभु यीशु ज़ि पोलुस कछंङ खड़े शुहचे कुई, “हे पोलुस, याहऊ तौऊ; छना कुचे, छना ठ्रोह केई यरूशलेम शहरंङ गिऊ गवाही रांहषी तातन, ध्वांए कनिंङ रोम शहरारिंङ ला गवाही रंड्री लेह्पोतो।”

1 कुरिन्थियों 10:23

हेनर छिल्ला लहज़िमी थल्जी तेयार आज़ाद तोतोंई। वोई, पर हेंदु थल्जी भत्ते धिर रूठे माह। हेनर छिल्ला धिर लहज़िमी थल्जी आज़ाद तोतोंई, पर भत्ते धिर परमेश्वरा रिंङ हेंदु विशवास बि पक्‍का माह लहज़ा।

1 कुरिन्थियों 14:6

झांह लेह हे गिऊ प्यारे साथी विशवासी रे, अगर गेह केहतु कछंङ अंज़े शत्‌ह भाषारिंङ गप्पा लोहग, पर अगर गेह केहतु थल्जी दू शिक्षा रमोग अंऊ परमेश्वरे गिह्बी रांहषी ततो, दि सच्चाई ओ ज्ञान, भविष्यवाणी ए शिक्षा रमोग, दंङ गिऊ कुट्रीमी रंङ साते केतिंङ फायदा शोतो।

1 कुरिन्थियों 6:12

केहतु बिचंङ रे मीहरे झांह कुट्री तरपोर, कि “गिह्बी भत्ते धिर लहज़िमी इजाज़त तोह” छना कुचे गेह इच्च़ा विशवासी शुगाह वोई भत्ते धिर फायदा ओ माह गेह कुट्रातग, “गिह्बी भत्ते धिर लहज़िमी हुकुम तोह,” छना कुचे गेह इच्च़ा विशवासी शुगाह।

2 कुरिन्थियों 12:11

गेह मुर्ख बणेंके इलिग, पर दि केरे ए शुई अच़ि गिह्बी झांह लहच़िमी थल्जी मज़बूर लहरिन। केतिंङ ता गिऊ षटणा लहज़ी जूंशी तोहई, छना कुचे अगर गेह छोह् ला जोगे माह तोग, तांला गेह दोतंङ बे छल्ले धिरा रिंङ कम माह तोग, अंऊ झांह ठ्रोह कंड्रातोर कि दोरे भत्ते प्रेरित बे मोह्ड़े तोतोर।

2 कुरिन्थियों 12:5

हेले रिंङ झांह ठ्रोह मीहू टोईच़ी ता गिऊ थल्जी घमण्ड लहज़ी ठीक तोह, अच़ि झांह ठ्रोह दर्शन खांहषी ततो। पर केनोह टोईच़ी केनोह कमज़ोरी छोड़ेके च़रतु, घेंङौ पाहठी घमण्ड माह लोहग।

2 कुरिन्थियों 12:7

पर गिह्बी दू अद्धभुत चीज़ा तु पाहठी घमण्ड लहज़ी माह जूंस अंऊ परमेश्वरे गिह्बी कांहषी ततो। झांह लेह दिरंङ मुकाबला लहज़िमी थल्जी गिऊ फुकारिंङ छ़वाक्तु ठ्रोह इच्च़ा खरे समस्या रांहषी ततो। शेतानो तरफे गिह्बी इच्च़ा दूत सच़िमी थल्जी रांहषी तोह, ताकि गेह घमण्डी शुहबी मेस।

2 कुरिन्थियों 12:9

दंङ दोई गेरंङ साते कुई, “गिऊ मोह्ड़े दाह कनु थल्जी झोबड़ी तोह; छना कुचे गिऊ सामर्थ कमज़ोरी रिंङ प्रगट शवाह।” झांह लेह गेह मोह्ड़े खुशी साते घेंङौ कमज़ोरी टोईच़ी घमण्ड लोहग, कि मसीहू सामर्थ गिऊ टोईच़ी सिल्मोग लोहवा लोहतो।

2 कुरिन्थियों 8:10

न्याकि साल केरे माह सिर्फ दान रंड्री पर झांह ठ्रोह लहज़िमी हिटीरिंङ ला भत्ते बे मुण्डा तोईनी। दि पाहठी केहतु थल्जी भत्ते बे रूठे छि तोह दोऊ पाहठी गिऊ सलाह दि तोह; हेंतेग केहच़ी छि शुरू लाहतंई दोबि पूरा लंहि। शायद केरे ला दिबी योहच़िमी थल्जी धोंण ए खुश तोतोंई अंयों कि केरे दिबी शुरू लहज़िमी थल्जी तोईनी।

गलातियों 1:12

छना कुचे गेह दू घेंङौ बाह-मेमे ओ दोरच़ी सिखेसी माह शुगाह दंङ माह ए अच़िया धर्मिक ज्ञानी ज़ि गिह्बी सिखासी शुह। पर एनोह ए यीशु मसीह ज़ि दोबि गिऊ टोईच़ी प्रगट लहरी।

गलातियों 2:2

गेह दोर दिऊ थल्जी इलिगा छना कुचे परमेश्वरे गिह्बी इबिमी थल्जी कुहते। दंङ अपेहल गेह दोर तोईग दंङ गेह अगुवा तंङ साते सामटे ठ्रोह दोहरिगा दंङ दोतिंङ दू रूठे खबरो पाहठी कंड्रीगा अंऊ गेह ऊईजाति तु बिचंङ प्रचार लहज़ी लेहकी तोईगा। ताकि झांह शुहबी मेस, कि गिऊ दि टेमो या थलेकी दू मेहनत शुहके शोतो।

इफिसियों 3:3

अति गेह दि पाहठी तुहई ए थोड़े अरे च़ेऐ च़रचातेग, कि परमेश्वरे एनेह ए गुप्त भेद बि गिऊ टोईच़ी प्रगट लहरी।

1 थिस्सलुनीकियों 4:15

ञेंरे प्रभु यीशु बचनो हिसाबे केतंङ साते दि कुट्रातंई, कि अंऊ हेनर श्रींङे तोतोंई, प्रभु यीशु यह्च़ा वापिस अन्जा तचेक बचेकी बंङज़ोर, दंङ दोरे विशवासी अंऊ तुहई सिए इलोर हेंदंङ बे तुहई प्रभु यीशु मसीहरिंङ साते दोआ योर।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।