2 कुरिन्थियों 11:9 - लाहौली बाइबिल

⁹ दंङ अंऊ मुक्का गेह केतंङ साते तोईग, दंङ गिह्बी ढबाहो कमी शुई, दंङ गेह अतुला टोईच़ी भार माह केईगा छना कुचे विशवासी न्वारे ज़ि, मकिदुनिया नगरंङ अंज़े गिऊ कमी पूरा लहरिर; दंङ गेह छना ठ्रोह ला केहतु थल्जी छना ठ्रोह ला परेशानी बढ़ेक्पिमी दोरच़ी बचेके इलिगा, दंङ अंजा टेमारिंङ ला केहतु टोईच़ी बोझ माह बणेक्पोग।

2 कुरिन्थियों 11:9 Iomraidhean Croise

प्रेरित 18:3

दिऊ थल्जी कि पोलुस ए अक्किला ओ इच्च़ा ए ठ्रोह व्यापार तोहई, दिऊ थल्जी दोतंङ साते बंङज़ा कम लहरी। दोतु व्यापार तम्बू बणाएषिमी तोहई।

प्रेरित 18:5

अपेहल सीलास ए तीमुथियुस मकिदुनिया प्रदेशंङ ज़ि बिरिया शहरो ज़ि कुरिन्थस शहरा रिंङ अतिरे, दोहपल पोलुसे तम्बू बणाएट्रिमी कम बंद लेह चरच़ाते दंङ पोलुस बचन सुनाएच़िमी धुना रिंङ यहुदी तिंङ गवाही रंड्री लेह्की तोहई कि यीशु ए मसीह शुह।

प्रेरित 20:33

गेह अतुआ मुल, ज़ंङ दंङ खमज़े तु लालच माह लहरिगा।

रोमियो 15:26

छना कुचे मकिदुनिया ए अखाया प्रदेशो कलीसिया ओ मीहतिंङ दि रूठे चेहतिर, कि दोरे यरूशलेम शहरो मीहतिंङ अंऊ गरीब तोतोर, छा दान रमोर।

1 कुरिन्थियों 16:17

दंङ गेह स्तिफनुस ए फुरतूनातुस ए अखईकुसो अपिरंङ साते खुश तोतोग, छना कुचे दोच़ी गिऊ मदत लहज़ातोर कि अंऊ केहच़ी खोक्शे मरतेनि छना कुचे केरे देर माह तोंई।

2 कुरिन्थियों 6:4

पर हर इच्च़ा गप्पारिंङ ञेंहच़ी दि साबित लहज़ातंई कि हेनर परमेश्वरो सच्चा सेवक शुई। हेनर हेंदु रूठे गुण कंङे ते, दुख, मुसीबत, गरीबी ए दंङ महस मुसीबत ला मोह्ड़े हिम्मतारंङ साते सहन लहज़ातंई।

2 कुरिन्थियों 9:12

छना कुचे दि सेवा पूरा लहज़िमी रंङ, माह सिर्फ पवित्र मीहतु कमी पूरा शवाह, पर मीहतु तरफे परमेश्वरो महस धन्यवाद शवाह।

फिलिपियों 2:25

पर गेह इपफ्रुदीतुसाबि अंऊ गिऊ विशवासी न्वा, ए साथी ए रूठे खबरो रक्षा लहज़िमी थल्जी इच्च़ा योद्धा तोह। दोबि केहच़ी गिऊ ज़रूरतो ख्याल लहज़िमी थल्जी गिऊ कछंङ चरच़ि च़रतिन।

1 थिस्सलुनीकियों 2:6

ञेंहच़ी मीहतु दोरच़ी आदर माह जुन्ज़ातंई, दंङ माह ए केहतु दोरच़ी माह ए ऊईतु दोरच़ी छना कुचे मसीहू प्रेरित शुहबिमी रंङ साते ञेंतिंङ केहतु दोरच़ी मदत खोकच़िमी हक तोह।

1 थिस्सलुनीकियों 2:9

हे गिऊ प्यारे साथी विशवासी रे, केहच़ी ञेंहतु मेहनत ए कष्ट हिद तहच़ातंई, कि ञेंहच़ी झांह लेह रात दिन कम धन्धा लहच़ी ते केहतु बिचंङ परमेश्वरो रूठे खबरो प्रचार लहरिग, ताकि ञेंहतिंङ छि ज़रूरत तोह दोबि पूरा लहच़िमी थल्जी केतिंङ छल्ले रंड्रीमी ज़रूरत माह।

इब्रानियों 11:37

दोतु बिचंङ रें विशवासी मीहतु टोईच़ी रघटु द्रले रैंईरे। दंङ रेहतिंङ आरारंङ साते फ्रक्शे झुह्ट टुकड़ा लेह च़रतिर, दोतिंङ तलवारे रें सच़ी च़रतिर। दोरे गरीब तोईरे, दंङ दोतंङ साते अत्याचार ए मदम बर्ताब लेह च़रतिर। दोरे त्रैंई ए छगढ़ो खल चोकसा ते देखा-नोखा, बणारिंङ ए गोह टोईच़ी, दंङ गुफारिंङ, दंङ धरतीऊ दोंङों बिचंङ भटकेपि लेहतिर।