2 कुरिन्थियों 11:3 - लाहौली बाइबिल

³ पर गिह्बी हमेशा दि बेह्द लेहकी बंङज़ा कि शेतान केहतु सेहम मसीहू थल्जी केहतु निष्कपट, पवित्रता रंङ साते शत्‌ह लहज़ी माह जूंस, छना शेताने ओमड्रो रूपारिंङ हव्वा बि एनोह चालाकी रंङ साते बहकाएकि च़रते।

2 कुरिन्थियों 11:3 Iomraidhean Croise

मत्ती 24:24

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ मोह्ड़े निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

रोमियो 12:8

अतिंङ उत्साहित लहज़िमी वरदान खोकसा तोह ता, दू उत्साहित लोहवा लोह अगर ऊईतु ज़रूरत पूरा लहज़िमी वरदान खोकसा तोह ता दू दान बि ऊईतु मदतो थल्जी महस बे महस रम्मा लोह। अगर अगुवाई लहज़िमी वरदान तोह ता दोबि भत्ते खुशी रंङ साते लोह अंऊ दया लोहतो दू खुशी रंङ साते लोह।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 11:20

छना कुचे अंऊ मुक्का केतिंङ अच़िया परगर बणाके केट्रा, या दू भत्ते लेहपच़े च़रच़ा अंऊ केहतु कछंङ तोह, या केतिंङ धोखा रंड्रा, या सोचेक्च़ातोर कि दोरे केहतु बे महस बेहतर तोतोर, या केहतु मोहतिंङ चटे केट्रा, दंङ केहच़ी सहन लहज़ातंई।

2 कुरिन्थियों 11:29

अपेहल ला अरिया कमज़ोर शवात दंङ गेह हर फेरा कमज़ोर महसूस लहज़ातग। अपेहल ला अरिया पापारिंङ पड़ेके यवात दंङ गेह महसे परेशान शुहचे यवातग।

2 कुरिन्थियों 2:17

छना कुचे हेनर दू महसे तु बराबर माह तोंई, अंऊ परमेश्वरो बचन एनोह फायदा ओ थल्जी प्रचार लहज़ा; पर हेनर परमेश्वरो बचनो प्रचार सच्चाई ए मसीहू अधिकारारंङ साते लहज़ातंई, दि ञेंई कि परमेश्वर हेंदिंङ खंड्रा बंङज़ा तोह।

2 कुरिन्थियों 4:2

पर हेंज़ी षेह्द अपिमी जोगे ए गुप्तो कम छोड़ेके चरच़ातंई, दंङ माह ए चालाकी रंङ साते ज़ोवातंई, दंङ माह परमेश्वरो बचना रिंङ मिलावट लहज़ातंई, पर हेनर परमेश्वरो तुईज़ी सिर्फ हेले कंड्रातंई। परमेश्वरो तुईज़ी हर इच्च़ा गवाही रंड्री तरपोतो कि दि हेले तोह।

गलातियों 1:6

गिह्बी दि गप्पो हेरानी शवाह, कि अंऊ परमेश्वरे केतिंङ मसीहू मोह्ड़े दाह ओ हिसाबे एनोह मीहरे शुहबिमी थल्जी बुलाएती, दोरंङ केरे धोंण युरनाह भटकेगी अई शत्‌ह शिक्षा ओ टोईच़ी विशवास लहज़ी लेहकी तोतोंई।

गलातियों 3:1

हे नासमझ, गलातिया शहरो विशवासी रे, गेह ता साफ रूपा रिंङ ए रूठे रंङ केतिंङ समझाएक्च़ा, कि यीशु मसीह केहतु थल्जी क्रूसो टोईच़ी छारिंङ सिए इलि। दंङ केरे छारिंङ दोऊ दोरच़ी ऊईतार शुचि इलि? अच़ि केरे भटकागी च़रतिर?

गलातियों 4:11

छिल्ला धिर केहच़ी लहज़ातंई दोऊ वहज़ा ज़ि गिह्बी बेह्द तोह, कि झांह शुहबी मेस कि अंऊ मेहनत गेह केहतु थल्जी लहसी शुह दुह शुह्के शुचि योतो।

इफिसियों 4:14

हेंतेग बे हेंदिंङ कटुतु ठ्रोह व्यवहार लेह माह जूंस। झांह लेह हेंदिंङ अपेहल ला धोखेबाज़ मीहतु हप्सी शिक्षा रिंङ माह फसेफी जूंस, अंऊ हेले च़ेहसा। छना कुचे हेनर दू किशतीऊ ठ्रोह माह तोंई अतिंङ छ्वली देखा-नोखा लहज़ा दंङ लन्न ज़ि देखा-नोखा किरज़ी लहज़ा।

इफिसियों 4:22

केहतु सिखाएच़ा दोच़ी केतिंङ दू तरीका छोड़ेक्च़िमी शिक्षा रेंईर, अतु हिसाबे केहच़ी व्यवहार लहज़ातंई। केहतु मदम हिटी केतिंङ धोखा रें च़रति दंङ केहतु जीवन बरबाद लेह च़रति।

इफिसियों 6:24

दंङ गेह दि ला प्रार्थना लहज़ातग, कि परमेश्वर दू भत्ते तु टोईच़ी एनोह मोह्ड़े दाह कंबतो अंऊ हेंदु प्रभु यीशु मसीहरिंङ साते दाह लहज़ातोर। दू दाह अंऊ अपेहल ला योहसिमी माह।

कुलुस्सियों 2:18

अरिला मीह हप्सी दीनता ए स्वर्गदूता तु पूजा लहज़ा केतिंङ ज़रको ईनामो दोरच़ी वंचित लेह माह जूंस, झांह ठ्रोह मीह दर्शनो गप्पारिंङ लेहकी बंङज़ा पर दिह भत्ते बकवास तोह छना कुचे दोतु सेहम मतलबी हिटी रंङ साते पिंङषा तोह।

कुलुस्सियों 2:4

दि गेह दिऊ थल्जी कुट्रातग, कि केतिंङ दोतु हप्सी शिक्षा रिंङ विशवास लहज़िमी थल्जी राजी लेह धोखा रंड्री माह जूंस।

कुलुस्सियों 2:8

खबरदार तोहई कि अरिया केतिंङ संसारो ज्ञान ए फालतु धोखा रंड्री माह जूंस, दिह गप्पारे मीहतु परम्परा ए संसारो शिक्षा ओ हिसाबे तोह। माह कि मसीहू दोरच़ी।

1 थिस्सलुनीकियों 3:5

झांह लेह अपेहल गेह ऊई ज़हके मरतिगा, दंङ केहतु विशवासो हाल ञेंच़िमी थल्जी तीमुथियुसा बि च़रचातेग, छना कुचे ञेंरे बेवातेंई कि, परीक्षा लहज़ा शेताने केहतु परीक्षा लोहतो, दंङ ञेंहतु मेहनत बेकार शुचे योतो।

1 तीमुथियुस 1:3

हे तीमुथियुस छना कि केई ञेंच़ातन कि इफिसुस शहरा रिंङ रेह झांह ठ्रोह मीहरे तोतोर, अंऊ दोच़ी गलत शिक्षा रंड्रातोर। दोरे लगातार हप्सी कथा दंङ सेंहणा तु पाहठी सिखाएच़ातोर। अपेहल गेह इफिसुस शहरो दोरच़ी मकिदुनिया प्रदेशो हखा इबिमी तेयार तोईगा, दंङ गेह कनिंङ इफिसुसा रिंङ बंङज़िमी थल्जी कुहतग कि दोच़ी झांह ठ्रोह शिक्षा रंड्री माह जूंस। अपेहल दोरे झांह ठ्रोह गप्पा सिखाएच़ातोर, दंङ मीहरे दोतु पाहठी गप्पा लहज़ातोर। दिऊ नतीज़ा दि तोह कि कंड्रा दोरे दुह कम माह लहज़ातोर अंऊ परमेश्वरे दोतिंङ रांहषी तहरे, अपि दोच़ी सिर्फ परमेश्वरो टोईच़ी विशवास लहज़ी लेह तरपोतो। दू हप्सी अगुवातिंङ हुकुम रोंऊ कि दू हप्सी नियम कंड्री बन्द लोह अंऊ गलत तोह।

1 तीमुथियुस 2:14

दंङ आदम शेतानो दोरच़ी बहकाएति माह पर हव्वा शेतानो बहकावारिंङ अच़ा अति, दंङ परमेश्वरो हुकुम माह मनेके पाप लेह च़रति।

2 तीमुथियुस 3:13

पर मदम मीहरे ए धोखेबाज़ मीहरे ऊई ला मदम कम लोहर दोरे मीहतिंङ धोखा रमोर दंङ दोतिंङ ला ऊईज़ि धोखा रमोर।

तीतुस 1:10

गेह दि दिऊ थल्जी कुट्रतग, छना कुचे महसे मीहरे हेले शिक्षाओ विरोध लहज़ातोर, अंऊ दोच़ी बकवास लहज़ातोर ए ऊईतिंङ धोखा रंड्रातोर। खासकर दि यहुदी मीहरे अंऊ विशवासी बणेंके इलजी तोतोर अंऊ उद्धारो थल्जी खतना रिंङ जोर रंड्रातोर।

इब्रानियों 13:9

छना कुचे यीशु मसीह अपेहल ला माह लेहक्सा, झांह लेह केतिंङ दि भत्ते खरकोई ए शत्‌ह-शत्‌ह शिक्षाओ भाषे लहज़ी जूंशी तोह अंऊ केतिंङ गलत अमरिंङ रैंज़ा शिलज़ा। छना कुचे केहतु सेहमो थल्जी दि रूठे तोह कि परमेश्वरो मोह्ड़े दाह ओ दोरच़ी पक्‍का शुहचे इलेंई, माह कि दू कानून मनेक्च़िमी रंङ साते अंऊ ज़ेइमी पाहठी तोह, ज़ेइमी-तुंङमिमी रिति रिवाज़ो अतु ला भला माह शुई।

2 पतरस 3:17

झांह लेह हे गिऊ प्यारे साथी विशवासी रे, केहच़ी तुहई बेहच़ी ञेंच़ातंई कि दि गप्पारे शोर। झांह लेह, खबरदार बंङज़ुंई ताकि अंऊ मीहरे नियम माह मनेक्च़ातेर दोरे केतंङ साते हप्सी कुचे केतिंङ भटकागी च़रपोर दंङ केरे हेले गप्पा रिंङ विशवास लेह बन्द लेह च़रपोंई अंऊ दोऊ टोईच़ी केहच़ी इच्च़ा टेम पक्‍का रंङ विशवास लहज़ातंई।

2 पतरस 3:3

भत्ते बे तुहई खास गप्पा दिह तोह कि दंङ अन्तिम ध्याड़ा बे ठीक तुहई, रेह झांह ठ्रोह मीह तंङफोर अतु जीवन दोतु मदम हिटी ऊ वशारिंङ तोह। दोरे दोऊ कछंङ अपिमी विचारो मज़ाक लोहर।

1 यूहन्ना 2:18

हे कटुरे, दिह अन्तिम टेम शुह; अपेहल मसीह यह्च़ा वापिस अपतो, दंङ छना केहच़ी रैहशी तातंई कि मसीहू विरोधी अच़ा अंज़े तोतोर, दोऊ हिसाबे हेंतेग ला महसे मसीहू विरोधी अंज़े तोतोर; झांह लेह ञेंहच़ी ञेंहनि कि दि अन्तिम टेम दिए शुह।

1 यूहन्ना 4:1

हे गिऊ प्यारे साथी विशवासी रे, हर इच्च़ा मीहू टोहकठे विशवास थालंही, अच़ि पवित्र आत्माओ दोरच़ी कुट्रीमी दावा लहज़ा। पर आत्मारे परखेक्तुंई कि दोरे परमेश्वरो दोरच़ी शुहरे आ माशुहरे; छना कुचे महस हप्सी भविष्यवक्तार दि संसारारिंङ तोतोरे।

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”

प्रकाशित वाक्य 12:15

दंङ, यह्च़ा दुह मेच़िमी बि ढड़ारिंङ बहाएक्च़िमी थल्जी, दुह अजगरे ढड़ो हिसाबे इच्च़ा बेंडी एनोह आहच़ि बहाएगी च़रति।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 20:2

दोई अजगर मतलब ऊई ओमड्रा अपि शेतान ला कुट्री, झपटेगी च़ुमने च़रति। दोई दोबि छ़ुह्च़ी च़रति दंङ महसे डुह्गे गड्डा रिंङ छङें च़रति, दोई पेतंङ बन्द लेह च़रति दंङ दोर्तिंङ मोहर लगाके च़रति ताकि दोबि इच्च़ा हज़ार साल तचेक युप्सी माह जूंस। झांह लेह, दुह मुक्का ओ टेमा रिंङ, शेतान इच्च़ा हज़ार साल तचेक मीहतिंङ धोखा रें मरपोतो। दोऊ थल, दोबि यह्च़ा थोड़े टेमो थल्जी आज़ाद लेह च़रपोतो।