2 कुरिन्थियों 11:2 - लाहौली बाइबिल

² छना कुचे गेह केतंङ ध्वांए दाह लहज़ातग दंङ केहतु चिंद लहज़ातग छना परमेश्वरे लहज़ा। झांह लेह गेह केतिंङ मसीह रिंङ ए सिर्फ दोबि ए रंड्रीमी वाईदा लहसी तातग, कि केतिंङ पवित्र कुंवारीऊ ठ्रोह मसीहू हवाले लेह च़रपोग।

2 कुरिन्थियों 11:2 Iomraidhean Croise

यहून्नो 3:29

ब्याहू ब्याहुत्रीह रंङ साते ब्याह लेह, पर ब्याहू साथी दोरंङ साते शुबी दंङ दोऊ गप्पा रेड्री रंङ साते खुश शुबी, ध्वांए गिऊ सेहम खुशी रंङ साते पिंङषा इलजी तोह।”

रोमियो 7:4

ध्वांए ए गिऊ न्वारे, अपेहल केरे मसीह रंङ सिए इलजी तोतोंई, दंङ केरे मुसाओ कानूनो अधिकारो थल्जी ला सिए इलजी तोंई। एंतेग केरे मसीहू शुंई अंऊ सिमी दोरच़ी श्रींङे इलि ताकि केरे परमेश्वरो थल्जी फल हचि तरपोंई।

1 कुरिन्थियों 4:15

छना कुचे चाहे केहतु कछंङ मसीहरिंङ शिक्षा रंड्रा हज़ार शोर, पर गेह ए केहतु बाह ओ बराबर शुगाह अंऊ केहतु कछंङ रूठे खबर रैंज़ा हंदेग, अतु नतीज़ा केरे यीशु मसीह रिंङ विशवास लहज़ी लेहती।

2 कुरिन्थियों 4:14

छना कुचे हेंज़ी ञेंच़ातंई, कि अच़ि प्रभु यीशु बि सिऊ दोतु बिचंङ ज़ि श्रींङमी लहरी, दोई ए हेंदिंङ ला यीशु मसीह रंङ साते श्रींङमी लोहतो, दंङ परमेश्वरो तुईज़ी खड़े शुहबिमी थल्जी हेंदिंङ केतंङ साते रैंज़ा हपतो।

गलातियों 4:11

छिल्ला धिर केहच़ी लहज़ातंई दोऊ वहज़ा ज़ि गिह्बी बेह्द तोह, कि झांह शुहबी मेस कि अंऊ मेहनत गेह केहतु थल्जी लहसी शुह दुह शुह्के शुचि योतो।

फिलिपियों 1:8

दिरिंङ परमेश्वर गिऊ गवाह तोह कि गेह यीशु मसीहू ठ्रोह दाह लहच़ी ते केतंङ भत्तेतंङ साते दोईमी लालच लहज़ातग।

कुलुस्सियों 1:28

ञेंरे मसीहू पाहठी प्रचार लहज़ा हर इच्च़ा मीहबी परमेश्वरो दोरच़ी रांहषी बुद्धि रंङ साते शिक्षा रंड्रा हिद दिलाएच़ा तंई ताकि हर इच्च़ा मसीह रिंङ सिद्ध विशवासी शुहबी जूंस अपेहल दोरे परमेश्वरो तुईज़ी खड़े शवाहतोर।

1 थिस्सलुनीकियों 2:11

छना केहच़ी ञेंच़ातंई, कि छना बाह एनोह कटुतंङ साते व्यवहार लहज़ा ध्वांए ए ञेंहच़ी ला केहतु बिचंङ हर इच्च़ाबि शिक्षा रंड्रा ए शांति रंड्रा तस्सली रंड्रातंई।

प्रकाशित वाक्य 14:4

दिरे दोरे शुरे अंऊ दोच़ी पवित्र जीवन श्रींङमोंई, दिरे दुह मीहतु ठ्रोह तोतोर अच़ि इच्च़ा फेरा ला अंऊ मेच़िमी तंङ साते अशुद्ध कम माह लहरिर, दंङ माह ए दोच़ी अपेहला छा चीज़ो पूजा लहरिर, दिरे सिर्फ कुरच़ो ए अराधना लहज़ातोर, अंऊर ला कुरच़ा यवात। दिरे मीहरे दोरे शुरे अंऊ दोतिंङ धरतीऊ भत्ते मीहतु दोरच़ी शत्‌ह लहसी शुह। छना मीहच़ी एनोह रिहू भत्ते बे रूठे हिस्सा परमेश्वराबि रंड्री ध्वांए दिरे मीहरे ला एनोह जीवना बि भत्ते पवित्रता रंङ साते परमेश्वर ए कुरच़ा बि रंड्रातोर।