2 कुरिन्थियों 11:1 - लाहौली बाइबिल

¹ अगर केहच़ी दू स्वीकार लेह केओनि अंऊ एनोह तरीफ एनेह लाह दंङ झांह लेह गिह्बी उम्मीद तोह कि अगर गेह थोड़े हरे मुर्खता रंङ व्यवहार लहज़ातग दंङ दोबि केहच़ी बर्दाशत लेह च़रपोंई।

2 कुरिन्थियों 11:1 Iomraidhean Croise

मत्ती 17:17

यीशुज़ि जवाब रेंई, “हे अबिश्वासी ए ज़िद्दि मीहरे गेह अपेहल तचेक केतंङ साते बंङज़ोग दंङ अपेहल तचेक गेह केहतु अबिश्वासबि सेहन लोहग? दुह योह बि गिऊ कछंङ हतांई।”

प्रेरित 18:14

अपेहल पोलुसे कुट्रीमी तहरे, दंङ गल्लियो ज़ि यहुदी मीहतंङ साते कुहई, हे यहूदियों, अगर दिह छि अन्याय ए मांजी गप्पा शुई ता, दिह ठीक तोहई कि गेह केहतु रेड्रीगा।

प्रेरित 26:29

पोलुसे कुई, “परमेश्वरो हखा गिऊ प्रार्थना दि तोह कि छि थोड़े रिंङ, छि महसे रिंङ, सिर्फ कांह ए मशत, पर अंयों मीहच़ी तोग गिऊ रेड्रातोर, गिऊ दि बन्धन केट्रा दोरे गिऊ ठ्रोह मसीह विशवासी बणेंके योर।”

1 कुरिन्थियों 1:21

परमेश्वरे एनोह ज्ञाना रिंङ दि खंई कि दि संसार मीहतु ज्ञानो दोरच़ी दोबि अपेहल ला ञेंई मरपोतो, झांह लेह दोई दू मीहतिंङ बचाच़िमी थल्जी अंऊ विशवास लहज़ातोर दि रूठे खबरो प्रचारो इस्तेमाल लहरिर, हालांकि रे मीहरे दिबी मुर्खता चेहच़ातोर।

1 कुरिन्थियों 3:18

अगर केहतु बिचंङ अरिला दि सोचेक्च़ा कि दू दि संसारो मीहतु नज़रारिंङ ज्ञानवान तोह, दंङ केतिंङ दि संसारो नज़रारिंङ केनातिंङ मुर्ख बणाषी जूंशी तोह, ताकि केरे हेले रिंङ परमेश्वरो तुईज़ी ज्ञानवान बणेंके तरपोंई।

1 कुरिन्थियों 4:10

मीहरे हेंदिंङ मुर्ख चेहच़ातोर, छना कुचे हेनर मसीहू पाहठी प्रचार लहज़ातंई, पर गलती रंङ साते केहच़ी सोचेक्च़ातंई कि केरे महस बुद्धिमान विशवासी शुई! महसे मीहरे सोचेक्च़ातोर कि ञेंहतु कछंङ छल्ले अधिकार माह। केहतु कछंङ परमेश्वरो शाक्ति तोह। मीहच़ी ञेंहतु आदर माह लहज़ातोर पर दोरे केहतु आदर लहज़ातोर।

1 कुरिन्थियों 4:8

झांह च़ेहसा केरे चेहच़ातंई कि केहतु कछंङ दू भत्ते धिर तोह अतु आत्मिक हिसाबे केतिंङ ज़रूरत तोह। केहच़ी ञेंहच़ातंई कि केहतु कछंङ तुहई बेहच़ी दू खास वरदान तोह अंऊ पवित्र आत्मा मीहतिंङ रंड्रा। केहच़ी ञेंहच़ातंई कि केरे ञेंतंङ मेह रज्ज़ा तु राज लहज़ी शुरू लेह चरच़ातंई। गेह खुश शुचंङ अगर केरे हेले रिंङ रज्ज़ा तु ठ्रोह राज लहज़ी शुरू लेह च़रपोंई, ताकि ञेंरे ला केतंङ साते राज लेह तरपोंई।

2 कुरिन्थियों 11:19

केरे ता समझदार शुहचे खुशी रंङ साते मुर्ख दोतु सहन लेह केट्रातंई।

2 कुरिन्थियों 11:21

दंङ केतिंङ छि च़ेहसा कि गिह्बी षेह्द अपि जूंस छना कुचे गेह झांह माहलग? केहच़ी दि गिऊ नादानी चेहतेंई पर अंऊ गप्पातु पाहठी दोरे मीहरे मोह्ड़े गप्पा लहज़ातोर, गेह ला दू गप्पातु पाहठी दू ए लेह तरपोग।

2 कुरिन्थियों 11:4

अगर अरिया केहतु कछंङ अंज़े ते, ऊई अरिया यीशु प्रचार लोहतो, अतु प्रचार ञेंहच़ी माह लोहनि या ऊई छा आत्मा केतिंङ खोकसिरी; अंऊ तुहई खोकसी माह तोहई; या ऊई छा रूठे खबर अतिंङ केहच़ी तुहई मनेक्च़ी तातंई, केरे दू शिक्षा ग्रहण लहज़िमी थल्जी गलत तोतोंई।

2 कुरिन्थियों 12:11

गेह मुर्ख बणेंके इलिग, पर दि केरे ए शुई अच़ि गिह्बी झांह लहच़िमी थल्जी मज़बूर लहरिन। केतिंङ ता गिऊ षटणा लहज़ी जूंशी तोहई, छना कुचे अगर गेह छोह् ला जोगे माह तोग, तांला गेह दोतंङ बे छल्ले धिरा रिंङ कम माह तोग, अंऊ झांह ठ्रोह कंड्रातोर कि दोरे भत्ते प्रेरित बे मोह्ड़े तोतोर।

2 कुरिन्थियों 5:13

अगर अच़िया कुट्रा कि हेनर बमजी तोतोंई दंङ परमेश्वरो थल्जी; दंङ अगर होश रिंङ तोतोंई, दंङ केहतु रूठे ओ थल्जी तोह।

इब्रानियों 5:2

छना कुचे दू एनाह ला कमज़ोरी ओ अधीन तोह, दिऊ थल्जी दू माह ता समझदार दोतंङ साते दंङ माह ए भटकेगी दोतंङ साते नरमीरंङ साते व्यवहार लेह तरच़ा।