2 कुरिन्थियों 10:4 - लाहौली बाइबिल

⁴ छना कुचे ञेंरे झांह ठ्रोह हथियार तेंङज़ातंई अंऊ दू हथियार बे शत्‌ह तोह, अंऊ दि संसारो मीहरे इस्तेमाल लहज़ातोर। पर दोंङार दह्च़िमी थल्जी परमेश्वरो सामर्थ तोह।

2 कुरिन्थियों 10:4 Iomraidhean Croise

प्रेरित 7:22

दंङ मूसा बि मिस्त्र जातिऊ भत्ते बिद्या सिखाएतिर, दंङ दुह सामर्थी तरीका रंङ साते गप्पा ए सामर्थी तरीका रंङ साते कम लहज़ाते।

रोमियो 13:12

दि मदम संसारारिंङ बंङज़ी हेंदु टेम इच्च़ा रातो योह्सिमी ठ्रोह लगभग योह्सा अंज़े तोह, दंङ दुह ध्याड़ा ला कछंङ पिचे तोह अपेहल मसीह वापिस अपतो। झांह लेह हेंदिंङ हंयारा रंङ जुड़ेके कम बंद लेह च़रसी जूंशी तोह दंङ छंङी रंङ जुड़ेके हथियार कुरच़े जुंशी तोह।

रोमियो 6:13

दंङ माह ए फुको अंङा रे मदम हिटी थल्जी इस्तेमाल लंहि, पर केनातिंङ सिऊ दोरच़ी श्रींङे ञेंए केनातु जीवन परमेश्वराबि रें च़रतुंई, दंङ केनातु फुको अंङर सही कम लहज़िमी थल्जी परमेश्वरो हवाले लेह च़रतुंई।

1 कुरिन्थियों 2:5

ताकि झांह लेह कि केहतु विशवास मीहतु ज्ञानो टोईच़ी माह, पर परमेश्वरो सामर्थो टोईच़ी निर्भर शोतो।

1 कुरिन्थियों 9:7

इच्च़ा सैनिका बि अपेहल ला एनोह खर्च रंड्री माह लेहपि। इच्च़ा मीह अंऊ दाखो बगीचा लगाएच़ा, दोई दोऊ रे फल ज़ेइमी उम्मीद ला लहज़ा। दंङ इच्च़ा पोहाल एनोह त्रैंईतु दोरच़ी पानु तुंङमिमी ला उम्मीद लहज़ा।

2 कुरिन्थियों 10:8

छना कुचे अगर गेह दू अधिकारो पाहठी ऊई ला महस घमण्ड लोहग, अंऊ प्रभु ज़ि केहतु विशवास नाश लहज़िमी थल्जी मशत पर केहतु विशवास बढ़ाएच़िमी थल्जी मदत लहज़िमी थल्जी हेंदिंङ रांहषी तोह, दंङ गेह षेहपोग माह।

2 कुरिन्थियों 13:10

झांह लेह गेह केतिंङ दि गप्पा चेहच़ातग, दिबे तुहई कि गेह केहतु कछंङ अपोग ताकि गिह्बी केतिंङ सज़ा रें घेंङौ अधिकारो इस्तेमाल लहज़िमी ज़रूरत माह पढ़ेक्पोतो अंऊ प्रभु ज़ि गिह्बी रांहषी ततो। छना कुचे गेह केहतु अधिकारो इस्तेमाल केहतु विशवास पक्‍का लहज़िमी थल्जी लहज़ातग माह कि नाश शुहबिमी थल्जी।

2 कुरिन्थियों 3:5

हेंज़ी दि माह कुट्रातंई कि हेंदु कछंङ हेंदु दोरच़ी छा लहज़िमी काबलियत तोह; पर परमेश्वर हेंदिंङ दि काबलियत रंड्रा।

2 कुरिन्थियों 4:7

हेंतेग हेंदु सेहमरिंङ दि छंङी चमकेपी लेहकी तोह, पर हेनर षोह नाजुक नन्देतु ठ्रोह तोतोंई अंऊर दि खज़ाना पिंङषी तोह, ताकि गप्पाऊ दोरच़ी दि गप्पा साफ शुहचे योतो कि दि अद्धभुत सामर्थ हेंदु दोरच़ी मशत, पर परमेश्वरो दोरच़ी शुह।

2 कुरिन्थियों 6:7

हेले ओ दाह रंङ साते, सच्चाई ओ बचनारंङ साते, परमेश्वरो सामर्थ रंङ साते ञेंहच़ी कम लहसी शुई। ञेंरे धर्मिकताऊ हथियार सुचंङ गुह्ट्र रिंङ हमला ओ थल्जी इस्तेमाल लहज़ातंई दंङ फुचंङ गुह्ट्र रिंङ रक्षाओ थल्जी इस्तेमाल लहज़ातंई।

1 थिस्सलुनीकियों 5:8

पर हेनर ता निहरो कटुरे शुई, झांह लेह हेंदिंङ हेंदु टोहकठे काबू लहज़ी जुंशी तोह। हेंदु विशवास ए दाह हेंदु रक्षा लोहतो छना इच्च़ा कवच़े इच्च़ा सेनिको रक्षा लहज़ा।

1 तीमुथियुस 1:18

हे योह तीमुथियुस, दुह भविष्यवाणी तु हिसाबे अंऊ तुहई कनु पाहठी लहसी तोहई, गेह कनिंङ दि हुकुम रंड्रातग, ताकि काह रूठे खबरो सच्चाई ओ थल्जी रूठे रंङ लड़ाई लड़ेक्पिमी थल्जी दुह शब्दा तु इस्तेमाल इच्च़ा हथियारो ठ्रोह लोह।

2 तीमुथियुस 2:3

यीशु मसीहू रूठे सेनिको ठ्रोह गेरंङ साते दुखो सामना लोह।

इब्रानियों 11:30

छना कुचे इस्राएलो मीहच़ी परमेश्वरो टोईच़ी विशवास लहरिर, दिऊ थल्जी विशवासो दोरच़ी ए दोरे निह्ज ध्याड़ा रिंङ ए यरीहो भिती फेरे चक्कर लगाके च़रतिर, दंङ भिती दहचे इलि।