2 कुरिन्थियों 10:1 - लाहौली बाइबिल

¹ गेह दू ए पोलुस शुगाह अंऊ केहतु तुईज़ी डरपोक तोतोग, पर थाह्को थले केहतु हखा याहब लहज़ातग; गेह केतंङ साते मसीहू नम्रता, दंङ नगी शुहचे निवेदन लहज़ातग।

2 कुरिन्थियों 10:1 Iomraidhean Croise

मत्ती 11:29

गिऊ जुम केनातु टोईच़ी उठातुंई, दंङ गिऊ दोरच़ी ञेंई। छना कुचे गेह शांत ए सेहमो रूठे तोतोग: दंङ केहच़ी केनातु सेहमरिंङ आराम खोकपोंई।

मत्ती 21:5

“खंणु सिय्योंनो मिओ रंङ कुंई, खंणु कांह रज्ज़ा कांह कछंङ अपा; दुह नम्र तोह दंङ करेटु टोईच़ी तोह; करेटु टोईच़ी।”

प्रेरित 8:32

दंङ पवित्रशास्त्रो अंऊ पाठ दुह पढेक्पी लेहकी तोहई, दुह दिह तोहई: “दोबि त्रैंईतु ठ्रोह सच़िमी थल्जी रेंज़ा शिलिर, दंङ छना कुरच़ा एनोह च़म ञेलंड्रा दोतु तुईज़ी चुपे बंङज़ा, ध्वांए अपेहल मीहज़ी दोबि दुख रेंईर ता दोई ला एनोह आह मा अलज़िरी।”

रोमियो 10:20

दंङ यशायाह भविष्यवक्ता ज़ि मोह्ड़े जोशारंङ साते प्रभु बचन सुनाएति, कि “अंऊ दोच़ी गेह माह पेट्रातोर, दोच़ी गेह खोकशी च़रतिर; दंङ अंऊ दोच़ी गेह रूहक्च़ातेर ला माह, दोतु टोईच़ी गेह प्रगट शुहचे इलिग।”

रोमियो 12:1

झांह लेह हे गिऊ प्यारे साथी विशवासी रे, गेह केतंङ साते परमेश्वरो दया हिद रंड्रा बिनती लहज़ातग कि केनोह जीवन बि श्रींङे, पवित्र, परमेश्वराबि रूठे च़ेहसा बलिदान ठ्रोह चढ़ाएतु। दिए परमेश्वरो सेवा लहज़िमी सही तरीका तोह।

रोमियो 15:15

तांला गेह रें चीज़ो पाहठी केतिंङ हिम्मत लहज़ी ते च़ेहसी लेहकी तोतोग कि केतिंङ गेह यह्च़ा हिद दिलाएपोग, दि, दू मोह्ड़े दाह ओ दोरच़ी शुई, अंऊ परमेश्वरे गिह्बी रांहषी ततो।

1 कुरिन्थियों 2:3

दंङ गेह कमज़ोरी ए बेह्दरंङ साते, दंङ महसे डगेकी ते केतंङ साते बंङज़िरी।

1 कुरिन्थियों 4:10

मीहरे हेंदिंङ मुर्ख चेहच़ातोर, छना कुचे हेनर मसीहू पाहठी प्रचार लहज़ातंई, पर गलती रंङ साते केहच़ी सोचेक्च़ातंई कि केरे महस बुद्धिमान विशवासी शुई! महसे मीहरे सोचेक्च़ातोर कि ञेंहतु कछंङ छल्ले अधिकार माह। केहतु कछंङ परमेश्वरो शाक्ति तोह। मीहच़ी ञेंहतु आदर माह लहज़ातोर पर दोरे केहतु आदर लहज़ातोर।

1 कुरिन्थियों 4:21

केहच़ी छि जुन्ज़ातंई कि गेह अंज़े केतंङ साते छि लोहग? अगर केहच़ी हेंतेग ला केनातु मदम तरीका ब्याड़ा माह लहज़ातंई दंङ गेह महस कठोर शुहचे केतिंङ रैहच़ोग। पर अगर केहच़ी केनातु मदम तरीका ब्याड़ा लेह केहतंई, दंङ गेह केहतु साते नम्रता ए दाह रंङ साते व्यवहार लोहग।

2 कुरिन्थियों 10:10

छना कुचे रें मीहच़ी कुट्रातोर, “दोऊ डाकर ता गंभीर ए प्रभावशाली शवाहतोर; पर अपेहल दू एनेह अपत, दू मुक्का दोऊ फुक कमज़ोर तंङफा दंङ दोऊ गप्पा लहज़िमी शाक्ति ना ओ बराबर तोह।”

2 कुरिन्थियों 10:2

गेह दि बिनती लहज़ातग, कि रें मीहच़ी कुहषी तातोर कि ञेंरे दि संसारो मीहतु ठ्रोह कम लहज़ातंई। झांह लेह अपेहल गेह अपोग दंङ गिह्बी उम्मीद तोह कि गिह्बी दोतंङ साते डगडग शुहचे लेह्पोतो। गेह पक्‍का शुहचे निवेदन लहज़ातग कि अपेहल गेह अपोग दंङ गिह्बी केतंङ साते झांह ठ्रोह व्यवहार लहज़ी जूंशी माह।

2 कुरिन्थियों 10:7

केरे धकते कि दिखावट खंड्रातंई, अंऊ टिरो तुईज़ी तोह, अगर अतुआ एनोह टोईच़ी दि विशवास तोह, कि गेह मसीहऊ शुगाह, दंङ दोई दि ला ञेंए च़रतु, कि छना दू मसीहऊ शुह, ध्वांए ञेंरे ला मसीहू शुई।

2 कुरिन्थियों 11:21

दंङ केतिंङ छि च़ेहसा कि गिह्बी षेह्द अपि जूंस छना कुचे गेह झांह माहलग? केहच़ी दि गिऊ नादानी चेहतेंई पर अंऊ गप्पातु पाहठी दोरे मीहरे मोह्ड़े गप्पा लहज़ातोर, गेह ला दू गप्पातु पाहठी दू ए लेह तरपोग।

2 कुरिन्थियों 11:30

अगर घमण्ड लहज़ी ज़रूरी तोह, ता गेह घेंङौ कमज़ोर गप्पो टोईच़ी घमण्ड लोहग।

2 कुरिन्थियों 12:5

हेले रिंङ झांह ठ्रोह मीहू टोईच़ी ता गिऊ थल्जी घमण्ड लहज़ी ठीक तोह, अच़ि झांह ठ्रोह दर्शन खांहषी ततो। पर केनोह टोईच़ी केनोह कमज़ोरी छोड़ेके च़रतु, घेंङौ पाहठी घमण्ड माह लोहग।

2 कुरिन्थियों 3:12

झांह लेह दिए उम्मीदा रंङ साते हेनर याहब रंङ साते कुट्रातंई।

2 कुरिन्थियों 5:20

झांह लेह हेनर मसीहू राजदूतारे शुहनि; परमेश्वरे दोऊ खबर स्वीकार लहज़िमी थल्जी हेंदु थल्जी दोरच़ी मीहतु बिनती लहज़ा। हेनर मसीहू हखा निवेदन लहज़ातंई, कि परमेश्वरारंङ साते मेल मिलाप लोहनि।

2 कुरिन्थियों 6:1

परमेश्वररंङ साते कम लहज़ा शुहबी रंङ साते हेनर करंङ साते दि विनती लहज़ातंई कि परमेश्वरो मोह्ड़े दाह केहतु टोईच़ी शुहचा, दोबि ध्यांए इबि थारांई;

2 कुरिन्थियों 7:4

गेह केतंङ साते भत्ते भरोसा रंङ साते कुट्रातग दंङ गिह्बी केहतु टोईच़ी घमण्ड तोह, दिरिंङ गिह्बी महस तसल्ली खोकसा; दंङ घेंङौ भत्ते दुखारिंङ ला, गेह खुशी रंङ भरपूर बंङज़ातोग।

गलातियों 4:13

केतिङ हिद शोतो कि बीमारीऊ वहज़ा ज़ि गिह्बी केतिंङ पहला फेरा रूठे खबर सुनाएच़िमी मोका खोकसते।

गलातियों 5:2

गेह पोलुस, अंऊ गेह केतंङ साते कुट्री जुंज़ातग, दोबि ध्यानारंङ साते रेड्रुंई! अगर केरे परमेश्वरो नज़रारिंङ धर्मी शुहबिमी थल्जी खतना लहज़ातोनि, दंङ मसीह ज़ि छि केहतु थल्जी लहसी ततो, दोऊ छल्ले लस माह केहश्रोतो।

इफिसियों 3:1

झांह लेह, गेह पोलुस केहतु थल्जी प्रार्थना लहज़ातग। गेह जेलारिंङ तोतोग छना कुचे गेह केरे ऊईजाति मीहतिंङ रूठे खबर सुनाके यीशु मसीहू सेवा लहज़ातग।

इफिसियों 4:1

झांह लेह अंऊ गेह प्रभु यीशु सेवा लहज़िमी वहज़ा रिंङ जेलारिंङ तोतोग, केतंङ साते बिनती लहज़ातग, कि केरे दू बुलाहट रंङ साते अतंङ परमेश्वर एनोह कटुरे शुहबिमी थल्जी बुलाएक्तो, दोऊ हिसाबे केनातु जीवन श्रींङमातंई।

फिलिपियों 4:5

केहतु कोमलता भत्ते मीहतु टोईच़ी प्रगट शोतो, प्रभु यीशु युरनाह वापिस अपतो।

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।

2 थिस्सलुनीकियों 3:17

गेह पोलुस, घेंङौ गुह्ट्रे केतिंङ नमस्कार चेहच़ातग। गेह घेंङौ भत्ते डाकारिंङ थल मुखंङ दिए तरीकारिंङ चेहच़ातग, ताकि भत्ते तिंङ पता लेहपि जूंस कि दि डाक गिऊ दोरच़ी शुह।

फिलेमोंन 1:19

गेह पोलुस घेंङौ गुह्ट्ररंङ दि चेहच़ातग कि गेह घेंङै दोऊ भुगतान लोहग; हालांकि केई तुहई बे दि ञेंहच़ा कि गेह अगर कांह मदत माह लाहइंयां ता, दंङ केई केनोह दोरच़ी दि खरकोई जीवन माह खोकच़तन, दिऊ थल्जी काह केनोह दिह जीवनो थल्जी गिऊ कर्ज़दार तोतोन।

1 पतरस 2:11

हे प्यारे साथी विशवासी रे, गेह केतंङ साते बिनती लहज़ातग कि केरे दि संसारारंङ परदेशी ए यात्री तु ठ्रोह तोतोंई। गेह केतिंङ चेतावनी रंड्रातग कि दू भत्ते मदम फुको हिटी ओ दोरच़ी बचेक्तेंई छना कुचे दू केहतु केनातु आत्माओ खिलाप हमेशा लड़ाई लहज़ा।

प्रकाशित वाक्य 1:9

“गेह यूहन्ना, केहतु साथी विशवासी, दंङ यीशु रंङ साते केहतु एकता ओ वहज़ा ज़ि गेह केतंङ साते परमेश्वरो राज रिंङ, दुखा रिंङ, दंङ दुह सहन लहज़िमी शाक्ति रिंङ सहभागी तोतोग, गिह्बी पतमुस टापूरिंङ कैदी बणाके चरच़ि छना कुचे परमेश्वरो खबर ए यीशु दोरच़ी प्रगट लहसी सच्चाई ओ प्रचार लहज़ा।”