2 कुरिन्थियों 1:5 - लाहौली बाइबिल

⁵ छना कुचे मसीहू दुखारिंङ हेनर भागीदार शवातंई, ध्वांए हेंदु तसल्ली ओ थल्जी मसीहू दोरच़ी महस भागीदार शवातंई।

2 कुरिन्थियों 1:5 Iomraidhean Croise

लूको 2:25

दुह टेमारिंङ यरूशलेम शहरारिंङ शमौन मिन्दु इच्च़ा मीह तोहई, दंङ दुह मीह धर्मी ए भक्त तोहई; दंङ दुह बेसब्र सुचे मसीहू अपिमी थल्जी रुमज़ा तोहई कि दुह अपतो दंङ इस्राएलो मीहतिंङ शांति रमतो, दंङ पवित्र आत्मा दोरंङ साते तोहई।

प्रेरित 9:4

दंङ दुह धरतीऊ टोईच़ी दह्चे इलि, दंङ परमेश्वरो दिह सग रेड्रीर, “हे शाऊल, हे शाऊल, केई गिह्बी छिल्ले तंग लहज़ातन?”

रोमियो 8:17

अगर हेनर परमेश्वरो कटुरे शुई ता दोऊ वारिस ला शुई, पर परमेश्वरो वारिस ए मसीह रंङ साते वारिस तोईनी। अगर हेनर यीशु रंङ साते दुख उठाएपोंई, दंङ हेनर दोऊ महिमा रिंङ ला सहभागी शुहचे योंई।

फिलिपियों 1:20

गिऊ सेहमो हिटी ए उम्मीद दि तोह, कि गेह अंऊ लाह गप्पा रिंङ शर्मिन्दा माह शुगाह, पर गिह्बी मसीहू पाहठी कुट्री हिम्मत शवाह छना कि गेह बितेगी टेमारिंङ कुहतेग। चाहे गेह श्रींङी बंङज़ोग या सिए योग, गेह घेंङौ भत्ते ज़िंदगी ऊ दोरच़ी मसीह बि आदर रम्मा लोहग।

फिलिपियों 2:1

अगर केरे मीहतिंङ मसीह रंङ साते थोड़े अरे याहब, दंङ मसीहू दाह रिंङ तसल्ली, दंङ पवित्र आत्मारिंङ संगति, दंङ रे करूणा ए दाह तोह।

फिलिपियों 3:10

गेह दि जुंज़ातग कि मसीह बि ञेंए च़रपोग दोऊ सिमी दोरच़ी श्रींङे इबिमी सामर्थ महसूस लेह तरपोग दंङ लगातार दुख सहन लोहग छना दोई लाहतो, दंङ सिमी मुक्का दोऊ ठ्रोह बणेंके योग।

कुलुस्सियों 1:24

दंङ हेंतेग गेह केहतु थल्जी अंऊ दुख सहन लहज़ातग दोऊ वहज़ा ज़ि खुश तोतोग। दंङ गेह लगातार घेंङौ फुको दुख सहन लहज़ातग, छना मसीह सहन लाहते, दंङ दि दुख गेह मसीहू कलीसियाओ थल्जी सहन लहज़ातग अंऊ मसीहू फुक शुह।

2 तीमुथियुस 3:11

मीहच़ी गेह तंग लहरिर, अतु वहज़ा ज़ि गेह महस दुख सहन लहरिग। केतिंङ पता तोह कि अन्ताकिया, इकुनियुम ए लुस्त्रा नगरंङ गिऊ टोईच़ी छना-छना ज़ुल्म शुईरे, तांला दुह भत्ते तु दोरच़ी प्रभु ज़ि गेह हुंज़ी च़रति।

1 पतरस 4:13

बस दिऊ पाहठी खुश तोईनी, कि केरे मसीहू दुखारिंङ सहभागी शुहचे तोईनी। झांह लेह, अपेहल मसीह भत्ते मीहतिंङ एनोह महिमा प्रगट लहज़िमी थल्जी यह्च़ा अपतो दंङ केहतु खुशी हेले रिंङ बणेंके योतो।