2 कुरिन्थियों 1:4 - लाहौली बाइबिल

⁴ परमेश्वर हेंदिंङ हेंदु भत्ते मुसीबता रिंङ तसल्ली रंड्रा। हेनर ऊईतिंङ ध्वांए ठ्रोह तसल्ली रें तरपोंई छना परमेश्वरे हेंदिंङ तसल्ली रंड्रा।

2 कुरिन्थियों 1:4 Iomraidhean Croise

यहून्नो 14:16

दंङ गेह पिता परमेश्वरारंङ साते बिनती लोहग, दंङ दोई केहतु थल्जी हमेशा साते बंङज़ा इच्च़ा मदतगार बि रमतो।

यहून्नो 14:18

गेह केतिंङ यमे बमे माह केयोग; गेह केहतु कछंङ वापिस अपोग।

यहून्नो 14:26

पर केहतु मदतगार मतलब दुह पवित्र आत्मा अतिंङ पिता परमेश्वरे गिऊ अधिकारंङ च़रपोतो, दुह पवित्र आत्मा ए केतिंङ भत्ते गप्पा सिखाएपोतो, दंङ छिला धिर गेह केतंङ साते कुहषी तातग, दुह भत्ते धिर केतिंङ हिद दिलाएपोतो।”

2 कुरिन्थियों 7:13

झांह लेह ञेंतिंङ हिम्मत; दंङ ञेंहतु दि हिम्मता रंङ साते तीतुसो खुशी ओ वहज़ा ज़ि ऊई ला खुशी शुई छना कुचे दोऊ सेहम केहतु भत्ते दू वहज़ा ज़ि हरा भरा शुहचे इलि।

2 कुरिन्थियों 7:4

गेह केतंङ साते भत्ते भरोसा रंङ साते कुट्रातग दंङ गिह्बी केहतु टोईच़ी घमण्ड तोह, दिरिंङ गिह्बी महस तसल्ली खोकसा; दंङ घेंङौ भत्ते दुखारिंङ ला, गेह खुशी रंङ भरपूर बंङज़ातोग।

फिलिपियों 1:14

दंङ प्रभुरिंङ अंऊ विशवासी न्वारे तोतोर, दोतु बिचंङ महस गिऊ कैदरिंङ शुहबी वहज़ा ज़ि, खुशी रंङ साते परमेश्वरो वचन बेधड़क शुचे सुनाएच़िमी थल्जी ऊई ला याहब लहज़ातोर।

1 थिस्सलुनीकियों 4:18

झांह लेह दि गप्पा रंङ साते इदि-अईदि बि हिम्मत रमा लंहि।

1 थिस्सलुनीकियों 5:11

झांह लेह इदि अईदि बि याहब रम्मा लंहि, दंङ परमेश्वरो टोहकठे ऊई ला महस पक्‍का विशवास लहज़िमी थल्जी इदि अई दिऊ मदत लोहवा लंहि, छना कि केहच़ी लोहवा ला लहज़ातंई।

इब्रानियों 12:12

दि भत्ते गप्पातु वहज़ा ज़ि, पक्‍का शुचि इलांई दंङ केनातिंङ याहब रम्मा लंहि।