2 कुरिन्थियों 1:12 - लाहौली बाइबिल

¹² छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 1:12 Iomraidhean Croise

प्रेरित 23:1

पोलुसे ए यहुदी सभा ओ हखा ध्याना रंङ साते खांई, दंङ कुई, “हे बिशवासी न्वारे, गेह तोग तचेक परमेश्वरो थल्जी पूरे साफ अन्तरात्मा रंङ साते जीवन बिताच़ी शुगाह।”

प्रेरित 24:16

दिए नज़रिया रंङ साते गेह परमेश्वर ए मीह झुल्ला तु तुईज़ी हमेशा इच्च़ा निष्कलंक अन्तरात्मा बणाएच़िमी भरपूर कोशिश लोहग।

रोमियो 9:1

हेंतेग अगर छिल्ला हेंदिंङ परमेश्वरो दाह ओ दोरच़ी शत्‌ह लेह मरपोतो, गिऊ यहुदी मीहरे, परमेश्वरो दोरच़ी शत्‌ह छारिंङ तोतोर? गिह्बी दोतु थल्जी महस दुख तो, दंङ हमेशा गिऊ सेहमरिंङ दोतु थल्जी दुख महसूस शवाह। हेलेरिंङ, हेंदु ए मीहतु उद्धार लहज़िमी थल्जी, गेह घेंङौ टोहकठे दोष लगाच़िमी ए मसीहू दोरच़ी शत्‌ह शुबिमी थल्जी तेयार तोतोग, गेह दोऊ थल्जी तेयार तोतोग। गेह मसीह बि गवाह मानेकि हेले कुट्रातग पवित्र आत्मा ए गिऊ दिमाग ला गवाही रंड्रा कि दि हप्सी माह शुह।

1 कुरिन्थियों 1:17

छना कुचे मसीह गिह्बी बपतिस्मा रंड्रीमी थल्जी मशत, बल्कि रूठे खबर सुनाएच़िमी थल्जी चरच़ि शुगाह, दंङ अपेहल गेह रूठे खबरो प्रचार लहज़ातग दंङ गेह कुट्रीमी थल्जी संसारो गप्पो इस्तेमाल माह लहज़ातग माह ता मीहरे गिऊ टोईच़ी सिर्फ संसारिक ज्ञानो वहज़ा ज़ि विशवास लोहर, दंङ दोरे क्रूसो टोहकठे मसीहू मौतो सामर्थ माह ञेंहच़ार।

1 कुरिन्थियों 12:8

छना कुचे परमेश्वरो आत्मा इच्च़ा मीह बि बुद्धिऊ गप्पारे कुट्रीमी वरदान रंड्रा, दंङ दू ए आत्मा ऊईतिंङ ज्ञानो गप्पा कुट्रीमी वरदान रंड्रा।

1 कुरिन्थियों 15:10

पर अगर तोग गेह प्रेरित शुगाह दंङ दुह परमेश्वरो मोह्ड़े दाह शुह। दंङ दोऊ मोह्ड़े दाह अंऊ गिऊ टोईच़ी शुई, दुह शुह्के माह शुई पर गेह ऊई अरिला प्रेरित बे महस मेहनत ला लहरिगा ता दि गिऊ दोरच़ी मशत पर परमेश्वरो मोह्ड़े दाह गिऊ दोरच़ी कम लहज़ाते।

1 कुरिन्थियों 2:13

दंङ झांह लेह हेनर दि गप्पार ऊईतिंङ कंड्रातंई, दंङ हेनर दि शब्दा तु इस्तेमाल माह लहज़ातंई, अंऊ मीहतु ज्ञानो दोरच़ी खोकसा, पर हेनर दू शब्दा तु इस्तेमाल लहज़ातंई अंऊ परमेश्वरो आत्माओ दोरच़ी खोकच़ातंई, अंऊ आत्मिक ज्ञानो दोरच़ी आत्मिक गप्पा समझाएक्च़ा।

1 कुरिन्थियों 4:4

गिऊ फर्क आत्मा गिह्बी छल्ले दोष माह खोकसा तांला गेह दिऊ दोरच़ी निर्दोष साबित शुहचे मरच़ातग प्रभु ए तोह, अंऊ गिऊ परख लहज़ा।

1 कुरिन्थियों 5:8

झांह लेह गेह कुट्रातग कि हेंदिंङ हमेशा पवित्र मीहतु ठ्रोह व्यवहार लेह जूंशी तोह हेंदिंङ बुराई रंङ साते श्रींङमी माह जूंस छना कि हेंज़ी मसीहू टोहकठे विशवास लहज़िमी तुहई लाहतंई, मतलब कि हेंदिंङ दू मदम कम लेह बन्द लहज़ी जूंशी तोह अंऊ हेंज़ी लहज़ातंई दिऊ वहज़ा, हेंदिंङ परमेश्वरो हुकुमो भाषे लहज़ी तोह दंङ अंऊ ला मदम कम लहज़ी माह मतलब हमेशा ईमानदार ए सच्चा शुहबी जूंस।

2 कुरिन्थियों 1:17

झांह लेह अपेहल गेह इच्च़ा योजना बणाएतिग दंङ छि गेह लापरवाही लहरिगा? या छि लेह जुंज़ातग छि संसारारिंङ मीहतु ठ्रोह लहज़ातग आ, कि अंऊ इच्च़ा टेमारिंङ वोई दंङ थले नाह कुट्रातोर।

2 कुरिन्थियों 11:3

पर गिह्बी हमेशा दि बेह्द लेहकी बंङज़ा कि शेतान केहतु सेहम मसीहू थल्जी केहतु निष्कपट, पवित्रता रंङ साते शत्‌ह लहज़ी माह जूंस, छना शेताने ओमड्रो रूपारिंङ हव्वा बि एनोह चालाकी रंङ साते बहकाएकि च़रते।

2 कुरिन्थियों 2:17

छना कुचे हेनर दू महसे तु बराबर माह तोंई, अंऊ परमेश्वरो बचन एनोह फायदा ओ थल्जी प्रचार लहज़ा; पर हेनर परमेश्वरो बचनो प्रचार सच्चाई ए मसीहू अधिकारारंङ साते लहज़ातंई, दि ञेंई कि परमेश्वर हेंदिंङ खंड्रा बंङज़ा तोह।

2 कुरिन्थियों 4:2

पर हेंज़ी षेह्द अपिमी जोगे ए गुप्तो कम छोड़ेके चरच़ातंई, दंङ माह ए चालाकी रंङ साते ज़ोवातंई, दंङ माह परमेश्वरो बचना रिंङ मिलावट लहज़ातंई, पर हेनर परमेश्वरो तुईज़ी सिर्फ हेले कंड्रातंई। परमेश्वरो तुईज़ी हर इच्च़ा गवाही रंड्री तरपोतो कि दि हेले तोह।

2 कुरिन्थियों 8:8

गेह हुकुमो रीति ओ टोहकठे ता माह, पर ऊईतु खुशी रिंङ केहतु दाह ओ सच्चाई बि परखेक्च़िमी थल्जी कुट्रातग।

गलातियों 6:4

पर हर इच्च़ा मीह एनोह कम खमतो छि दू रूठे तोह आ, दंङ दू एनोह कमरिंङ घमण्ड लेह तरपोतो। पर दोबि एनोह कमो बराबरी ऊई मीहतंङ साते लेह माह जूंस।

इफिसियों 6:14

झांह लेह परमेश्वरो सच्चाई बि केनोह ऊमतु छिरतु ठ्रोह छ़ुह्च़ी च़रतुंई, दंङ केनातु धार्मिकता बि कवचो ठ्रोह लेहकी च़रतु।

फिलिपियों 1:10

झांह लेह केरे चुनाव लहज़िमी जोगे शोंई कि छि कम लहज़ी ठीक तोह, ताकि यीशु मसीहू दोबारा वापिस अपिमी ध्याड़ा तचेक ताकि केरे पवित्र ए निर्दोष शुहचे बंङज़ुंई।

1 थिस्सलुनीकियों 2:10

केरे केनर ए गवाह शुई, दंङ परमेश्वर ला गवाह तोह, कि केरे भत्ते विशवासी तंङ साते ञेंहतु व्यवहार छना ठ्रोह सच्चा, धर्मी ए निर्दोष तोहई।

1 तीमुथियुस 1:5

दि हुकुम रंड्रीमी गिऊ दि मकसद तोह कि केरे इदि अई दिरंङ साते संङा सेहम ए निर्दोष अंतरआत्मा दंङ निष्कपट विशवासारंङ साते दाह लंहि।

तीतुस 2:7

केतिंङ भत्ते धिरा रिंङ हमेशा रूठे कम लहज़ी जूंशी तोह, अंऊ ऊईतु थल्जी इच्च़ा उदाहरण बणेक्पोतो अतु ऊईज़ि हमेशा पालन लोहर। अपेहल काह विशवासी तिंङ परमेश्वरो पाहठी सिखाएच़ातंई, दंङ दोबि रूठे मकसद रंङ साते सिखातु, झांह लेह मीहच़ी कांह आदर लोहर।

इब्रानियों 13:18

ञेंहतु थल्जी प्रार्थना लोहवा लंहि, छना कुचे ञेंतिंङ भरोसा तोह कि ञेंहतु अन्तरात्मा साफ तोह; दंङ ञेंहच़ी छिला कम लहज़ातंई दू भत्ते कमरिंङ परमेश्वरो आदर लेह जुंज़ातंई।

याकूब 4:6

पर परमेश्वरे ता ऊई ला मोह्ड़े दाह रंड्रा। झांह लेह पवित्र शास्त्रारिंङ दि च़ेहसी तोह कि, “परमेश्वरे घमण्डी तु विरोध लहच़ी, पर नम्र मीहतिंङ मोह्ड़े दाह लहज़ा।”

1 पतरस 3:16

हमेशा दू ए लंहि अंऊ सही तोह, दंङ अगर मीहरे केहतु खिलाप मदम कुट्रातोर, दंङ दोरे ए शर्मिन्दा शोर, अपेहल दोरे मसीह रंङ साते केहतु संबधो वहज़ा ज़ि केहतु रूठे व्यवहार खमोर।

1 पतरस 3:21

तुहई कि टेमारिंङ दोतु उद्धार हेंतेग हेंदु उद्धारो इच्च़ा उदाहरण तोह अपेहल हेनर बपतिस्मा लेहपच़ातंई, दोई हेंदु फुको दोरच़ी क्रि शत्‌ह माह लहज़ा, पर दि इच्च़ा चिन्ह शुह कि हेंज़ी परमेश्वरो दोरच़ी माफी पेट्रातंई ताकि तुंखा हेंदु सेहम परेशान माह बंङज़ोतो। हेंदिंङ माफी खोकसोतो छना कुचे यीशु मसीह सिमी थल यह्च़ा श्रींङे इलज़ा।