2 कुरिन्थियों 1:1 - लाहौली बाइबिल

¹ गेह, पोलुस दि डाक च़ेहच़ी लेहकी तोतोग। गेह परमेश्वरो हिटी रंङ यीशु मसीहू प्रेरित शुगाह। दंङ हेंदु साथी विशवासी तीमुथियुसो तरफे परमेश्वरो दू कलीसिया बि च़ेहच़ी लेहकी तोतोग अंऊ कुरिन्थुस नगरंङ तोह, दंङ परमेश्वरो भत्ते मीहतिंङ अंऊ अखाया ओ नगरंङ बंङज़ातोर।

2 कुरिन्थियों 1:1 Iomraidhean Croise

प्रेरित 16:1

पोलुस ए सिलास दिरबे शहरंङ इलिर दंङ दोरकी विशवासी तंङ दोआ दंङ दोरच़ी लुस्त्रो शहरो हखा इलिर। दंङ दोहर इच्च़ा विशवासी बंङज़ाते अतु मिन तीमुथियुस तोहई। दोऊ याह इच्च़ा यहुदी विशवासी तोहई, पर दोऊ बाह ऊई जातिऊ तोहई।

रोमियो 15:26

छना कुचे मकिदुनिया ए अखाया प्रदेशो कलीसिया ओ मीहतिंङ दि रूठे चेहतिर, कि दोरे यरूशलेम शहरो मीहतिंङ अंऊ गरीब तोतोर, छा दान रमोर।

रोमियो 16:21

गेरंङ साते प्रभु सेवा लहज़ा तीमुथियुस ला, दंङ गिऊ ठ्रोह यहुदी जातिऊ मीहरे लूकियुस ए यासोन ए सोसिपत्रूस बि ला कनिंङ नमस्कार।

रोमियो 16:5

दंङ दू विशवासी तु मंडली बि ला नमस्कार अंऊ दोतु घरबारंङ ठ्रोहका शवात। गिऊ प्यारे इपेनितुस बि, अंऊ आसिया प्रदेशो मसीहू टोहकठे विशवास लहज़ा मुण्डो मीह शुह, दोबि ला गिऊ नमस्कार।

1 कुरिन्थियों 10:32

गेह भत्ते तिंङ खुश लहज़िमी कोशिश लहज़ातग, गेह घेंङौ भलाई ओ पाहठी माह सोचेक्च़ातग, बल्कि भत्ते तु भलाई ओ पाहठी सोचेक्च़ातग, ताकि दोरे उद्धार खोक्शे तरपोर। ध्वांए केरे ला झांह ठ्रोह बंङज़ेंई कि यहुदी या ऊईजाति तु परमेश्वरो कलीसिया ओ थल्जी छा परेशानी या ठोकर पैदा शुहबी मेस।

1 कुरिन्थियों 16:10

अगर तीमुथियुस केहतु कछंङ कुरिन्थुस शहरंङ अपतो, दंङ दोरंङ साते रूठे रंङ बर्ताब लोहु; छना कुचे दुह गिऊ बराबर प्रभु कम लहज़ा।

1 कुरिन्थियों 16:15

हे गिऊ प्यारे साथी विशवासी रे, केहच़ी स्तिफनुसो टबरातिंङ ञेंईनि आ, कि दोरे अखाया प्रदेशो मुण्डो तोईरे अच़ि मसीहू टोईच़ी विशवास लहरिर, दंङ परमेश्वरो मीहतु मदत लहज़िमी थल्जी तेयार बंङज़ातोर।

1 कुरिन्थियों 16:24

गेह केतंङ भत्ते तंङ साते दाह लहज़ातग, अतु यीशु मसीह रंङ साते डुह्गे नाता तोह। अमीन।

1 कुरिन्थियों 6:11

तुहई केहतु बिचंङ रे ध्यांए ठ्रोह श्रींङमातेर, पर केरे प्रभु यीशु मसीहू मिंदंङ साते ए हेंदु परमेश्वरो आत्मा रंङ साते केहतु पाप शुहल्ज़े चरच़तो, दंङ केतिंङ एनोह थल्जी शत्‌ह लहरी दंङ केतिंङ एनोह नज़ारारिंङ धर्मी बणाके चरच़तो।

2 कुरिन्थियों 1:19

छना कुचे परमेश्वरो योह यीशु मसीह अतु हेंदु दोरच़ी मतलब गिऊ ए सिलवानुस, ए तीमुथियुसो दोरच़ी केहतु बिचंङ प्रचार शुई, दोर्तिंङ, “वोई” ए “माह” झुल्ला माह तोहई; पर देहर तिंङ “वोई” ओ “वोई” शुहचे तोह।

2 कुरिन्थियों 1:23

परमेश्वर गिऊ दि सच्चाई गेह गवाह तोह कि गेह यह्च़ा कुरिन्थुस शहरंङ दिऊ थल्जी माह अतिगा कि गेह केतिंङ दुख रंड्री माह जुंज़ातेग।

2 कुरिन्थियों 11:10

ध्वांए ए पक्‍का रूपारिंङ छना मसीहू सच्चाई गिऊ अंदरेग तोह, ता अखाया नगरंङ अंऊ दोई गिह्बी दि घमण्डे रोकेक्पोतो।

2 कुरिन्थियों 9:2

छना कुचे गेह केहतु रंड्रीमी हिटी बि ञेंहगा, अतु वहज़ा ज़ि केहतु पाहठी मकिदुनिया इलाको कलीसिया ओ तुईज़ी घमण्ड लहज़ातग, कि अखाया प्रदेशो केरे मीहरे इच्च़ा साल बेहच़ी तेयार शुहबी लेहकी तोतोंई, दंङ केहतु खुशी रिंङ ऊई महस मीहतिंङ प्रेरणा खोकसिरी।

गलातियों 1:1

गेह, पोलुस, केतिंङ दि डाक च़ेहच़ी लेहकी तोतोग। गेह इच्च़ा प्रेरित शुगाह, गेह माह अरिया मीहू दोरच़ी प्रेरित बणेंके शुगाह, पर यीशु मसीह ए परमेश्वर बाह ओ दोरच़ी, अंङषी शुगाह, अच़ि यीशु बि सिऊ दोतु बिचंङ ज़ि श्रींङमी लहसी शुह।

गलातियों 3:26

अपेहल केहच़ी मसीहू मिंदिंङ बपतिस्मा लेहपच़ातेंई, दंङ केहच़ी मसीहू खरकोई जीवन लेहकी चरच़ातंई। झांह लेह, अपेहल केहच़ी यीशु मसीहू टोईच़ी विशवास लाहतंई, दोहपल केरे भत्तेर परमेश्वरो कटुरे बणेंके इलोंई।

इफिसियों 1:1

गेह, पोलुस, दि डाक चेह्ची लेहकी तोतग। गेह परमेश्वरो हिटी ऊ हिसाबे यीशु मसीहू प्रेरित शुगाह, गेह दि डाक इफिसुस शहरो बंङज़ा परमेश्वरो मीहतिंङ चेहच़ातग, अंऊ मसीहू यीशु थल्जी वफादार तोह।

फिलिपियों 1:1

गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

1 थिस्सलुनीकियों 1:1

दि डाक पोलुसे सिलवानुस ए तीमुथियुसो तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहरिंङ तोह। ञेंहच़ी प्रार्थना लहज़ातंई कि परमेश्वर केतिंङ मोह्ड़े दाह ए शांति रमतो।

1 थिस्सलुनीकियों 3:2

दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।

2 थिस्सलुनीकियों 1:1

दि डाक पोलुस सिलवानुस ए तीमुथियुस तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहू तोतोर।

1 तीमुथियुस 1:1

गेह पोलुस अंऊ हेंदु उद्धारकर्ता परमेश्वर ए यीशु मसीह, अतु टोहकठे हेंज़ी उम्मीद तहज़ातंई, दोऊ अधिकारो दोरच़ी यीशु मसीहू इच्च़ा प्रेरित शुगाह,

2 तीमुथियुस 1:1

गेह पोलुस अंऊ हेंदु बाह परमेश्वरो तरफे यीशु मसीहू प्रेरित शुगाह, परमेश्वरे गिह्बी च़रति ताकि गेह मीहतिंङ कंज़े तरपोग कि दोई मसीह यीशु रिंङ विशवास लहज़ा तिंङ दि अनंत जीवन रंड्रीमी वाईदा लहसी ततो।

तीतुस 1:1

गेह पोलुस अंऊ परमेश्वरो दास ए यीशु मसीहू प्रेरित शुगाह, केतिंङ दि डाक चेहच़ातग। गेह परमेश्वरो अंङषी मीहतिंङ पक्‍का लहज़ी ए दुह सच्चाईऊ शिक्षा समझेक्सिमी थल्जी अंङषी शुई, ताकि दोरे झांह ठ्रोह जीवन श्रींङमोंई अंऊ परमेश्वराबि खुश लहज़ा।

फिलेमोंन 1:1

गेह पोलुस अंऊ यीशु मसीहू सेवकाई ऊ थल्जी जेलारिंङ तोतोग। दिह डाक चेहच़ातग। ञेंहतु विशवासी न्वा तीमुथियुसो तरफे कनिंङ फिलेमोनबि ला नमस्कार। काह हेंदु साथी मित्र शुनाह दंङ हेंदु ठ्रोह ए मसीहू सेवा लहज़ातन।

इब्रानियों 13:23

केतिंङ दि हिद शोतो कि, हेंदु विशवासी न्वा तीमुथियुस कैदो दोरच़ी रिहा शुहचे इलज़ा, दंङ अगर दू युरनाह अच़ा अति, दंङ गेह दोरंङ साते केहतु कछंङ दोहई अपोग।