1 तीमुथियुस 6:20 - लाहौली बाइबिल

²⁰ हे तीमुथियुस अंऊ कम परमेश्वरे कनिंङ रांहषी ततो दोतु रखवाली लोह। झांह ठ्रोह भक्तिमेह ए मुर्खता ओ गप्पा ए शिक्षा ओ दोरच़ी ऊईतार बंङज़ु अंऊ परमेश्वरो सच्चे शिक्षा ओ विरोध लहज़ातोर, अतिंङ दोच़ी गलत तरीका रंङ साते “शिक्षा” कुट्रातोर।

1 तीमुथियुस 6:20 Iomraidhean Croise

प्रेरित 16:1

पोलुस ए सिलास दिरबे शहरंङ इलिर दंङ दोरकी विशवासी तंङ दोआ दंङ दोरच़ी लुस्त्रो शहरो हखा इलिर। दंङ दोहर इच्च़ा विशवासी बंङज़ाते अतु मिन तीमुथियुस तोहई। दोऊ याह इच्च़ा यहुदी विशवासी तोहई, पर दोऊ बाह ऊई जातिऊ तोहई।

प्रेरित 17:18

दोहपल रै विद्वाना अंऊ इपिकुरी विशवासो भाषे लहज़ातेर दंङ ऊई सतोईकी विशवासो भाषे लहज़ातेर दोतंङ साते बहस लहज़ी लेहतिर दंङ रैह ज़ि रूहक्तिर, “दिह बकवास लहज़ा ए छि कुट्री लेह्की तोह?” पर ऊई ज़ि कुट्री लेहतिर, “दुह ऊई भगवाना तु प्रचारक शोतो,” छना कुचे दोई यीशु श्रींङमी पाहठी रूठे खबर सुनाएची लेह्की तोह।

प्रेरित 17:21

छना कुचे भत्ते एथेंस शहरो मीहरे ए परदेशी अंऊ दोहर बंङज़ातेर, खरकोई-खरकोई गप्पा कुट्री ए रेड्रीमी अलावा ऊई छिला कहम माह लहज़ातेर।

रोमियो 1:22

दोरे एनाबि बुद्धिमान ञेंहच़ा मुर्ख बणेंके इलिर,

रोमियो 3:2

वोई, इच्च़ा यहुदी शुहबिमी महस फायदा तोह। भत्ते बे ज़रूरी गप्पा दि तोह कि, परमेश्वरो बचन यहुदी मीहतिंङ रांहषी तोह।

1 कुरिन्थियों 2:6

तांला गेह दोतिंङ, अंऊ आत्मिक रूपारिंङ पक्‍का तोतोर, ज्ञान पिंङषी खबर रंड्रातग पर दि ज्ञान माह दि जुगो शुह दंङ माह ए दुह जुगो अधिकारी तु शुह, अतु नाश शुहबी पक्‍का तोह।

1 कुरिन्थियों 3:19

छना कुचे दि संसारो मीहतु ज्ञान परमेश्वरो कछंङ मुर्खता तोह, छना पवित्र शास्त्रा रिंङ च़ेहसी तोह कि, “परमेश्वर ज्ञानवान दोतु चालाकी दोतिंङ ए फसाच़िमी थल्जी फंदा ओ रूपारिंङ लहज़ा,”

कुलुस्सियों 2:18

अरिला मीह हप्सी दीनता ए स्वर्गदूता तु पूजा लहज़ा केतिंङ ज़रको ईनामो दोरच़ी वंचित लेह माह जूंस, झांह ठ्रोह मीह दर्शनो गप्पारिंङ लेहकी बंङज़ा पर दिह भत्ते बकवास तोह छना कुचे दोतु सेहम मतलबी हिटी रंङ साते पिंङषा तोह।

कुलुस्सियों 2:8

खबरदार तोहई कि अरिया केतिंङ संसारो ज्ञान ए फालतु धोखा रंड्री माह जूंस, दिह गप्पारे मीहतु परम्परा ए संसारो शिक्षा ओ हिसाबे तोह। माह कि मसीहू दोरच़ी।

2 थिस्सलुनीकियों 1:4

झांह लेह ञेंरे परमेश्वरो कलीसिया ओ बिचंङ केहतु पाहठी घमण्ड लहज़ातंई, छना कुचे केरे धीरज़ ए विशवासारंङ साते भत्ते पाहठी मुसीबत सहन लहज़ातंई दंङ केरे हेंतेग ला यीशु मसीहू टोहकठे विशवास लहज़ातंई।

2 थिस्सलुनीकियों 2:15

झांह लेह हे गिऊ प्‍यारे साथी विशवासी रे, खड़े बंङज़ुंई, दंङ दुह गप्पातु टोहकठे विशवास लोहवा लंहि, अंऊ ञेंहच़ी केतंङ साते बंङज़ा या डाको दोरच़ी केतिंङ सिखाएक्तुंई।

1 तीमुथियुस 1:11

दि सच्चा शिक्षा हेंदु अद्धभुत परमेश्वरो महिमा ओ पाहठी रूठे खबरो मुताबिक तोह, अच़ि गिह्बी प्रचार लहज़िमी ज़िम्मेवारी रांहषी ततो।

1 तीमुथियुस 1:2

गेह दि डाक तीमुथियुस बि चेहच़ा तोग अंऊ गिऊ थल्जी इच्च़ा योह ठ्रोह तोह छना कुचे केई ला मसीहू टोहकठे विशवास लहज़ातन छना गेह लहज़ातग। गेह प्रार्थना लहज़ातग कि बाह परमेश्वर ए हेंदु प्रभु यीशु मसीह कनिंङ मोह्ड़े दाह ए शांति रम्मा लोहतो।

1 तीमुथियुस 1:6

हप्साड़ शिक्षका ज़ि दि भत्ते चीज़ छोड़ेके केहतोर दंङ सिर्फ बेकार गप्पातु टोहकठे गप्पा लहज़ातोर।

1 तीमुथियुस 1:9

ञेंहच़ी ञेंहच़ातोंई कि कानून धर्मी मीहतु थल्जी मशत पर दोतु थल्जी शुह अंऊ दोच़ी परमेश्वरो कानूनो अनदेखा लहज़ातोर दंङ दोऊ भाषे माह लहज़ातोर, दंङ लगातार पाप लहज़ातोर दंङ अंऊ मीहरे अपवित्र तोतोर, दंङ परमेश्वरो आदर माह लहज़ातोर, दोरे मीहरे अंऊ एनोह याह-बाह ए ऊई मीहतु हत्या लहज़ातोर,

1 तीमुथियुस 4:7

पर दुह बनावटी कथारिंङ केनातु टेम बरबाद थालंही, अंऊ दोरच़ी परमेश्वराबि आदर माह खोकसा। बल्कि हेंदिंङ लगातार सिखासी जूंस, कि हेंदु जीवनो दोरच़ी परमेश्वराबि छना आदर रमोंई।

1 तीमुथियुस 6:11

पर हे तीमुथियुस, कांह परमेश्वरो मीह शुनाह, कनिंङ दि भत्ते चीज़ लहच़िमी दोरच़ी बचेक्पी जूंशी तोह, दंङ धर्मिकता, भक्ति, विशवास, दाह, धीरज़, ए नम्रता रिंङ लेहकी बंङज़ु।

1 तीमुथियुस 6:14

कि केई दुह भत्ते लोह अपि पूरी रीतिरंङ साते लहच़िमी थल्जी परमेश्वरे कनिंङ हुकुम रांहषी ततो, ताकि अरिला प्रभु यीशु मसीहू यह्च़ा वापिस अपिमी तचेक कांह टोहकठे छल्ले गलत लहज़िमी दोष माह लगासी तरपोतो।

2 तीमुथियुस 2:1

झांह लेह हे गिऊ योह तीमुथियुस, कांह दुह मोह्ड़े दाह रंङ साते अंऊ यीशु मसीह रंड्रा, बलबंत शुहचे ईल,

2 तीमुथियुस 2:16

संसार ए बेकार गप्पो दोरच़ी शत्‌ह बंङज़ु, छना कुचे झांह ठ्रोह गप्पारे मीहतिंङ परमेश्वरो दोरच़ी ऊई ला ऊईतार शिल्ज़िमी वहज़ा बणेंके इबि।

तीतुस 1:14

यहुदी तु बनावटी कथा ए सच्चाई ओ दोरच़ी शत्‌ह शुहचे मीहतु हुकुमो हखा ध्यान थारांई।

तीतुस 1:4

गेह दि डाक तीतुस बि चेहच़ातग। अंऊ गिऊ थल्जी इच्च़ा योह ठ्रोह तोह छना कुचे कांह ला मसीहू टोहकठे विशवास लहज़ा छना गेह लहज़ातग गेह प्रार्थना लहज़ातग कि बाह परमेश्वर ए हेंदु उद्धार लहज़ा प्रभु यीशु मसीह केतिंङ मोह्ड़े दाह ए शांति रम्मा लोहतो।

तीतुस 1:9

दोबि यीशु मसीहू विशवासो जोगे खबरो टोहकठे पक्‍का रंङ विशवास लेह जूंशी तोह अंऊ हेंज़ी सिखाएसी तातंई ताकि दुह ऊईतिंङ हेले ऊ शिक्षा मनेक्च़िमी थल्जी उत्साहित लेह तरपोतो दंङ दोतु गलती माफ लेह तरपोतो।

तीतुस 3:9

पर मुर्ख गप्पो बहसो दोरच़ी शत्‌ह बंङज़ु, बाह-मेमेतु लम्हें सुचि थल्जी टेम बरबाद थालंही, बैर विरोध ए दुह झगड़ो दोरच़ी, अंऊ मूसा ओ नियम कानूनो पाहठी शोतो, दोतंङ बचेके तोंई, छना कुचे दुह गप्पो छल्ले फायदा माह दंङ माह ए अतुआ मदत लहज़ी।

प्रकाशित वाक्य 3:3

दुह शिक्षा बि हिद लोह अंऊ केई महस तुहई रेड्री तातन दंङ विशवास लाहतेन। छि कनिंङ सिखासी तोह दोऊ हिद लोह, केनोह बेपरवाही दोरच़ी पश्चाताप लोह। अगर काह बेपरवाही लहज़ी जारी तहज़ातन दंङ गेह अचानक अपोग, छना इच्च़ा चोर अपा, दंङ केई दुह टेम ला माह ञेंहच़ातन अपेहल गेह कनिंङ सज़ा रंड्रीमी थल्जी अपोग।