1 तीमुथियुस 6:18 - लाहौली बाइबिल

¹⁸ दोतिंङ भलाई ऊ कम लहज़िमी थल्जी कुह, दंङ ऊईतु थल्जी छिल्ला ज़रूरत तोह दोबि महस खुले सेहमे दान रम्मा लंहि।

1 तीमुथियुस 6:18 Iomraidhean Croise

मत्ती 5:42

अच़िआ कांह दोरच़ी पेड़ीता, दोबि रंऊ; दंङ अच़िआ कांह दोरच़ी तच्ची अति ता दोबि मना थालोहू।

लूको 12:21

ध्यांए दुह मीहरंङ साते शोतो, अच़ि भत्ते धिर एनोह थल्जी ठ्रोहका लहज़ा, पर परमेश्वरो सेवा लहज़िमी थल्जी एनोह ताकत ए टंगा ढबाओ इस्तेमाल माह लहज़ा।”

लूको 3:11

दोई दोतिंङ जुबाब रेंई, “अतु कछंङ झुह्ट कुर्ती रे तोह दुह दोतंङ साते अतु कछंङ माह तोद दोबि रें च़रतु, दंङ अतु कछंङ बगत तोह, दुह ला झांह ए लोहू।”

प्रेरित 10:38

केतिंङ दि ला पता तोह परमेश्वरे छना ठ्रोह नासरत नगरो यीशु बि पवित्र आत्मा ए सामर्थ रंङ साते अभिषेक लहरी; दुह ठहरि-ठहरि इलजी हमेशा मीहतु थल्जी भलाईओ कम लहज़ाते, दंङ दोतिंङ आईन लहरी अंऊ दोरे शेतानो वहज़ा ज़ि तकलीफा रिंङ तोईरे, छना कुचे परमेश्वर दोरंङ साते तोहई।

प्रेरित 11:29

दोथर अन्ताकिया ओ विशवासी ज़ि एनोह-एनोह टंगा-ढबाहो हिसाबे यहुदिया प्रदेशंङ बंङज़ा विशवासी तु मदत लहज़िमी फेंसला लहरिर।

प्रेरित 9:36

याफा शहर, तबीता मतलब दोरकास मिंदंङ इच्च़ा विशवासी मेच़िमी तोहई। दोई महस ए रूठे-रूठे कम ए गरीबा तु मदत लहज़ाते।

रोमियो 12:13

परमेश्वरो मीहतिंङ छिल्ला ज़रूरत तोह, दोतु मदत लोह प्रोहानातु थल्जी केनातु चुंङ खी पेतंङ अल्ज़े तोह।

रोमियो 12:8

अतिंङ उत्साहित लहज़िमी वरदान खोकसा तोह ता, दू उत्साहित लोहवा लोह अगर ऊईतु ज़रूरत पूरा लहज़िमी वरदान खोकसा तोह ता दू दान बि ऊईतु मदतो थल्जी महस बे महस रम्मा लोह। अगर अगुवाई लहज़िमी वरदान तोह ता दोबि भत्ते खुशी रंङ साते लोह अंऊ दया लोहतो दू खुशी रंङ साते लोह।

1 कुरिन्थियों 16:2

हप्ता ओ पहला ध्याड़ारिंङ केहतु बिचंङ हर इच्च़ा एनोह आमदनीऊ हिसाबे थोड़े अरे ढबाह शत्‌ह तोह कि गिऊ दोर अपिमी मुक्का केतिंङ ढबाह ठ्रोहका लेह पड़ेक्पोतो माह

2 कुरिन्थियों 8:12

छना कुचे अगर केहतु सेहमरिंङ ऊईतिंङ दान रंड्रीमी विचार तोह ता, दंङ दान दोऊ हिसाबे ग्रहण ला शुहबी अंऊ दोऊ कछंङ तोह माह कि दोऊ हिसाबे अंऊ दोऊ कछंङ माह।

2 कुरिन्थियों 8:9

केहच़ी ञेंहतु प्रभु यीशु मसीहू मोह्ड़े दाह ञेंच़ातंई, कि दू साहुकार शुहचे ला केहतु थल्जी गरीब शुहचे इलि ताकि दोऊ गरीब शुहबी रंङ साते केरे साहुकार शुहचे ईलांई।

गलातियों 6:10

झांह लेह अंऊर तचेक मोका खोकसोतो हेनर भत्ते मीहतंङ साते भलाई लोहनि; खास लहज़ी साथी विशवासी तंङ साते।

इफिसियों 4:28

चोरी लहज़ा यह्च़ा चोरी थालोहू; पर दोबि ईमानदारी रंङ साते मेहनत लहज़ी जूंशी तोह, ताकि गरीब मीहतु मदत लहज़िमी थल्जी दोऊ कछंङ छा शोतो।

1 तीमुथियुस 5:10

दंङ एनोह रूठे कमो वहज़ा ज़ि दोऊ मिन शोतो, मतलब अच़ि एनोह कटुतु पालन-पोषण रूठे रंङ लहसी शोतो, दंङ पौहना तु सेवा लहसी शोतो, दोई ऊई विशवासी तु सेवा इच्च़ा परगरो ठ्रोह लहसी शोतो, दंङ दुखी मीहतु सेवा लहसी शोतो, दंङ हर पाहठी ऊ रूठे कमरिंङ सेहम लेहकी शोतो।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

इब्रानियों 13:16

केरे भलाई लहच़ी ए इदि-अई दिऊ मदत लहज़िमी थल्जी तेयार बंङज़ुंई, छना कुचे परमेश्वर झांह ठ्रोह बलिदाना रंङ साते खुश शवाह।

याकूब 2:5

हे गिऊ प्यारे साथी विशवासी रे रेड्रुंई। छि परमेश्वरे दि संसारो गरीबातिंङ अंङे चरच़तो कि दोरे विशवासरिंङ साहुकार, दंङ दुह राज्यऊ अधिकारी शोर, अतु वाईदा परमेश्वरे दोतंङ साते लहसी ततो, अंऊ दोहरंङ साते दाह लहज़ा तोर?

1 पतरस 3:11

दोबि पक्‍का ए दू लेह बन्द लहज़ी जूंशी तोह अंऊ मदम तोह। दिऊ वहज़ा, दोबि दू ए लहज़ी जूंशी तोह अंऊ रूठे तोह। ऊईतिंङ साते शांति रंङ साते बंङज़िमी महस कोशिश लंहि।

1 यूहन्ना 3:17

पर अतु लाह दोर्तिंङ संसारो टंगा ढबाह तोह दंङ दोई एनोह विशवासी न्वाऊ ज़रुरतो मुक्का दोबि रें दोऊ टोईच़ी तरस लेह माह जुंज़ा, दंङ दोऊ अन्द्रेग परमेश्वरो दाह छना बणेंके बंङज़तो?

3 यूहन्ना 1:11

प्यारे मित्रा, दुह मीहतु नकल थालोहू अंऊ बुराईओ कम लहज़ातोर, पर दुह मीहतु थले ज़ोज़ा अंऊ रूठे कम लहज़ातोर। अपेहल अच़िया रूठे कम लहज़ा दंङ दोई दि साबित लहज़ा कि गेह परमेश्वरो योह शुगाह दंङ अंऊ बुराई लहज़ा दोई परमेश्वर सेहतिर माह।