1 तीमुथियुस 6:17 - लाहौली बाइबिल

¹⁷ दि संसारो साहुकारातिंङ हुकुम रांई कि दोरे घमण्डी थाशुंई दंङ एनोह ढबोह टोहकठे विशवास तंही अंऊ कि महस टेम तचेक माह बंङज़ोतो, पर परमेश्वरो टोईच़ी विशवास लोह, अंऊ हेंदु सुखो थल्जी भत्ते धिर महस रंड्रा।

1 तीमुथियुस 6:17 Iomraidhean Croise

मत्ती 12:32

अच़िला गेह मीहू योहू खिलाप छाह गप्पा कोतो, दोऊ दि गलती माफ शुहचे योतो पर अच्च़ी लाह पवित्र आत्मो खिलाप छाह कोतो, दोऊ गलती माह दिह संसार माह परलोकंङ माफ शोतो।

मत्ती 19:23

दंङ यीशुज़ि एनोह चेला तङ साते कुतोह, “गेह केतंङ साते हेले कुट्रातग कि ढबोह घ्राकातु स्वर्गंङ इबी खरे तोह।

मत्ती 25:16

दंङ अतिंङ ङा तोड़ा खोकसिरी दोई दोथरे इलजे दोतु लेन-देन लेह ऊहई ङा तोड़ा कमाकतो।

मत्ती 27:57

ञोंकल कि ध्याड़ा शुहत यूसुफ मिन्ज़ी अरीमतिया ऊ इच्च़ा साहुकार मीह, अरी एने यीशु चेला तोहई दोहर अंजा।

मत्ती 6:32

छना कुचे ऊई जातिरे दिह भत्ते चीज़र पेट्रातोर, पर केहतु स्वर्गीय बाह ञेंहच़ा कि केतिंङ दिह भत्ते चीज़ा तु ज़रूरत तोह। दिऊ थल्जी, चिंद थालांई।

मरकुसो 10:24

चेलारे दोऊ गप्पा रेड्रा हेरान शुहचे इलिर। दिऊ टोईच़ी यीशु ज़ि यहचा दोतंङ साते कुतोह, “हे गिऊ न्वारे, अंऊ ला टंगो टोईच़ी विशवास लोहतो दोतु थल्जी परमेश्वरो राज्य रिंङ प्रवेश लहज़ी महसे खरे तोह।

लूको 19:2

दोर तिंङ जक्कई मिन्दु इच्च़ा मीह तोहई अरी चुंगी लेहप्च़ातु मुख्या ए साहुकार तोहई।

लूको 3:11

दोई दोतिंङ जुबाब रेंई, “अतु कछंङ झुह्ट कुर्ती रे तोह दुह दोतंङ साते अतु कछंङ माह तोद दोबि रें च़रतु, दंङ अतु कछंङ बगत तोह, दुह ला झांह ए लोहू।”

प्रेरित 14:17

तांला दोई एनोह रूठे कमो दोरच़ी एनोह पाहठी गवाही रंड्रा लहरी: दुह केहतु थल्जी सर्गंङ च़ि संदा दंङ मौसमो हिसाबे फसल रंड्रा; केहतु थल्जी बगत रंड्रा दंङ केहतु सेहम खुश लहज़ा।”

प्रेरित 14:27

अन्ताकिया शहरंङ पिचे, दोच़ी कलीसिया ओ मीहरे ठ्रोहका लहरिर दंङ कुईर, कि परमेश्वरे ञेंतंङ साते शुहचे छना मोह्ड़े-मोह्ड़े कम लहरी! दंङ छना परमेश्वरे ऊईजाति ऊ मीहतिंङ यीशु मसीहू टोहकठे बिशवास लहज़िमी जोगे लहरी।

प्रेरित 17:25

माह छा चीज़ो ज़रूरत रंङ मीहतु माह ए दोबि अरिया मीहू मदतो ज़रूरत तोह, छना कुचे दुह ए भत्ते तु जीवनो सग ए भत्ते ज़रुरतो चीज़ रंड्रा शुह।

रोमियो 11:20

दि हेले शुह, दू ता अविशवासो वहज़ा ज़ि थक्शी केई, पर कांह विशवास रंङ बड़ेकी बंङज़ातोन दिऊ थल्जी घमण्डी शुह, पर बेह्द चेहतु।

इफिसियों 5:5

छना कुचे केहच़ी दि रूठे रंङ ञेंच़ातोंई कि अरिला कुकम लहज़ा, मदम कम लहज़ा, या लालची मीह, अंऊ मुर्ति पूजाऊ बराबर तोह, झांह ठ्रोह कम लहज़ा मीहरे अपेहल ला मसीह ए परमेश्वरो राजो हिस्सा माह बणेक्पोर।

कुलुस्सियों 3:16

मसीहू बचन रे केनातु सेहमरिंङ महसे बसेकपि रांई, दंङ सिद्ध ज्ञाना रंङ साते इदि अईदि बि सिखाएतुंई दंङ सलाह रांई, दंङ केनातु सेहमरिंङ धन्यवाद रंङ साते परमेश्वरो थल्जी भजन ए स्तुतिगान दंङ आत्मिक गीत कुंई।

1 थिस्सलुनीकियों 1:9

छना कुचे दोच़ी ऊईतिंङ कंड्रातोर कि अपेहल ञेंरे केहतु कछंङ अंदेंई, दंङ केहच़ी छना ठ्रोह ञेंहतु स्वागत लहज़ातंई। दंङ केरे छना मुर्ति पूजा ओ दोरच़ी शत्‌ह शुहचे परमेश्वरो हखा किरच़ातंई, ताकि श्रींङे ए सच्चे परमेश्वरो सेवा लोंहई,

1 तीमुथियुस 1:3

हे तीमुथियुस छना कि केई ञेंच़ातन कि इफिसुस शहरा रिंङ रेह झांह ठ्रोह मीहरे तोतोर, अंऊ दोच़ी गलत शिक्षा रंड्रातोर। दोरे लगातार हप्सी कथा दंङ सेंहणा तु पाहठी सिखाएच़ातोर। अपेहल गेह इफिसुस शहरो दोरच़ी मकिदुनिया प्रदेशो हखा इबिमी तेयार तोईगा, दंङ गेह कनिंङ इफिसुसा रिंङ बंङज़िमी थल्जी कुहतग कि दोच़ी झांह ठ्रोह शिक्षा रंड्री माह जूंस। अपेहल दोरे झांह ठ्रोह गप्पा सिखाएच़ातोर, दंङ मीहरे दोतु पाहठी गप्पा लहज़ातोर। दिऊ नतीज़ा दि तोह कि कंड्रा दोरे दुह कम माह लहज़ातोर अंऊ परमेश्वरे दोतिंङ रांहषी तहरे, अपि दोच़ी सिर्फ परमेश्वरो टोईच़ी विशवास लहज़ी लेह तरपोतो। दू हप्सी अगुवातिंङ हुकुम रोंऊ कि दू हप्सी नियम कंड्री बन्द लोह अंऊ गलत तोह।

1 तीमुथियुस 3:15

कि अगर गिह्बी अपिमी ख्राह शोतो, दंङ केतिंङ दि गप्पो खबर शुहबी जूंस कि परमेश्वरो टबरातु बिचंङ छना ठ्रोह बरताव शुहबी जूंस। परमेश्वरो टबर श्रींङी परमेश्वरो कलीसिया शुह; दि ध्वांए ठ्रोह हेले शिक्षा ओ साथी रंड्रातोर दंङ दोतिंङ बणाके तहच़ातेर, छना मुयांद ए थम्मे घरबारा बि सहारा रंड्री दंङ दोबि पक्‍का लेह।

1 तीमुथियुस 4:10

ञेंरे दि जीवन खोकच़िमी थल्जी ञेंहच़ी मेहनत ए कोशिश दिऊ थल्जी लहज़ातंई कि हेंदु उम्मीद दू श्रींङे परमेश्वरो टोहकठे तोह; अंऊ भत्ते मीहतु खासकर विशवासी मीहतु उद्धार लहज़ा शुह।

1 तीमुथियुस 5:21

गेह परमेश्वर ए यीशु मसीह, दंङ अंङषी स्वर्गदूतातु हाज़िर ञेंए ते, गेह कनिंङ हुकुम रंड्रातग कि केई छिल्ला लहज़ातन, दोरिंङ अरिला मीहू थल्जी पक्षपात मेह कम लोह।

1 तीमुथियुस 6:13

परमेश्वरो तुईज़ी अंऊ भत्ते तिंङ ज़िंदगी रंड्रा, दंङ यीशु मसीह अंऊ पुन्तियुस पिलातुस ओ तुईज़ी एनोह पाहठी हेले कुहते, दोकु झुल्लो हाज़िरी रिंङ, गेह केतिंङ दि हुकुम रंड्रातग।

1 तीमुथियुस 6:9

पर अंऊ साहुकार शुहबी जुन्ज़ातोर, दोरे भत्ते पाहठी पाप लहज़िमी थल्जी युरनाह धोखा रंड्रातोर दंङ इच्च़ा जानवरो ठ्रोह फंदारिंङ फसेके यवातोर दोरे दुह कम लहच़ी जुन्ज़ातोर अंऊ दोतु थल्जी मुर्ख ए खतरनाक तोह दंङ दि हिटी दोतिंङ बरबाद लेह केट्रा दंङ पूरी तरह नाश लेह केट्रा।

2 तीमुथियुस 4:10

छना कुचे देमासे दि संसारो चीज़ारे प्यारे चेहके गेह छोड़ेके चरच़तो दंङ थिस्लुनीके शहरो हखा अच़ा इलज़ा। क्रेसकेंस ला गलातिया प्रदेशो हखा दंङ तीतुस दलमतिया प्रदेशो हखा अच़ा इलज़ा।

तीतुस 2:12

दि मोह्ड़े दाह ओ दोरच़ी परमेश्वर हेंदिंङ हुकुम रंड्रा, कि हेनर ध्वांए ठ्रोह व्यवहार लेह बन्द लेह च़रपोंई, अंऊ दोबि खुश माह लहज़ा, दंङ दुह चीज़ा तु लालच लेह बंद लंहि अतु हिटी अविशवासी ज़ि तहच़ातेर, दंङ अपेहल हेनर हेंतेग दि धरतीऊ टोहकठे ए तोतोंई दंङ बुद्धिमानी ए धर्मिकता रंङ दि तरीका रंङ साते कम लंहि कि अंऊ परमेश्वराबि खुश लहज़ा।

तीतुस 3:6

हेंदु उद्धारकर्ता यीशु मसीह छि लहसी ततो दोऊ दोरच़ी परमेश्वरे हेंदिंङ पवित्र आत्मा रांहषी ततो, ताकि दुह हेंदिंङ सामर्थो कम लेह तरपोतो।

2 पतरस 1:11

पर परमेश्वर केहतु दुह राज्य रिंङ रूठे रंङ स्वागत लोहतो अंऊर यीशु मसीह तोह, अंऊ हेंदु प्रभु ए हेंदु उद्धारकर्ता तोह, अंऊ हमेशा ओ थल्जी रज्ज़ा ओ रूपा रिंङ राज लोहतो।