1 तीमुथियुस 6:16 - लाहौली बाइबिल

¹⁶ सिर्फ दुह ए तोह अंऊ हमेशा ओ थल्जी श्रींङी तोह, दुह धोंण चमकदार छंङीरिंङ बंङज़ा, कि अरिला दोऊ कछंङ अपि मरछा, माह ता दोबि अच़िया मीह खंड्री तरपोतो। दोऊ महिमा ए सामर्थ युगानयुग बंङज़ोतो। अमीन।

1 तीमुथियुस 6:16 Iomraidhean Croise

यहून्नो 1:18

परमेश्वरा बि अच़िला अपेहला तंङशी माह शुह। सिर्फ परमेश्वरो इच्च़ा योह अंऊ सच्चा परमेश्वर शुह दंङ अरी बाहो कछंङ तोह, अच़ि ञेंतिंङ कंङातो कि परमेश्वर छना ठ्रोह तोह।

यहून्नो 14:9

यीशु ज़ि दोऊ हखा कुंई, “हे फिलिप्पुस, गेह धोंण ध्याड़ा बे करंङ साते तोतोग, दंङ छि केई गेह माह ञेंहना? अच़िला गेह तंङसी शुह दोई पिता परमेश्वर ला तंङसी शुह: केई छिले कुट्रातन पिता परमेश्वर बि ञेंतिंङ कंड्रु?

यहून्नो 6:46

अच़िला पिता परमेश्वर तंङसी माह। गेह इच्च़ा तोतग अरी परमेश्वरो दोरच़ी अंज़े शुगाह, अच़ि दुह तंङतो।

यहून्नो 8:58

यीशु ज़ि दोतंङ साते कुंई, “गेह केतंङ साते हेले कुट्रातग कि गेह अब्राहमो जेहकपिमी बे तुहई शुगाह।”

फिलिपियों 4:20

परमेश्वर हेंदु बाह ओ महिमा युगानयुग शुहवा लोहतो। अमीन।

कुलुस्सियों 1:15

अच़िला परमेश्वर बि खंड्री मरपोतो, पर अपेहल दोऊ योह इच्च़ा मीह बणेक्ति, दंङ दोई परमेश्वरा बि मीहतु तुहई ज़ि प्रगट लेह च़रति, अंऊ ला चीज़ा बणेक्पिमी तुहई दुह मौजूद तोहई दंङ भत्ते धरतीऊ टोहकठे भत्ते बे मोह्ड़े दोऊ अधिकार तोह।

1 तीमुथियुस 1:17

दंङ हेंतेग अनंतकालो रज्ज़ा अंऊ हमेशा ओ थल्जी श्रींङी तोह अपि अच़िला खांई मरपोर, इच्च़ा ए सच्चा परमेश्वरो आदर ए महिमा युगानयुग शुहवा लोहतो। अमीन।

इब्रानियों 13:8

यीशु मसीह मुतंङ ए तोग ए युगानयुग इच्च़ा ठ्रोह तोह, दू अपेहल ला माह लेहक्सतो।

याकूब 1:17

छना कुचे हर इच्च़ा रूठे वरदान दंङ हर इच्च़ा रूठे दान परमेश्वरो दोरच़ी खोकसा, अच़ि सर्गंङ भत्ते छंङी तिंङ बणाएक्तो। परमेश्वर हमेशा इच्च़ा ठ्रोह तोह दंङ दुह सिलमो ठ्रोह लेहक्सा माह।

1 यूहन्ना 1:5

अंऊ रूठे खबर ञेंहच़ी यीशु दोरच़ी रेहशी तातंई दंङ केतिंङ ला सुनाएच़ातोंई, दुह दिह तोह कि परमेश्वर छंङी ओ ठ्रोह पवित्र तोह दंङ दोबि छल्ले बुराई माह।

1 यूहन्ना 1:7

अगर हेनर सही तरीका रंङ जीवन श्रींङमोंई, छना परमेश्वर सिद्ध रूपा रिंङ हेले तोह ध्वांए हेनर ला हेलेरिंङ श्रींङमोंई, दंङ इदि-अईदिरंङ साते संगति तहज़ातंई। दंङ परमेश्वरो योह यीशु मसीहू शुहई हेन्दिंङ भत्ते पापो दोरच़ी शुद्ध लहज़ा।

1 यूहन्ना 4:12

परमेश्वराबि अपेहल ला अच़िला माह तंङरि; अगर हेनर हेंदु बिचंङ दाह तोहनि, ता परमेश्वर हेन्दंङ साते बणेंके बंङज़ा; दंङ दोऊ दाह हेन्दंङ सिद्ध शुहचे यवाह।

प्रकाशित वाक्य 1:8

प्रभु परमेश्वरे कुट्रा, “गेह अल्फा ए ओमेगा शुगाह, मतलब, शुरूआत ए अंत शुगाह। गेह ए शुगाह अंऊ तोतोग, अंऊ तोईगा, दंङ अंऊ एंतेग अपिमी तोह दंङ सर्वशक्तिमान तोह।”

प्रकाशित वाक्य 21:3

दंङ गेह इच्च़ा सग रेड्रीगा अंऊ परमेश्वरो सिंहासनो दोरच़ी कुट्री, “खंणु! एंतेग परमेश्वर मीहतु बिचंङ वास लोहतो दंङ एंतेग बेहच़ी परमेश्वर दोतंङ साते बंङज़ोतो, दंङ दोरे दोऊ मीहरे शोरे। दुह एनाह, दोतिंङ एनोह मीहतु रूपारिंङ स्वीकार लोहतो दंङ दुह दोतंङ साते बंङज़ोतो, दंङ दोरे ला दोबि एनोह परमेश्वरो रूपा रिंङ स्वीकार लोहर।

प्रकाशित वाक्य 22:5

दोर्तिंङ यह्च़ा अपेहला रात माह शोतो, अंऊ मीहरे दोर्तिंङ बंङज़ातोर, दोतिंङ एनोह अमरिंङ छंङी ओ थल्जी छंङीऊ ज़रूरत माह शोतो। माह ए दोतिंङ छंङी रंड्रीमी थल्जी ऐकेऊ ज़रूरत तोह। छना कुचे परमेश्वर ए तोह अंऊ मीहतु थल्जी छंङी रंड्रा। दंङ दिरे मीहरे अंऊ दोर्तिंङ बंङज़ातोर दोरे हमेशा ओ थल्जी राज लोहरे।

प्रकाशित वाक्य 4:11

“हे ञेंहतु प्रभु परमेश्वर, कांह महिमा खोकच़िमी जोगे तोतोन। कांह आदर खोकच़िमी जोगे तोतोन। काह सामर्थशाली तोतोन छना कुचे केई भत्ते चीज़ो रचना लहसी शुह। केई जुंज़ातन कि दुह अस्तित्वा रिंङ अपतो दंङ दिऊ थल्जी दोतु रचना शुई।”

प्रकाशित वाक्य 7:12

अमीन! ञेंहच़ी घोषणा लहज़ातंई कि ञेंहतु परमेश्वर महान, सामर्थशाली, ए पराक्रमी, ए ज्ञानवान तोह। अतंई हेनर हमेशा-हमेशा ओ थल्जी दोऊ महिमा लोहनि दंङ दोबि धन्यवाद रमोंई। अमीन।