1 तीमुथियुस 6:14 - लाहौली बाइबिल

¹⁴ कि केई दुह भत्ते लोह अपि पूरी रीतिरंङ साते लहच़िमी थल्जी परमेश्वरे कनिंङ हुकुम रांहषी ततो, ताकि अरिला प्रभु यीशु मसीहू यह्च़ा वापिस अपिमी तचेक कांह टोहकठे छल्ले गलत लहज़िमी दोष माह लगासी तरपोतो।

1 तीमुथियुस 6:14 Iomraidhean Croise

1 कुरिन्थियों 1:8

परमेश्वर केतिंङ थल मुक्का तचेक विशवासारिंङ पक्‍का लोहवा लोहतो, कि केरे दू ध्याड़ा अपेहल हेंदु प्रभु यीशु मसीह धरती ऊ टोईच़ी वापिस अपतो निर्दोष शोतो।

इफिसियों 5:27

दू एनोह कलीसिया ओ थल्जी ला सिए इलि ताकि दू एनोह भत्ते मीहतिंङ सिद्ध बणाके तरपोतो दंङ हेंदिंङ एनोह हाज़िर रिंङ हपि तरपोतो, अतु दोर छा दोष या पाप या मदम गप्पा शुहबी मेस; पर दोरे पवित्र ए सिद्ध शुहबी जूंस।

फिलिपियों 1:10

झांह लेह केरे चुनाव लहज़िमी जोगे शोंई कि छि कम लहज़ी ठीक तोह, ताकि यीशु मसीहू दोबारा वापिस अपिमी ध्याड़ा तचेक ताकि केरे पवित्र ए निर्दोष शुहचे बंङज़ुंई।

फिलिपियों 1:6

गिह्बी दि गप्पा ओ विशवास तोह कि परमेश्वरे केहतु बिचंङ छा रूठे लहच़ी शुरूआत लहतो, दोई ए दोबि यीशु मसीहू वापिस अपिमी ध्याड़ा तचेक पूरा लोहतो।

फिलिपियों 2:15

ताकि केरे निर्दोष ए रूठे शुहचे ते डेहरे ए हठीले मीहतु बिचंङ परमेश्वरो निष्कलंक सन्तान बड़ेकी तोंई, अतु बिचंङ केरे जीवनो बचन कुरच़ा सर्गो करज़े तु ठ्रोह चमकेपी जूंस।

कुलुस्सियों 1:22

पर परमेश्वरे हेंतेग एनोह योह बि मीह बणाके दंङ दोऊ क्रूसो टोहकठे सिमी दोरच़ी केहतु ला मेल लहच़ी च़रति ताकि केतिंङ एनोह तुईज़ी पवित्र ए निष्कलंक, दंङ निर्दोष लहज़ा हाज़िर लोहतो।

कुलुस्सियों 4:17

दंङ अरखिप्पुस ओ हखा कुंई कि “अंऊ सेवा प्रभुरिंङ कनिंङ रांहषी तोह, दोबि रूठे रंङ साते पुरे लोह।”

1 थिस्सलुनीकियों 3:13

दंङ ञेंहच़ी प्रार्थना लहज़ातंई कि हेंदु प्रभु यीशु मसीह केहतु सेहम झांह ठ्रोह पक्‍का लोहतो, कि अपेहल दुह एनोह भत्ते पवित्र मीहतंङ साते वापिस अपतो, दंङ दुह हेंदु बाह परमेश्वरो तुईज़ी पवित्रतारिंङ निर्दोष ठहरेसोतो।

1 थिस्सलुनीकियों 5:23

शांति ऊ परमेश्वर एनेह ए केतिंङ भत्ते रीतिरंङ साते पवित्र लोहतो; दंङ केहतु भत्ते आत्मा, प्राण फुक हेंदु प्रभु यीशु मसीहू यह्च़ा वापिस अंजा तचेक दोष मेह बणाके तंही।

2 थिस्सलुनीकियों 2:1

हे गिऊ प्यारे साथी विशवासी रे, ञेंरे हेंदु प्रभु यीशु मसीहू यह्च़ा वापिस अपिमी पाहठी ए दंङ दुह ध्याड़ो पाहठी चेहच़ातंई, अपेहल हेनर ठ्रोहका शुहचे दोरंङ दोओनि।

2 थिस्सलुनीकियों 2:8

दिऊ थल दुह मदम मीह प्रगट शोतो, अतिंङ प्रभु यीशु एनोह हुकुम ए एनोह अपिमी महिमा ओ छंङी रंङ साते दुह मदम मीह बि सच़ी च़रपोतो।

1 तीमुथियुस 6:20

हे तीमुथियुस अंऊ कम परमेश्वरे कनिंङ रांहषी ततो दोतु रखवाली लोह। झांह ठ्रोह भक्तिमेह ए मुर्खता ओ गप्पा ए शिक्षा ओ दोरच़ी ऊईतार बंङज़ु अंऊ परमेश्वरो सच्चे शिक्षा ओ विरोध लहज़ातोर, अतिंङ दोच़ी गलत तरीका रंङ साते “शिक्षा” कुट्रातोर।

2 तीमुथियुस 4:1

अपेहल प्रभु यीशु मसीह इच्च़ा रज्ज़ा ओ ठ्रोह राज लहज़ी अपतो, दुह श्रींङे ए सिए झुल्ला तु फेंसला लोहतो, झांह लेह गेह परमेश्वर ए प्रभु यीशु मसीहऊ हाज़िरी रिंङ दि बिनती लहज़ातग।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

इब्रानियों 9:14

दंङ सोचेक्तुंई कि मसीहू शुहई हेंदु सेहमा बि दू कमो दोरच़ी अंयों शुद्ध लोहतो अंऊ मौतो हखा शिलज़ातोर, ताकि हेनर श्रींङे परमेश्वरो सेवा लोहनि। छना कुचे अनंत आत्माओ सामर्थो दोरच़ी, मसीह ज़ि हेंदु पापो थल्जी एनाबि बलिदान लेह परमेश्वर बि भेंटो रूपारिंङ रें च़रति।

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

1 पतरस 1:19

दिऊ वहज़ाज़ि, परमेश्वरे केतिंङ मसीहू अनमोल शुहई दोरच़ी च़ुमने च़रति अंऊ हेंदु पापो थल्जी बलि ऊ रूपा रिंङ सिए इलि। दोऊ मौत हेंदु थल्जी परमेश्वरो इच्च़ा कुरच़ो रूपा रिंङ सिद्ध बलि तोहई, छना कि यहुदी पुरोहिता तु दोरच़ी बलि चढ़ाएच़ा सिद्ध ए छल्ले दाग मेह तोहईरे।

1 पतरस 1:7

दि मुसीबतो मकसद दि कंड्री तोह छि केरे हेले रिंङ परमेश्वरो टोईच़ी विशवास लहज़ातंई। यीशु मसीह रिंङ केहतु विशवास ज़ंङ बे महस कीमती तोह। छना नाशवान शुहच़ा ज़ंङ मेहू बिचंङ परखेक्च़िमी थल्जी दंङ शुद्ध लेह, ध्वांए ठ्रोह अगर केहतु विशवास परखकेक्सी रंङ साते विशवास पक्‍का शुहवा, दंङ दू ध्याड़ा महस षटणा ए मोह्ड़े दाह ए आदर रमतो अपेहल यीशु मसीह यह्च़ा अपतो।

2 पतरस 2:21

गिऊ मतलब दि तोह, कि परमेश्वर दुह मीहतिंङ महसे सज़ा रमतो अंऊ मसीहू अम बि छोड़ेके चरच़ातोर बजाए दोतु अंऊ दोच़ी दोबि अपेहला ग्रहण ए माह लहरिर। दोतु थल्जी दि ठीक शुचंङ दोच़ी अपेहला दि ञेंए माह कि एनोह जीवना बि धर्मी तरीका रंङ श्रींङमी थल्जी छि लोहर। एंतेग दोच़ी ञेंहच़ातोर कि सही छि तोह पर दोच़ी परमेश्वरो दुह हुकुम मनेक्च़िमी रंङ साते इंकार लाहतोर अंऊ हेनर, प्रेरिता ज़ि दोतिंङ सिखाएकातेंई।

2 पतरस 3:14

झांह लेह हे गिऊ प्यारे साथी विशवासी रे, अपेहल कि केरे दुह ध्याड़ा रूमज़ा तोतोंई अपेहल परमेश्वरे संसारो न्याय लोहतो दंङ केतिंङ पूरे कोशिश लहज़ी जूंशी तोह ताकि दोई केतिंङ शुद्ध ए दोष मेह शांति रंङ साते एनाह रंङ साते खोकपोतो।

2 पतरस 3:2

गेह दि दिऊ थल्जी लहज़ातग, छना कुचे गेह जुंज़ातग कि केहच़ी दुह बचन हिद तंही, अंऊ परमेश्वरो भविष्यवक्ता ज़ि महस तुहई बेहच़ी कुहषी ताहरेर दंङ उद्धारकर्ता हेंदु प्रभु यीशु मसीहू शिक्षा हिद तंही अंऊ केतिंङ दुह प्रेरिता ज़ि शिक्षा रांहषी तातोर अंऊ केहतु कछंङ अंज़े तोईरे।

1 यूहन्ना 3:2

हे गिऊ प्यारे साथी विशवासी रे, हेंतेग हेनर परमेश्वरो कटुरे शुहचे तोनि, दंङ हेंतेग तचेक दिह प्रगट शुहचे माह कि हेनर छना शोंई! ञेंहच़ी दिह ञेंच़ातंई कि अपेहल यीशु मसीह प्रगट शोतो ता हेनर लाह दोऊ ठ्रोह शुहचे योंई, छना कुचे हेंज़ी दुह ध्वांए ए खमोंई छना दुह तोह।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।

प्रकाशित वाक्य 1:7

रेड्रुं, दुह डुह रंङ साते अपिमी तोह; दंङ हर इच्च़ा मीह दोबि खमतो, देर तचेक कि अंऊ मीहरे दोऊ मौतो ज़िमेवार तोईरे, दोरे ला दोबि अपि खमोर। धरतीऊ भत्ते मीहरे जोरे-जोरे क्रपोर अपेहल दोरे दोबि खमोर। वोई झांह शोतो! अमीन।