1 तीमुथियुस 6:10 - लाहौली बाइबिल

¹⁰ छना कुचे ढबाहो लालच भत्ते पाहठी बुराई ओ जड़ शुह, रें मीहच़ी सूले-सूले मसीहू शिक्षाओ टोहकठे विशवास लहज़ी बंद लेह केहतोर, छना कुचे दोरे ढबाह बि महस जुन्ज़ातेर, दंङ दोरे महस पाहठी दुखी तोतोर, इच्च़ा झांह ठ्रोह मीह अच़ि एनाबि इच्च़ा हथियार तिरच़ी चरच़तो।

1 तीमुथियुस 6:10 Iomraidhean Croise

मत्ती 13:22

अंऊ बैएजा छ्वाक्तु विचंङ तोहई दुह हुंज़ी ए माह, दिऊ मतलब दिह शुह कि रेह मीहच़ी परमेश्वरो बचन ता रेड्री, पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी।

मत्ती 23:13

हे कपटी यहुदी शास्त्री ए फरीसी मीहरे, केहतु टोईच़ी धिक्कार! केहच़ी मीहतिंङ स्वर्गो राजंङ इबिमी अम बन्द लाहतंई, माह ता केनारे दोहर य्वातंई माह दोहर इल्जातिंङ इबी रंड्रातंई।

मत्ती 6:19

केनोह थल्जी संसारारंङ ढबाह ठ्रोहका थलोह; अंऊ ओमड्राज़ि ए काई खराब लेहई, दंङ अंऊ चोरा ज़ि कुजी चरच़ि।

मरकुसो 4:19

पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी।

कुलुस्सियों 3:5

झांह लेह केरे दुह मांजी कम लहच़ी बंद लेह केहनि अंऊ केहतु पापी स्वाभावारिंङ जुड़ेके तोह। छना कि कुकम, अशुद्धता, मांजी सेहम, मदम लालच लोभ अंऊ मुर्ति पूजा लहसी बराबर तोह।

1 तीमुथियुस 3:3

दुह इच्च़ा शराबी मीह या झांह ठ्रोह शुहबी मेस अंऊ हमेशा लड़ाई लहज़ी बंङज़ा, पर दयालु ए शांत स्वभावो मीह शुहबी जूंस, दंङ माह ए ढबाहो लालची शुहबी जूंस।

1 तीमुथियुस 6:21

रें मीहच़ी दि हप्सी शिक्षा बि ग्रहण लेह केहतोर, दंङ झांह लेह, दोच़ी हेले शिक्षा ओ टोहकठे विशवास लेह छोड़ेके केहतोर। गेह प्रार्थना लहज़ातग कि परमेश्वरो मोह्ड़े दाह केतंङ साते बणेंके बंङज़ोतो।

1 तीमुथियुस 6:9

पर अंऊ साहुकार शुहबी जुन्ज़ातोर, दोरे भत्ते पाहठी पाप लहज़िमी थल्जी युरनाह धोखा रंड्रातोर दंङ इच्च़ा जानवरो ठ्रोह फंदारिंङ फसेके यवातोर दोरे दुह कम लहच़ी जुन्ज़ातोर अंऊ दोतु थल्जी मुर्ख ए खतरनाक तोह दंङ दि हिटी दोतिंङ बरबाद लेह केट्रा दंङ पूरी तरह नाश लेह केट्रा।

2 तीमुथियुस 3:2

छना कुचे रें मतलबी, शेखीमार, घमण्डी, ऊईतु निन्दा लहज़ा, याह बाह ओ गप्पा माह मनेक्च़ा, धन्यवाद माह लहज़ा ए अपवित्र,

2 तीमुथियुस 4:10

छना कुचे देमासे दि संसारो चीज़ारे प्यारे चेहके गेह छोड़ेके चरच़तो दंङ थिस्लुनीके शहरो हखा अच़ा इलज़ा। क्रेसकेंस ला गलातिया प्रदेशो हखा दंङ तीतुस दलमतिया प्रदेशो हखा अच़ा इलज़ा।

तीतुस 1:11

झांह ठ्रोह मीहतिंङ शिक्षा रंड्रीमी इजाज़त थारांई, छना कुचे अपेहल दोरे दि गप्पा सिखाएच़ातोर अंऊ दोतिंङ सिखाएसी माह जूंस, दंङ दोरे भत्ते टबरातु विशवास नाश लेह च़रच़ा। दोरे झांह लेह ढबाह कमाच़ी जुंज़ातोर।

याकूब 5:19

हे गिऊ प्यारे साथी विशवासी रे, अगर केहतु बिचंङ अरिया विशवासी सच्चाई ऊ अमरिंङ च़ि भटकेगी इलि ता, दंङ अच़िया दुह सच्चाई ऊ अमरिंङ वापिस हपतो,

यहूदा 1:11

दोतु टोईच़ी हाय! कि दोच़ी आदमो योह कैनो ठ्रोह मदम व्यवहार लहरिर, अच़ि एनोह न्वा सचे च़रति। दोच़ी जल्दबाज़ी रिंङ दुह ए गलती लहरिर अंऊ बिलामे ऊई मीहतिंङ पापो हखा शिल्ज़िमी मुक्का लहरी ताकि ढबाह खोक्शे तरपोतो। छना मूसा ओ खिलाप विरोध लहज़ा कोहर वंशो नाश शुहचे इलि, ध्वांए ठ्रोह दिरे मीहरे ला नाश शुहचे योर छना कुचे दोरे ला प्रभु खिलाप विद्रोह लहज़ातोर।

प्रकाशित वाक्य 18:13

दंङ दालचीनी, मसाले, धूप, लोबान, सरा, तेल, मैदा, छ्वाह, रद्, बंङ, त्रैंई-घ्वंणरे, रहंङरे, रथ, दंङ अंऊ मीहरे समान लंङज़ातोर ए चुमज़ातोर, दोरे हेंतेग मीहतिंङ गुलामो रूपारिंङ लङज़ि मरपोरे।