1 तीमुथियुस 5:8 - लाहौली बाइबिल

⁸ पर अरिया एनोह नातातु, खासकर एनोह टबरातु देखभाल माह लोहतो, दंङ दोई विशवास छोड़ेके केहतो, दंङ अविशवासी बे ला मदम बड़ेकी इलज़ा।

1 तीमुथियुस 5:8 Iomraidhean Croise

मत्ती 18:17

अगर दोई दोतु लाह मरेड्रीरी ताह कलीसियाओ मीहतु हखा कुड़ु अगर दोई कलीसियाओ लाह मरेड्रीरी ता दोरंङ साते ध्वांए व्यावार लांई छना केहच़ी ऊई जाति ए चुंगी लेहपच़ा दोतंङ साते लोहन।

मत्ती 7:11

अगर केरे मांजी शुहचे केन्दु कटुतिंङ रूठे धिरारे रंड्री ञेंहच़ातंई दंङ केहतु स्वर्गो बाह परमेश्वरे एनोह पेट्रातिंङ रूठे धिरारे छिले माह रमोतो?

यहून्नो 15:22

अगर गेह माह अंजाङ दंङ दोतंङ साते गप्पा माह लंहीयां, ता दोरे पापी माह शुबी तोईरे; दा दोतिंङ दोतु पापो थल्जी छले भाना माह।

1 कुरिन्थियों 6:6

देर ता इच्च़ा विशवासी अई दोबि कोर्टंङ रैंज़ा शिलज़ा, दंङ दू ला अविशवासीतु तुईज़ी।

2 कुरिन्थियों 12:14

हेंतेग, गेह षुमु फेरा केहतु कछंङ अपिमी थल्जी तेयार तोतोग, दंङ गेह केहतु दोरच़ी छल्ले मांग माह लहग; छना कुचे गेह केहतु टंगा-ढबाह मशत, पर केतिंङ ए जुंज़ातग। छना कुचे कटुतिंङ याह-बाह तु थल्जी ढबाह ठ्रोका लेह माह जूंस, पर याह-बाह तिंङ कटुतु थल्जी ढबाह ठ्रोहका लेह जूंस।

2 कुरिन्थियों 6:15

दंङ मसीहू शेतान रंङ साते छल्ले नाता माह। दंङ विशवास लहज़ा मीहतु विशवास माह लहज़ा दोतंङ साते छल्ले नाता माह।

गलातियों 6:10

झांह लेह अंऊर तचेक मोका खोकसोतो हेनर भत्ते मीहतंङ साते भलाई लोहनि; खास लहज़ी साथी विशवासी तंङ साते।

2 तीमुथियुस 2:12

अगर हेनर दोऊ थल्जी दुख सहन लोहनि ता, दंङ हेनर दोरंङ साते रज्ज़ा ओ ठ्रोह राज ला लोहनि। अगर हेंज़ि कोंई कि ञेंहच़ी मसीह बि माह ञेंहनि दंङ दोई ला कोहतो कि हेनर दोऊ माह शुई।

2 तीमुथियुस 3:5

दोरे भक्त शुहबिमी दिखावा लोहर, पर दोरे परमेश्वरो दुह शाक्ति माह मनेक्च़ातेर अंऊ दोतिंङ भक्त बणेंके तरपोतो। झांह ठ्रोह मीहतंङ साते मेल-जोल थालंही।

तीतुस 1:16

दोरे हप्सी शिक्षा रंड्रा कुट्रातोरे कि हेनर परमेश्वरा बि ञेंच़ातंई, पर दोतु कम दिबी गलत सबित लहच़ी केट्रा। छना कुचे दोरे महस झखंजी (घिनौने) ए हुकुम माह मनेक्च़ा तोतोर, दंङ दोरे अंऊ ला रूठे कम लहज़िमी जोगे माह तोहर।

2 पतरस 2:1

महस टेम तुहई, छना इस्राएली मीहतु बिचंङ हप्सी भविष्यवक्ता तोईरे, ध्वांए ठ्रोह केहतु बिचंङ हप्सी शिक्षा रंड्रा ला शोरे। दोरे सूले-सूले केहतु कलीसिया रिंङ अपि शुरू लोहर दंङ परमेश्वरो पाहठी केतंङ साते नुकसान लहज़ा ठ्रोह हप्सी शिक्षा बि कोहर। देर तचेक कि दोरे मसीह बि एनोह प्रभु रूपा रिंङ मनेकच़िमी रंङ साते इन्कार लेह च़रपोर अच़ि दोतिंङ पापो दोरच़ी आज़ाद लहरी। छना कुचे दोच़ी झांह लहज़ातोर, झांह लेह दोरे एनोह टोईच़ी अचानक विनाश हपातेर।

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”

प्रकाशित वाक्य 2:13

गेह दि ञेंहच़ातग कि काह दुह शहरारिंङ बंङज़ातन अंऊर शेताने राज लहज़ा। काह गिऊ थल्जी विशवासो जोगे बणेंके बंङज़िन दंङ गिऊ टोईच़ी विशवास लहज़ी ब्याड़ा माह लहरिन। केई दुह मुक्का ला विशवास लहरिन अपेहल दोच़ी अन्तिपासा बि दोर्तिंङ सच़ी च़रतिर अंऊर शेताने राज लहज़ाते। अन्तिपास मीहच़ी गिऊ पाहठी विशवासा रंङ साते कंङातोर।

प्रकाशित वाक्य 3:8

गेह ञेंच़ातग कि केई छि लहज़ातन, केई छना ठ्रोह मेहनत लहज़ातन दंङ अपेहल ला हार माह मनेक्च़ातंई, रेड्रुं गेह दि ला ञेंच़ातग कि कनिंङ थोड़े अरे हिम्मत तोह, पर तांला केई गिऊ कुहषी गप्पो टोईच़ी विशवास लहज़ातन दंङ केई दि गप्पो दोरच़ी इंकार माह लहन कि केई गिऊ टोईच़ी विशवास लहज़ातन। दिऊ थल्जी गेह केहतु तुईज़ी इच्च़ा तोंखा इबिमी पेतंङ अल्ज़े केहतग, अपि अच़िला बंद लेह मारपोतो।