1 तीमुथियुस 5:5 - लाहौली बाइबिल

⁵ दुह रंणी अतु देखभाल लहज़ा अरिला माह, परमेश्वरो टोहकठे ए उम्मीद तहच़ा, दंङ रात-दिन बिनती ए प्रार्थना लहज़ा परमेश्वरो हखा एनोह थल्जी मदत पेट्रा।

1 तीमुथियुस 5:5 Iomraidhean Croise

लूको 18:1

यीशु ज़ि एनोह चेला तिंङ दिऊ पाहठी इच्च़ा कथारिंङ कुंहई कि, रोज प्रार्थना लोहवा लांही दंङ निराश थाह शुई;

लूको 18:7

परमेश्वरे एनोह शता लहसी मीहतु थल्जी अच़ि रात दिन दोऊ तुईज़ी क्रपातोर ज़रुर न्याय लोहतो, दंङ दोतु मदत लहज़िमी थल्जी झाड़ा माह लोहतो।”

लूको 2:37

दुह निहज़ो पि साल बेहच़ी रंणी तोहई, दंङ यहुदी मंदिरंङ बंङज़ा ब्रत ए प्रार्थना लहज़ा मुंजे ए ञोंकोल अराधना लहज़ाते।

प्रेरित 26:7

ञेंहतु सनी गोत्र एनोह भत्ते सेहमंङ ज़ि रात-दिन परमेश्वरो सेवा लहज़ी लेहकी तोतोर। परमेश्वरा रंङ साते इच्च़ा वाईदा पूरा लहज़िमी उम्मीद तोह। हे रज्ज़ा, दि झांह तोह छना कुचे गिऊ विशवास तोह कि परमेश्वरे यीशु बि यह्च़ा श्रींङमी लेह च़रति दंङ दिए हेंदु आधार शुह, उम्मीद तोह कि दुह ला सिए दोतिंङ श्रींङे लेह च़रपोतो, ठीक दिए उम्मीद ओ यहुदी गिऊ टोईच़ी दोष लगाएच़ातोर।

प्रेरित 6:1

दुह ध्याड़ा रिंङ अपेहल चेला तु गिनती महस शुहबी लेहती। दंङ यूनानी भाषा कुट्रा यहुदी विश्वासिर, इब्रानी भाषा कुट्रा यहुदी विश्वासी तु खिलाप शिकायत लहरिर, कुट्री लेहतिर, कि हर ध्याड़ो सेवा रिंङ ञेंहतु ए रंणी मेच़िमी तु ख्याल माह तहच़ातोर।

प्रेरित 9:39

दोहथर पतरस खड़े शुहचे दोतंङ साते अच्च़ा इलि, दंङ छना ए दुह पिचे इलि, ता दोरे पतरस बि तोरिंङ कि कमरा रिंङ रेंज़ा शिलिर। दंङ भत्ते रंणी मेच़िमी रे क्रपचा दोऊ कछंङ अंज़े खड़े शुईरे, दंङ अंऊ कुर्ती ए खमज़ेर दोरकास ए दोतु थल्जी बणाएकते, कंड्री लेहती।

प्रेरित 9:41

दोई गुड़ रेह दुह खड़े लहरी, दंङ पवित्र मीहतिंङ ए रंणी मेच़िमी रे बुलाके दुह श्रींङे कंङे च़रति।

रोमियो 1:12

गिऊ कुट्रिमी दि मतलब तोह कि अपेहल गेह केहतु कछंङ अपोग, दंङ गेह ए कांह हेंदु बिचंङ इदि-अई दिऊ विशवासो दोरच़ी उत्साहित शुहचे योंई।

रोमियो 1:5

मसीहू दोरच़ी गिह्बी मोह्ड़े दाह ए प्रेरिताई ओ सेवकाई परमेश्वरो दोरच़ी रांहषी तोह, ताकि दोऊ मिन्दु बजाहज़ि भत्ते जातिऊ मीहरे मसीहू टोहकठे विशवास लोहर दंङ दोऊ हुकुम मनेक्पोर,

1 कुरिन्थियों 7:32

गिऊ हिटी तोह कि केरे संसारो हिटी ओ दोरच़ी शत्‌ह बंङज़ुंई, कुंवारा गंङमी दि चिंद लहज़ी कि परमेश्वरो सेवा छना लोहग, दुह प्रभु बि खुश लहज़ी जुंज़ा।

1 कुरिन्थियों 7:34

ब्याह लहसी ए कुंवारा तु बिचंङ लाह फर्क तोह, कुंवारी मेच़िमी कटु परमेश्वरो सेवा लहज़िमी चिंद लहज़ी कि दू एनोह सेहम ए फुका बि प्रभु थल्जी शत्‌ह लहज़ा पर ब्याह लहसी मेच़िमी संसारो चीज़ा तु पाहठी चिंद लहज़ा कि छना घेंङौ गगसा बि खुश लोहग।

इफिसियों 6:18

दंङ भत्ते मुक्का ए भत्ते पाहठी हेंदिंङ ध्वांए ए प्रार्थना ए बिनती लहज़ी जूंशी तोह। छना पवित्र आत्माज़ि हेंदु अगुवाई लहज़ा। झांह लेह चेहके बंङज़ेंई दंङ भत्ते परमेश्वरो मीहतु थल्जी हमेशा प्रार्थना लोहवा लंहि।

फिलिपियों 4:6

अंऊ ला गप्पो चिंद थालंही, पर हर इच्च़ा हालाता रिंङ केहतु निवेदन, प्रार्थना ए बिनती रंङ साते धन्यवाद रंङ साते परमेश्वरो तुईज़ी हाज़िर लेह केऊर।

1 तीमुथियुस 2:1

भत्ते बे ज़रूरी गप्पा तोह कि, केरे भत्ते मीहतु थल्जी प्रार्थना, निवेदन, विनती ए धन्यवाद लोह।

1 तीमुथियुस 5:16

अगर अरिया विशवासी मेच़िमी ऊ टबरातु बिचंङ रंणी तोतोर, दंङ दोबि एनोह रंणी तु ज़रूरत पूरा लहज़िमी ज़िम्मेवारी कलीसिया बि रंड्री माह जूंस। ताकि कलीसिया दुह रंणी तु ज़रूरत पूरा लेह तरपोतो अतु कछंङ दोतु मदत लहज़ा ऊई अरिला माह।

1 तीमुथियुस 5:3

दुह रंणी मेच़िमी तु आदर लोह, अतु कछंङ दोतु देखभाल लहज़ा अरिला माह।

2 तीमुथियुस 1:3

अपेहल ला गेह प्रार्थना लहज़ातग, गेह हमेशा कनिंङ हिद लहच़ी कांह थल्जी परमेश्वरो धन्यवाद लहज़ातग। दुह, दुह ए शुह अतु सेवा गेह घेंङौ शुद्ध सोचे लहज़ातग, छना गिऊ बाह-मेमे ज़ि लहज़ातेर।

1 पतरस 3:5

झांह ठ्रोह अंऊ मेच़िमिर महस तुहई बंङज़ातेर दंङ परमेश्वरो टोईच़ी विशवास लहज़ातेर दंङ दोऊ टोईच़ी एनोह उम्मीद तहच़ातेर, दोरे एनातु गगसो हुकुम मनेकी झांह ए ठ्रोह एनाबि सलटे लहज़ातेर।