1 तीमुथियुस 5:3 - लाहौली बाइबिल

³ दुह रंणी मेच़िमी तु आदर लोह, अतु कछंङ दोतु देखभाल लहज़ा अरिला माह।

1 तीमुथियुस 5:3 Iomraidhean Croise

मत्ती 15:6

दंङ दोई एनोह बाहऊ आदर थलोह झांह लेह केहच़ी केन्दु रीतिरिवाज़ो बजाहज़ि परमेश्वरो कुहषी वचन माह लहतंई।

मत्ती 23:13

हे कपटी यहुदी शास्त्री ए फरीसी मीहरे, केहतु टोईच़ी धिक्कार! केहच़ी मीहतिंङ स्वर्गो राजंङ इबिमी अम बन्द लाहतंई, माह ता केनारे दोहर य्वातंई माह दोहर इल्जातिंङ इबी रंड्रातंई।

लूको 2:37

दुह निहज़ो पि साल बेहच़ी रंणी तोहई, दंङ यहुदी मंदिरंङ बंङज़ा ब्रत ए प्रार्थना लहज़ा मुंजे ए ञोंकोल अराधना लहज़ाते।

लूको 7:12

अपेहल दुह नगरो फटाको कछंङ पीडी सा ता, खंणी, मीहरेर इच्च़ा मुर्दा बि धह्तेका लेन्ज़ा य्वातेर; अंऊ एनोह याहो इच्च़ा योह तोहई, दंङ दुह रंणी तोहई: दंङ नगरो महस मीहरे दोरंङ साते तोईरे।

यहून्नो 1:47

यीशु ज़ि नतनएल बि एनोह हखा अपि खंणी रंङ साते दोऊ पाहठी कुहतो, “खंणुई, दी इस्राएलो भरोसेमंद खानदानो शुह: अरी पुरे ठ्रोह ईमानदार तोह।”

प्रेरित 6:1

दुह ध्याड़ा रिंङ अपेहल चेला तु गिनती महस शुहबी लेहती। दंङ यूनानी भाषा कुट्रा यहुदी विश्वासिर, इब्रानी भाषा कुट्रा यहुदी विश्वासी तु खिलाप शिकायत लहरिर, कुट्री लेहतिर, कि हर ध्याड़ो सेवा रिंङ ञेंहतु ए रंणी मेच़िमी तु ख्याल माह तहच़ातोर।

प्रेरित 9:39

दोहथर पतरस खड़े शुहचे दोतंङ साते अच्च़ा इलि, दंङ छना ए दुह पिचे इलि, ता दोरे पतरस बि तोरिंङ कि कमरा रिंङ रेंज़ा शिलिर। दंङ भत्ते रंणी मेच़िमी रे क्रपचा दोऊ कछंङ अंज़े खड़े शुईरे, दंङ अंऊ कुर्ती ए खमज़ेर दोरकास ए दोतु थल्जी बणाएकते, कंड्री लेहती।

प्रेरित 9:41

दोई गुड़ रेह दुह खड़े लहरी, दंङ पवित्र मीहतिंङ ए रंणी मेच़िमी रे बुलाके दुह श्रींङे कंङे च़रति।

1 थिस्सलुनीकियों 2:6

ञेंहच़ी मीहतु दोरच़ी आदर माह जुन्ज़ातंई, दंङ माह ए केहतु दोरच़ी माह ए ऊईतु दोरच़ी छना कुचे मसीहू प्रेरित शुहबिमी रंङ साते ञेंतिंङ केहतु दोरच़ी मदत खोकच़िमी हक तोह।

1 तीमुथियुस 5:2

दंङ यंङज़ा तिंङ केनातु याह चेहके सलाह रांई; दंङ जवान मेच़िमीतिंङ शुद्ध सेहमे, ध्वांए वर्ताब लंहि, कि दोरे कांह ए रिंङ शोर।

याकूब 1:27

हेंदु बाह परमेश्वरो कछंङ रूठे ए निर्मल भक्ति दि तोह, कि याह मेह बाह मेह ए रंणीतु झगड़ारिंङ दोतु सुधि लेहप्तुंई, दंङ केनातिंङ संसारो दोरच़ी निष्कलंक तंही।

1 पतरस 2:17

भत्ते तु आदर लंहि केनातु भत्ते साथी विशवासी तंङ साते दाह तंही, परमेश्वरा रंङ साते बेईनि, रज्ज़ा ओ आदर लंहि।

1 पतरस 3:7

ध्वांए हे गगसा रे, अपेहल कि केरे इच्च़ा साते बंङज़ातंई दंङ केनातु मेच़ातंङ साते समझदारी रंङ साते व्यवहार लंहि, केतिंङ हिद तहच़ि जूंस कि दू करंङ बे कमज़ोर तोह, झांह लेह केतिंङ दोऊ आदर लेह जूंशी तोह। छना कुचे केहतु झुह्ट दू वरदाना बि सांझा लहज़ातंई अंऊ परमेश्वरे एनोह मोह्ड़े दाह ओ दोरच़ी केतिंङ रांहषी तोह, मतलब अनंत ज़िंदगी ओ वरदान। अगर केरे झांह लोहनि, दंङ परमेश्वर केहतु प्रार्थना रेड्रोतो।