1 तीमुथियुस 5:23 - लाहौली बाइबिल

²³ केरे हेंतेग बे सिर्फ ति ए तुंङज़ंई पर केनोह घड़ी-घड़ी टेहषी शुहबिमी वहज़ा ज़ि थोड़े-थोड़े दाख रस औषद्धो हिसाबे तुंङमा लोह।

1 तीमुथियुस 5:23 Iomraidhean Croise

प्रेरित 18:5

अपेहल सीलास ए तीमुथियुस मकिदुनिया प्रदेशंङ ज़ि बिरिया शहरो ज़ि कुरिन्थस शहरा रिंङ अतिरे, दोहपल पोलुसे तम्बू बणाएट्रिमी कम बंद लेह चरच़ाते दंङ पोलुस बचन सुनाएच़िमी धुना रिंङ यहुदी तिंङ गवाही रंड्री लेह्की तोहई कि यीशु ए मसीह शुह।

इफिसियों 5:18

सरो नशारिंङ मस्त शुहचे केनातिंङ नाश थालंही, छना कुचे दिरिंङ मीहरे एनोह सुधबुधो दोरच़ी धकतेखा शुचे यवाह। बल्कि पवित्र आत्माबि केतिंङ एनोह सामर्थे पिंङड्री रांई।

1 तीमुथियुस 3:3

दुह इच्च़ा शराबी मीह या झांह ठ्रोह शुहबी मेस अंऊ हमेशा लड़ाई लहज़ी बंङज़ा, पर दयालु ए शांत स्वभावो मीह शुहबी जूंस, दंङ माह ए ढबाहो लालची शुहबी जूंस।

1 तीमुथियुस 3:8

ध्वांए कलीसिया ओ सेवकातिंङ ला शुहबी जूंस अतु आदर मीहच़ी लोहर, ईमानदार शुहबी जूंस, दंङ शराबी शुहबी मेस, दंङ गलत तरीका रंङ ढबाह कमाएच़िमी लालची शुहबी मेस,

1 तीमुथियुस 4:4

छना कुचे परमेश्वरो बणाएषी भत्ते चीज़ रूठे तोह, ञेंरे भत्ते पाहठी ओ बगत ज़ै तरपोंई पर परमेश्वरो धन्यवाद लहज़ा ते ज़ै तरपोंई;

तीतुस 1:7

छना कुचे कलीसिया ओ मुख्या बि परमेश्वरो खज़ान्च़ीज़ि शुहबीरंङ साते बेकसूर शुहबी जूंस; माह ज़िद्दी, माह रोहष, माह पियक्कड़, माह मारपीठ लहज़ा, माह ढबाहो लालची शुहबी जूंस।

तीतुस 2:3

झांह ए ठ्रोह यंङषी मेच़िमीरे ला झांह ठ्रोह व्यवहार लंहि अतु वहज़ा ज़ि परमेश्वराबि आदर खोकसोतो। दंङ ऊईतु पाहठी मदम कुट्रा ठ्रोह शुहबी मेस, माह सरा तुंङज़ाड़, पर ऊईतिंङ रूठे गप्पारे सिखाएच़ा शुहबी जूंस