1 तीमुथियुस 5:22 - लाहौली बाइबिल

²² अतुआ टोहकठे गुह्ट्र केट्रा दोबि सेंहणा ओ थल्जी अंङे था च़रतु। अगर केई झांह लहज़ातन ता कांह दोऊ पापो थल्जी ज़िमेवार शोन। मदम गप्पो दोरच़ी केनाबि शत्‌ह तोह।

1 तीमुथियुस 5:22 Iomraidhean Croise

प्रेरित 13:3

दोथर दोच़ी ब्रत ए प्रार्थना लहज़ा दंङ दोतु टोईच़ी गुड़ केह्चे दोतिंङ परमेश्वरो कम लहज़िमी थल्जी च़रतिर।

प्रेरित 18:6

पर अपेहल यहुदी मीहरे पोलुसो खिलाप बुराई लहज़ी लेहती; दुह मुका दोई एनोह खमज़े साफ लेह दोतंङ साते कुई, “परमेश्वरो बचन अस्वीकार लेह वहज़ा ज़ि केरे ए दुह सज़ा ओ ज़िमेवार शुई, अंऊ केतिंङ परमेश्वरो दोरच़ी खोकसोतो! गेह निर्दोष शुगाह। हेंतेग बेहच़ी गेह ऊईजाति तु कछंङ इलजे परमेश्वरो बचनो प्रचार लोहग।”

प्रेरित 20:26

झांह लेह गेह तोग कि ध्याड़ा रिंङ केतंङ साते गवाही रंड्रा कुट्रातग, अगर केहतु बिचंङ अरिया यीशु ऊ टोकठे विशवास मेह सिए यवात, दंङ दुह गिऊ ज़िम्मेवारी माह शुह।

प्रेरित 6:6

दंङ दोतिंङ प्रेरिता तु तुईज़ी हतिर दंङ प्रेरिता ज़ि दोतु थल्जी प्रार्थना लहरिर दंङ दोतु टोईच़ी गुहड़ केह्चे सेवा लहज़िमी थल्जी अधिकार रेंईर।

इफिसियों 5:11

अंऊ मीहरे पापो कम हंयार रिंङ लहज़ातोर, दोतंङ साते सहभागी थाशुंई, पर मीहतिंङ सिखाएक्तुंई, कि दि कम गलत शुह।

1 तीमुथियुस 3:10

कलीसिया ओ सेवकातिंङ अंङड्रे बे तुहई दोतिंङ दि सबित लेह रांई कि दोतिंङ सही गुण तोह दंङ अगर दोरे निर्दोष हुंचोरे दंङ दोरे सेवको कम लोहर।

1 तीमुथियुस 3:2

दंङ दि ज़रूरी तोह कि कलीसिया ओ मुख्या बि दि गुण शुहबी जूंस, कि दुह निर्दोष शुहबी जूंस, दंङ इच्च़ा मेच़ो गगसा शुहबी जूंस, हर हालातरिंङ एनोह टोहकठे काबू लहज़ा, रूठे, ए पौहना तु आदर लहज़ा, दंङ परमेश्वरो बचन रूठे रंङ सिखाएच़ा शुहबी जूंस।

1 तीमुथियुस 3:6

दुह इच्च़ा पक्‍का विशवासी शुहबी जूंस, माह ता शुहबी तरपोतो कि दुह घमण्डी शुहचे योतो, दंङ दोबि दुह सज़ा खोकसोतो अंऊ शेतान बि खोकसते।

1 तीमुथियुस 4:12

अच़िया काह तुच्छ (बेकार) समझेक्सी माह जूंस छना कुचे काह जवान तोतोन पर कांह बोल-चाल ए चाल-चलनारिंङ, ऊईतु थल्जी दाह रिंङ मसीहू टोहकठे कनु विशवासरिंङ दंङ कनु निर्दोष जीवनारिंङ, विशवासी मीहतु थल्जी इच्च़ा उदाहरण बणेंक्तु।

1 तीमुथियुस 4:14

दुह वरदानो थल्जी अंऊ भविष्यवाणी ओ दोरच़ी कनिंङ कलीसिया ओ सेंहणा तु गुह्ट्र केट्रिमी मुक्का कनिंङ खोकसते, दोबि लगातार कनिंङ इस्तेमाल लेह जुंशी तोह।

2 तीमुथियुस 1:6

झांह लेह गेह कनिंङ हिद रंड्रातग कि परमेश्वरो दुह वरदाना तिंङ यह्च़ा इस्तेमाल लोह, अपि परमेश्वरे केतिंङ रांहषी तते अपेहल गेह कांह पुंज़ा रिंङ घेंङौ गुह्ट्र केहतेग।

2 तीमुथियुस 2:2

केई गिह्बी महस मीहतु तुहई ज़ि मसीहू पाहठी खबर सिखासी तंङातेन, झांह लेह, गेह जुंज़ातग कि केई ला ऊई विशवासी तिंङ दिए खबर सिखाएतु। अंऊ विशवासो जोगे मीहरे तोतोर, दंङ अंऊ ऊईतिंङ ला दिए सिखाएच़िमी जोगे शोर।

इब्रानियों 6:2

दंङ हेंदिङ बपतिस्मा ओ पाहठी, दंङ अतुआ टोईच़ी गुह्ड़ केहच़ी आशीष रंड्रीमी पाहठी, दंङ सिए दोतु बिचंङ ज़ि श्रींङमी पाहठी, दंङ अन्तिम फेंसलाऊ शिक्षा ओ मुयांद यह्च़ा केट्रिमी ज़रूरत माह।

2 यूहन्ना 1:11

छना कुचे अंऊ दि झांह ठ्रोह मीह बि नमस्कार लहज़ा दुह दोऊ मदम कमरिंङ साथी शवाह।

प्रकाशित वाक्य 18:4

दंङ गेह स्वर्गंङ ज़ि अई इच्च़ा सग रेड्रीगा, “हे गिऊ मीहरे, दुह शहरो धकते हुंच़ा ईलांई। दुह मीहतु पाप हिद थालंही, ताकि अंऊ सज़ा दोतिंङ खोकसोतो, दुह केतिंङ खोकसी माह जूंस।”