1 तीमुथियुस 5:17 - लाहौली बाइबिल

¹⁷ अंऊ कलीसिया ओ सेंहणार एनोह कम रूठे रंङ लहज़ातोर, दोरे सही आदर ए सही मज़दूरी खोकच़िमी जोगे मनेक्तुंई, खासकर दोरे मीहरे अंऊ परमेश्वरो खबर ए बचनो प्रचार लहज़िमी थल्जी खास मेहनत लहज़ातोर,

1 तीमुथियुस 5:17 Iomraidhean Croise

मत्ती 24:25

खंणु, गेह तुहई केतिंङ भत्ते धिर कुचे केहषी तातग।

लूको 10:7

दुह ए घरबारंङ तोनि, दंङ अंऊ ला चीज़ दोतु दोरच़ी खोकसोतो, दुह ए ज़ोहनी ए तुंङमोंई, छना कुचे कम लहज़ा दोतिंङ एनोह ध्याड़ी खोकसी जूंस; चुंङ-चुंङ था ईलांई।

लूको 12:42

प्रभु ज़ि दोबि जुबाब रेंई, “दुह विशवासो जोगे ए समझकार परगर अरी शुह, अतु मालिके दोबि ऊई नोकरा तु टोईच़ी मुख्या नियुक्त लोहतो कि दोतिंङ टेमा रिंङ बगत रमतो।”

यहून्नो 4:38

गेह केतिंङ दुह रीह वलज़िमी थल्जी चरच़ातग, अतु टोईच़ी केहच़ी मेहनत माह लहतन; ऊई दोच़ी मेहनत लहसी शुह दंङ केहच़ी दुह फसल ठ्रोहका लोहनी।”

प्रेरित 11:30

दंङ दोच़ी ध्यांए लहरिर; दंङ बरनबास ए शाऊल ओ गुहड़िंङ, सेंहणातु कछंङ ढबाह च़रतिर।

प्रेरित 20:35

गेह केहतु थल्जी लगातार इच्च़ा उदाहरण बणेंके तोतोग दि कंड्रीमी थल्जी कि छना मेहनत लहज़ी केरे ज़रूरत मंद मीहतु मदत लेह तरपोंई। केतिंङ प्रभु यीशु बचन हिद तहज़ी जूंस छना कुचे दोई एनाह ए कुहषी ततो कि, लेहपच़िमी बदला रंड्रीरी महस खुशी खोकसी।

प्रेरित 28:10

दोच़ी ञेंहतु महस आदर लहरिर, दंङ अपेहल हेनर इबिमी थल्जी तेयार शुई, दंङ छिल्ला समान ञेंहतु थल्जी ज़रूरी तोहई, दू दोच़ी जहाज़ो टोईच़ी केहच़ी च़रतिर।

रोमियो 12:8

अतिंङ उत्साहित लहज़िमी वरदान खोकसा तोह ता, दू उत्साहित लोहवा लोह अगर ऊईतु ज़रूरत पूरा लहज़िमी वरदान खोकसा तोह ता दू दान बि ऊईतु मदतो थल्जी महस बे महस रम्मा लोह। अगर अगुवाई लहज़िमी वरदान तोह ता दोबि भत्ते खुशी रंङ साते लोह अंऊ दया लोहतो दू खुशी रंङ साते लोह।

रोमियो 15:27

दोच़ी दि खुशी रंङ साते लहरिर कि, पर दोरे यरूशलेम शहरारिंङ बंङज़ा मीहतु कर्ज़दार तोतोर, छना कुचे ऊईजाति ज़ि यरूशलेम शहरारिंङ बंङज़ा विशवासी तु दोरच़ी रूठे खबरो आत्मिक आशीष खोकतिर, झांह लेह दोतिंङ च़ेहसा, कि दिऊ बदला रिंङ दोरे कम से कम दोतु दान रंड्रा ते मदत लेह तरपोर।

रोमियो 16:12

त्रूफैना ए त्रूफोसो रिहंङ अंऊ प्रभुरिंङ महसे मेहनत लहज़ातोर। प्यारे पिरसिस रिहंङ अच़ि प्रभु रिंङ महस मेहनत लहरी, दोबि ला गिऊ नमस्कार।

1 कुरिन्थियों 15:10

पर अगर तोग गेह प्रेरित शुगाह दंङ दुह परमेश्वरो मोह्ड़े दाह शुह। दंङ दोऊ मोह्ड़े दाह अंऊ गिऊ टोईच़ी शुई, दुह शुह्के माह शुई पर गेह ऊई अरिला प्रेरित बे महस मेहनत ला लहरिगा ता दि गिऊ दोरच़ी मशत पर परमेश्वरो मोह्ड़े दाह गिऊ दोरच़ी कम लहज़ाते।

1 कुरिन्थियों 16:16

झांह लेह गेह केतंङ साते विनती लहज़ातग, कि झांह ठ्रोह सेंहणातु भाषे लंहि, बल्कि हर इच्च़ा बि अंऊ दोच़ी महस मेहनत लहज़ातोर दंङ अंऊ दोरे झांह ठ्रोह सच्ची भक्ति रंङ साते सेवा लहज़ातोर।

1 कुरिन्थियों 3:9

हेनर परमेश्वरो साथी शुई; दंङ केरे कुरिन्थुस ओ विशवासी इच्च़ा रिहो ठ्रोह तोतोंई अंऊ परमेश्वरो तोह। साते ए, गेह केहतु बराबरी इच्च़ा चुंङ ज़ि लेह तरपोग अपि परमेश्वर बणाच़ी लेहकी तोह।

2 कुरिन्थियों 6:1

परमेश्वररंङ साते कम लहज़ा शुहबी रंङ साते हेनर करंङ साते दि विनती लहज़ातंई कि परमेश्वरो मोह्ड़े दाह केहतु टोईच़ी शुहचा, दोबि ध्यांए इबि थारांई;

गलातियों 6:6

अंऊ मीहतिंङ परमेश्वरो बचनो शिक्षा रंड्रातोर, दंङ दोतु फर्ज़ बणेक्पा, कि छिल्ला धिर दोतु कछंङ तोह, दू मीहतंङ साते फासि जूंस अंऊ दोतिंङ सिखाएच़ातोर।

फिलिपियों 2:16

झांह लेह गेह मसीहू यह्च़ा अपिमी ध्याड़ो थल्जी दि गप्पो टोहकठे घमण्ड लेह तरपोग कि गिऊ कोशिश ए मेहनत लहज़ी बेकार माह शुई।

फिलिपियों 2:29

झांह लेह केरे प्रभुरिंङ दोरंङ साते महसे खुशी रंङ साते दोईनि, दंङ केतिंङ दोऊ ए ठ्रोह दोतु आदर लेह जूंशी तोह,

फिलिपियों 4:3

हे सच्चे साथी सुनतुखे, गेह करंङ साते बिनती लहज़ातग कि का दुह मेच़िमी तु मदत लोह, कि दोरे ला एनातु बिचंङ ठ्रोहका शुहचे बंङज़ोर, छना कुचे दोच़ी गेरंङ साते रूठे खबर फेलाच़िमी थल्जी, क्लेमेंस ए गिऊ ऊई साथीरंङ साते मेहनत लहरी, अतु मिन जीवनो कताबारिंङ च़ेहसी तोह।

1 तीमुथियुस 3:5

अगर अरिया एनोह टबरातिंङ रूठे रंङ चलाच़ी माह ञेंहच़ा, दंङ दुह परमेश्वरो कलीसियाओ रखवाली छना लेह तरपोतो?

1 तीमुथियुस 4:10

ञेंरे दि जीवन खोकच़िमी थल्जी ञेंहच़ी मेहनत ए कोशिश दिऊ थल्जी लहज़ातंई कि हेंदु उम्मीद दू श्रींङे परमेश्वरो टोहकठे तोह; अंऊ भत्ते मीहतु खासकर विशवासी मीहतु उद्धार लहज़ा शुह।

1 तीमुथियुस 4:14

दुह वरदानो थल्जी अंऊ भविष्यवाणी ओ दोरच़ी कनिंङ कलीसिया ओ सेंहणा तु गुह्ट्र केट्रिमी मुक्का कनिंङ खोकसते, दोबि लगातार कनिंङ इस्तेमाल लेह जुंशी तोह।

1 तीमुथियुस 4:16

दि पाहठी खबरदार बंङज़ु कि कांह छना बंङज़ातन दंङ छि सिखाएक्च़ातन, दि गप्पारिंङ पक्‍का बंङज़ु, छना कुचे अगर झांह लोहवा लोहन, दंङ दिऊ नतीज़ा दि शोतो कि कांह दोरच़ी परमेश्वर एनेह कनिंङ ए कनिंङ रेड्रा दोतिंङ न्यायो दोरच़ी बचाएपोतो।

1 तीमुथियुस 4:6

अगर कांह भत्ते विशवासीतिंङ लगातार दि हिद गप्पा सिखाएपोंई कि अतु गेह कनिंङ सिखाएकातग, दंङ कांह विशवासो खबरो दोरच़ी ए रूठे शिक्षाओ दोरच़ी पक्‍का लेह केहनि, अतिंङ केई मनेक्च़ातंई, दंङ कांह यीशु मसीहू इच्च़ा रूठे सेवक शुनाह।

1 तीमुथियुस 5:19

अगर अरिया कलीसिया ओ सेंहणा ऊ खिलाप पाप लहच़िमी दोष लगाएपोतो, दंङ धोंण तचेक दोबि था मनेक्तुंई, अपेहल तचेक झुह्ट या षुमु मीहरे इच्च़ा गप्पा ओ दोष लगाएपोर माह।

1 तीमुथियुस 5:3

दुह रंणी मेच़िमी तु आदर लोह, अतु कछंङ दोतु देखभाल लहज़ा अरिला माह।

2 तीमुथियुस 2:6

अंऊ मज़दूर मेहनत लहज़ा, फसलो मुन्डो हिस्सा ओ हकदार दुह ए शुह।

2 तीमुथियुस 4:2

कि काह परमेश्वरो बचन प्रचार लहज़िमी थल्जी हमेशा तेयार बंङज़ु, मीहच़ी चाहे दि रेड्रोर या माह रेड्रोर। कनिंङ दोतिंङ दि कंड्री ज़रूरी तोह कि दोच़ी छि गलती लहतोर दंङ कांह दोतु पापो थल्जी दोतिंङ रैहचु। पर कनिंङ मीहतिंङ हिम्मत रंड्री जूंशी तोह दंङ कनिंङ धीरज़ा रंङ साते दोतिंङ शिक्षा रंड्री जुंशी तोह।

इब्रानियों 13:17

केनातु अगुवा तु मनेक्तुंई; दंङ दोतु अधीन बंङज़ेंई, दोरे केहतु टोईच़ी नज़र केहषी तातोर ताकि केरे भटकेगी माह जूंस। छना कुचे दोतिंङ एनोह सेवा ओ लेखा परमेश्वरा बि रंड्री पढ़ेक्पोतो; केरे दोऊ मनेक्तुंई, ताकि दू दि कम खुशी रंङ साते लोहतो, छना कुचे दुखी शुहचे सेवकाई लहज़िमी छल्ले फायदा माह।

इब्रानियों 13:24

केनातु भत्ते अगुवा ए परमेश्वरो मीहतिंङ गिऊ नमस्कार कुंई। इतालिया देशो विशवासी रे केतिंङ नमस्कार कुट्रातोर।

इब्रानियों 13:7

अंऊ केहतु अगुवा तोईरे, दंङ अच़ि केतिंङ परमेश्वरो बचन सुनाच़ी तातोर, दोतिंङ हिद तंही; दंङ ध्याना रंङ साते दोतु जीवन खंई, कि छना दोच़ी एनोह जीवन‍‍ श्रींङमातोर, दंङ सिमी मुक्का तचेक परमेश्वरो विशवासा रिंङ पक्‍का बणेंके बंङज़िरे। झांह लेह हेंदिंङ ला परमेश्वरो टोईच़ी ध्वांए ठ्रोह विशवास लहज़ी लेह्पोतो छना दोच़ी लहसी तरेर।